|
تحميل المحاضرات
امس كنت عند محلات الحاسب عشان جهازي كان فيه مشاكل وجالس اسولف مع صاحب المحل وهو سعودي عن الجامعة وطريقة الانتساب وتنزيل المحاضرات وقال لك قال لك وتعرفون المستجد يبي يعلم الناس كلهم انه بالجامعه .المهم انه اثناء الحديث توصلنا الى اتفاق انا وياه على انه يحمل محاضراتي وينسخ المناقشات ويكتبها كتابه واخر الاسبوع امر عليه والاقي فلاش موجود فيه جميع المحاضرات اللي نزلت ومصور لي المحتوى وما علي الا المذاكره ولكن مقابل 300 ريال لكل ماده في الفصل الدراسي . ولكن ما بعد بدأنا بالتنفيذ .
ودي اسألكم هل طريقتي صح ولا غلط . |
رد: تحميل المحاضرات
إنت تسأل يعني مرتاب
ودع مايريبك إلى مالا يريبك أنا عن نفسي مستحيل أسوي كذا!! بعدين 300!! كل ماده!! يعني 300 ضرب 5؟ يعني 1500 ريال؟؟ وش ذا قاعد على بنك إنت؟ ولا نهر ماينتهي ماشاء الله عليك شكلك بتصير صديقي:19: لا من جد إنتبه إعتمد على عمرك وخل عنك الإعتماد على الآخرين .. وهذا بالنهايه قرارك لكن أخاطبك مخاطبة اللي طلب المشوره وهذي تعتبر بادره حلوه منك بس لو فعلا بتسمع الكلام لازم تلغي إتفاقك معه لا تعلقه معك الضعيف يحتري ذا ال 1500 منك:11: وتراني جالس أمزح معك لا تاخذ كلامي جد ترى فيه ناس حساسه والموضوع مهوب ناقص |
رد: تحميل المحاضرات
ab7rb
بالعكس ما ازعل اشكرك على النصيحه والقصد نبي الفكه من التحميل ومتابعة الافتراضي وشغلته والمناقشات والواجبات والمشكله انك ما تدري انت نزلت المحاضره ولا لا فقلت يمكن تمشي الشغله وما زلت متردد وفي نفس الوقت استشيركم . اشكر مرورك . |
رد: تحميل المحاضرات
من رايي اعتمد على نفسك وساعه با اليوم تشيك ع البلاك بورد وتناضر المحاضرة اوتحل المناقشات موب كثيره والله .. انا كل يوم اخذ ساعتين لكل مادة واحسها كافيه .
|
رد: تحميل المحاضرات
كلام الاخوات صح لكن السالفه هنا مو بس سالفه اعتماد على النفس في المذاكرة وحل المناقشه في حاجة ثانيه واعذرني على كلامي لمن تطلب منه هالشئ معناها راح تعطيه كلمة السر والرقم الاكاديمي وهاذي الاشياء المفروض تبقى سريه مثلها مثل السجل المدني والرقم السري للبنك ووو غيرها من الاشياء المهمة يعني ممنوع تسلم ارقامك لأي احد بكره او بعده الله لايقول لعبت براسه انو يشتغل برقمك هذا يوقف لك قيد او حاجة وانت ياغافلين لكم الله الا اذا انت تشوف نفسك واثق منه كل الثقه وتبي تسلمه الموضوع هذا شئ راجع لك ونصيحتي لك لاء لاتسويها ماتسوى عليك الــ 1500 يمكن بعدين تصير لك مشاكل الله لايجيب لك المشاكل وتدفع اكثر من اللي كنت حاسب عليه انت طلبت المشورة وانا قلت لك رأيي واتمنى ماازعجك ردي موفق يارب دنيا وآخره ... |
رد: تحميل المحاضرات
معليش تكرر الرد ... |
رد: تحميل المحاضرات
كلامهم صح ماحب ازيد اي شي لانهم كفو ووفوا:29: بس في النهايا الراي راجع لك :27: |
رد: تحميل المحاضرات
الجهد والتعب بالمذاكرة والمتابعة بفيدكم كثيرا
لا تراكمون الدراسلة للأخير الله يرضى عليكم أن شاء الله كل شيء سهل والجميع هنا متعاون بشكل كبير جدا الله يعطيكم العافية مو مخلين شيء فقط بس ترتيب الوقت وكل شيء يتسهل اتمنى لكم كل التوفيق |
رد: تحميل المحاضرات
وانا معهم الافضل تعتمد على نفسك
والقرار راجع لك بالاول والاخير بالتوفيق ياررررب :16: |
رد: تحميل المحاضرات
عادي أول ماتحمل يحسب لك مشاهده ودرحة لا تقلق ياصديقي إنت:42:
|
| All times are GMT +3. الوقت الآن حسب توقيت السعودية: 09:24 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه