منع الطالبات من الخروج من بوابة الكلية من غير تصريح
كطالبات جامعيات .. المفروض تعطى الحرية لهن بالخروج وعدم التشديد على هذا الأمر فأخطاء القلة لا يدفع ثمنها الكثرة ..( واللي بيسوي غلط بيسويه الصبح ولا بعد ما يفتحون بوابتهم الضيقة عندما تدق الساعة 12 وتتجمع وتتكدس الطالبات عندها لتعفو عنا احداهن من( الأمن ) وتفتح الباب وليست بوابة ... لتنطلق جموع الطالبات المفرج عنهن تحت اشعة الشمس الملتهبة هذا غير المسافة التي تقطعها الطالبة من الكلاس الى الباب الداخلي للصالة ثم الى الباب الخارجي ثم الى السيارة )
المرأة السعودية وصلت لمجلس الشوري ..
وهاهنا بالدمام بالتحديد كليات البنات يقفل عليهم باب و لا يسمح لهم بالخروج قبل 12 ظهرا ؟؟!!

وحتى من تمتلك تصريح يجب ان تسلب بطاقتها وتصريحها لحين ان تذهب لسيارتها وتأتي ببطاقته الأحوال أو الإقامة ثم ترجع للباب مرة اخرى ليرونها ثم ينفك اسرها وتذهب مرة أخرى لسيارتها والله المستعان تكاد ان تلقط انفاسها !!
لا أبرر فعلتهم هذه لأي سبب من الأسباب ؟
لأن اقل شي يقدم للانسان حريته .. و عندما ادخل مكان دراسة وعلم ودكاترة واساتذة وطلبة علم افقد هذه الحرية ... لماذا ولأجل من ؟
اشهد الله ان طالبات كلية العلوم والآداب جميعهن يتحلون بالأخلاق والأدب ... الا فئة قليلة يتواجدون بأي مجتمع ..
لا ذنب الفئة الكثيرة بذلك ..
لا تقولون ماذا فيها ؟؟
فيها من عدم احترام الطالبات وعدم ثقتهم فيهن وهذا اكبر خطأ ..
لتكن كليات البنات بالدمام اكثر رقيا من هكذا تعامل .. لأن حتى أمن جامعة الدمام الأم لا تتعامل مع طالباتهن هكذا تعامل ؟؟

بعيدا عن التخلف ......... أنا أطالب بترك الحرية للطالبة بالخروج بأي وقت دون تصريح ولا اي شئ
يكفي وجود البطاقة الجامعية للطالبة هذا اكبر فخر لها واكبر فخر للكلية للمطابقة ..
الطلب هذا ليس عبثا بل .. لحل مشاكل المئات من الطالبات يواجهن في حياتهم اليومية الجامعية ( الاتي قد تكون مسؤلة عن اب او ام او اخوة او زوج او ابناء يحتاجونها بأي وقت )

اتمنى من يؤيدون كلامي تكون لهن بصمة هاهنا ..

والله ولي التوفيق

مع الف تحية لكن اخواتي :004:

مي تو ، نعم وبششششدة :biggrin:
ولو اني ادري ماراح يتغير شيء وبنظل في تحكمهم بكل شيء :biggrin:
ولا يجيبون وحده تطلع معنا لحد السيآرة تطابق البطاقات وتروح :biggrin:
طقت المشوارين ذي تنررررفززززني ولازحمه البنات واحنا واقفين نستنى دورنا عشان تاخذ بطاقتنا بعد علة الروح والحر والزحمه عشان نطلع ونرجع نرجع لها داخل غرفتهم هالزحمه !! سلآمآت !

واللي تبي تسوي الغلط بتسويه حنا وش ذنبنا ننحشر :/ يآرب يتكلمون عن الوقت ويتكملون ولايشوفون تضييعهم لوقتنا :/ !

قلبي يوجعن وانا احتسي خل اسكت :biggrin: يلآ عسى احد يرحمنا :biggrin:
بالتوفيق :biggrin:

المشاركة الأصلية كتبت بواسطة mo'9y (المشاركة 7245824) نعم وبشده .. واللي تقول ان بنات سنه اولى يتعرفون على رفيقة سوء ومدري ايش .. ترى فيه وقت الصباح ! .. عادي تقول لاهلها راح تداوم وتروح وماتدخل الكليه ! .. اتوقع اهلها ماراح يدرون ! .. او من بعد 12 تقول لاهلهآ انها تطلع 2 .. وهي اساسا تطلع 12 وتسوي اللي تبيه .. اللي براسها شر وشي مو زين .. راح تسويه لو ايش مايصيير .. ماتوقع ان هاذا سبب عشان مايفتحون البآب الا الساعه 12 وبالضبط ! ..