استفسارات
 

انا عندي كم استفسار ياليت تساعدوني فيه

بخصوص الشهادة حقتي اللي راح اخذها من كلية الدراسات التطبيقية وخدمة المجتمع انا سمعت انها ماشي حالها عشان انتساب وعربي .. يعني وشو اضيع وقتي وسنوات على الفاضي ولا كيف ؟ :9: ولو تخرجت الشهادة ينكتب عليها انتساب ولا انتظام ؟

ثاني شي بخصوص البريد الألكتروني اقدر اتواصل مع الدكاترة من بريدي العادي نفسه ؟ ولا لازم اسوي بريد جامعي من الأوت لوغ ؟ واذا لازم ياليت تعلموني الطريقة :36:

ثالث شي بخصوص التحويل انا عندي وحدة صديقتي اجنبية تدرس انتساب وابي استفسر التحويل للإنتظام للسعوديين بس ؟ ولا في للأجانب بعد ؟
انا يوم قريت في الموقع مو كاتبين شي بس الشرط ان الواحد يجيب معدل 3.5 وفوق ويحول عادي بس حبيت اتأكد منكم :7:


حاليا هذي الأستفسارات اللي مقروشتني ياليت تساعدوني :5:


وشكرا .. :16:

رد: استفسارات
 

وعليكم السلام ورحمة الله وبركاته

بالنسبة لشهادتك تقدرين تحولين انتظام
بعد مستويين وسمعت كمان ان التعليم عن بعد
شهادته مايختم عليها انتساب

بخصوص بريدك الالكتروني
مايحتاج تسويين انتي عندك ايميل جامعي اصلا

2100110000@sm.ud.edu.sa
^
حطي رقمك الجامعي بدال الرقم هذا
والباس وورد
هو نفسه باس وورد البلاك بورد

وبالنسبة لمراسلة الدكاتره ايه نعم
تقدرين تراسلينهم من ايميلك
بس اكتبي لهم رقمك الجامعي + اسمك
عشان يعرفون من انتي من الطالبات :34:


استفسارك الثالث
ماعندي علم عنه للامانه
ان شاء الله غيري يفيدك