|
السسلاام عليكم ,أسئلة عن المحاضرات والواجبات والمناقشات (تم تعديل العنوان)
حبايبي انا جاوبت على كل اسئلة المناقشه لكل ماده عادي....؟ :g2:
وعندي سؤال ثاني احس واااجد اللي بندرس منه مثلا هذا يجيب ملخص وهذا ملخص يعني مافيه شي ثابت ندرس منه بنهاية الترم...؟ وعندي سؤال ثالث الحين اللي علينا بسس نحمل محاضرات ونجاوب مناقشه وواجبات ..؟ وواسفه على الاطاله :Cry111:بس حيل خايفه الله يعين ويوفقنا |
رد: السسلاام عليكم
تمام عليك حبيبتي الحين كل الي عليك تحملين وتحلين المناقشات والواجبات اما من ناحيه الملخص لا تحوسين ولا تخافين الي بالمحتوى المقرارات الي ينزلوها الدكاتره اهي بس الي تحملينهم وتذاكرين منهم طبعا مع اسئله الواجبات خليك حريصه على الاحتفاظ بأسئله الواجب الي بتنزلك بهالمستوى كله للمواد ودونيهم عندك علشان الاختبار اغلبه يكون من اسئله الواجب :oao: تحياتي..
|
رد: السسلاام عليكم
حبايبي انا جاوبت على كل اسئلة المناقشه لكل ماده عادي....
اكيد عادي اجل ليش حطها الدكتور وعندي سؤال ثاني احس واااجد اللي بندرس منه مثلا هذا يجيب ملخص وهذا ملخص يعني مافيه شي ثابت ندرس منه بنهاية الترم...؟ بالنسبة للسؤال هذا المطلوب منك تحميل المحاضره والمحتوى المحاضره تحسب لك درجات على تنزيلها والمحتوى هو الي تذاكرين منه بس بلا ملخص بلا كلام هذا المطلوب منك والاختبار يكون من المحتوى واذا الدكتور طلب كتاب معين وحابه تستزيدين من المادة اشتريه هذا اولا ثانيا الاخ هتان ما قصر نزل لكل ماده محتويات 14 محاضر ورتبها ونزلها على ضيغة pdf اذا حابه تحملينها راح تسهل عليك المتابعه مع الدكتور وعندي سؤال ثالث الحين اللي علينا بسس نحمل محاضرات ونجاوب مناقشه وواجبات ..؟ ايه نعم بس بالاضافه الى المحاضره المباشره يا تابعينها مباشره او تحملينها بعدين تحياتي |
رد: السسلاام عليكم
اقتباس:
ارجوا الدخول للضرورة يامستوى اول -شرح مهم لكل مستجد - ((تم تعديل العنوان )) بسم الله الرحمن الرحيم الموضوع واضح من عنوانه ماأودى اطيل عليكم بالسوالف من يوم السبت والله أعلم انها تبدأ الدراسة تدخل بوابة العليم عن بعد ثم النضام الافتراضى ورح تحصل مواداك كلها تحت بعض كل يوم تخصص من وقتك ساعة وحده وبس تشيك على دروسك ..... التعليم عن بعد فى جامعة الملك فيصل والاهم فيه كاالتاالى ... 1- المحاضرات المسجله 2- المناقشات ( او الحوار ) 3- الواجبات 4- المحاضرات المباشرة وعلى فكرة ترى هذى دراسة التعليم عن بعد ؟؟ ( اولا ) المحاضرات المسجله وش المحاضرات المسجله هى اللى نزلها لك دكتور المادة او اللى نزلوها الجامعة وهى الدروس والمواضيع اللى رح تختبر فيها اوكى مفهوم كذا تبدأ تحمل المحاضرة اللى نزلها الدكتور لكل مادة 14 محاضرة او اقل . لما تحمل المحاضرة رح تقرأ محتوى المحاضرة من المواضيع اللى اختارها الدكتور وووبس ( ثانيا )المناااقشاااااااااااااااااااااااااااااااااااااات . المناقشات وش المناقشات هو سؤال وجواب عدد المناقضات 14 سؤال او اقل سؤال يسئل فيه الدكتور ويبى اجابة من الطالب كيف تحل اول شئ تقرأ السؤال ولما تبى تجاوب عليه انزل بالصفحة تحت ورح تحصل خانة فاضيه اكتب جوابك فيها على سؤال الدكتور ومن بعدها اضغط على ارسال ووبس هذى المناقشااات او طريقة نسخ ولصق من الطلاب اللى جاوبوا على الدكتور قبلك وهذى المناقشات . ( ثالثا ) الواجبات عدد الواجبات لكل مادة 3 واجبات او 4 واجبات فقط لا تزيد ولا تنقص كيف احلها سؤال يكون فوق وتحته اربع اجابات او ثلاث اجابات كل اجابه عندها خانه دائرية صغيرة تختار الاجابة الصحيحة وتضغط على الخانة اللى جنب الاجابة الصحيحه وتروح للسؤال اللى بعده لما تحل الواجب كله تحصل تحت اخر الصفحة (ارسال ) تضغط ارسال بعدها تقلب الصفحة وتبين درجة الواجب اللى انت حليته او حليتيه ملاحضة ..اذا ماتعرف تحل الواجب تسوى كاااالتااالى .. مثال .. تكتب فى قوقل ( حل واجب مادة العقيدة الاول ) وقوقل مايقصر على طول تطلع لك صفحات حل الواجب. مثال .. ملتقى طلاب جامعة الملك فيصل حل واجب مادة العقيدة والمذاهب الاسلامية المعاصرة ورح يطلع لك حل الواجب . هذى الواجبات وخلصنا منها . ( رابعا ) المحاضرات المباشرة وش المحاضرات المباشرة هى ان الدكتور يدخل الساعة الفلانية ويبدأ يتكلم عن المادة وطريقة الاسئلة ويقول المهم وطيرقة الاختبار واى احد من الطلاب يبى يسأل رح يجاوب عليه الدكتور ووبس وترى مو ضرورى تدخل فى نفس الوقت الا اذا كان عند مشاركة او سؤال للدكتور او شائ حاب تستفسر عن اى شئ يخص المادة ولما تخلصون من تحميل المحاضرات وتحلون الواجبات وتحلون المناقشات وتحملون المحاضرات المسجلة وكل شئ رح تجئ ايام الاختبارات ووووووووووووووووووووبس وووفقكم الله جميعا نصائح لكم ياامستوى اول من وجهة نضرى طبعا 1- لازم تشترى ملازم الدكتور نفسه وفى مكتبات يوصلن لاى منطقه بس مجرد تتصل عليهم وتودع مبلغ بسيط يرسلون لكم الملازم بأى مكان 2- لازم تسمع وتشوف المحاضرات كلها من بدرى قبل فترة ( اول بأول ) 3- افتح المذكرة وخل الدكتور يشرح لك وانت خلك معاه اول بأول 4- وترى الدراسة سهلة جدا جدا جدا بشكل ماتتصورونة وماله داعى التوتر 5- واى سؤال نزله هنا فى الملتقى والكل يركض ركض ويجاوب عليه والاخوان ما يقصرون ووسلامتك واسف انى طولت عليكم ... اخوكم ابو همس مستوى ثالث علم اجتماع |
رد: السسلاام عليكم
مشكورين ماقصرتوا فديتكم يعني نهاية الترم بالاختبارات المحتوى يكون مهم والواجب
انا ادري طولت عليكم بس تحملوا مستوى اول لما يفهمون :Cry111: |
رد: السسلاام عليكم
اقتباس:
يابنت الاجواد صحصحى الله يسعدك مو بس المحتوى انا بسألك وش المحتوى اللى فبالك المحتوى هو الملزمة كاملة هذا يسمونة المحتوى وهذا هو المهم المحاضرات المسجله تحملينها كلها من التمهيديه الى المحاضرة الاخيرة 1234567891011121314 محاضرة مسجلة الواجبات لازم تحلينها كلها لكل مادة عدد واجبات 3 او 4 واجبات لكل مادة وترسلينها للدكتور المناقشات لازم تردين عليها وتحصلينها فى منتديات الحوار داخل النضام الافتراضى المحاضرات المسجله لازم تحملينها وتحصلينها فى البلاك بورد الاسود طبعا وووهذا هو المهم :017::017::017: |
رد: السسلاام عليكم
ههههههههههههههههههههههه أبو همسس تحملنا ترانا مستجدين اللحين أبي ملزمة فقه وسيره وين أحصلها |
رد: السسلاام عليكم
هههههههههههههههه مشكووووور ماقصرت انا اسفه :tongue: كل شوي بقرا كلامك لما افهم
|
رد: السسلاام عليكم
احمد انت مستجد صح على ما اضن
فقه السيره من وين جبتها اصلا ماهي معنا وبعدين ما نزلت لنا |
رد: السسلاام عليكم
في شي مافهمته بس خايفه اقوله :Cry111:
|
| All times are GMT +3. الوقت الآن حسب توقيت السعودية: 07:16 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه