|
المشكلة اللي تسبق مشكلة المظلات في العمر والضرر
السلام عليكم ورحمة الله وبركاته
تدرون وشي هالمشكلة ؟ أنه يبيلنا شوي نحافظ على النظافة لأننا بنات كبار مايصير نخلي أكياسنا وعلبنا ورانا على الكرسي أو على الارض أو أي مكان يعني الكلية بكل شبر حاطين لنا مكان نحط فيه الفضلات تكرما منكم حطوها في المكان المخصص لها مو في مكان جلسونا ومشينا وبالنسبة للنعمة ترا مو مكانها الأرض في ممشى الناس أو الزبالة والله حنا كبار الحين ماعاد ينفع أحد يعلمنا مثل الصغار إذا أكلتي تمي أكلك أو خليه معك وتصرفي فيه بعدين بطريقة صحيحة ما تدرين أن حنا نتأذي إذا مشينا وحنا ماندري على النعمة ؟ ولا تدرين إن فيه ناس يتمنون الأكل مو لاقينه ؟ تدرين أننا نتأذى من العصير اللي يوسخ تنانيرنا وعباياتنا وشناطنا ؟ وتدرين أن منظر الكلية والجسر مليان علب مويه وأكياس في كل مكان يسد النفس ؟ يعني الشمس نقدر نجيب مظلة صغيره وتنحل المشكلة أما هالمشكلة تهقون نجيب مكانس ونجلس نكنّس طول اليوم ؟ الله يخليكم كلها كم خطوة وتتخلصون من الأشياء اللي معكم.. احتسبوا أجر هالخطوات عند ربي :106: |
رد: المشكلة اللي تسبق مشكلة المظلات في العمر والضرر
انا أوافقك بكل اللي قلتيه ,, مشكووووره على الموضوع المهم ,,
تقبلي تحياتي :004: :004: |
رد: المشكلة اللي تسبق مشكلة المظلات في العمر والضرر
كلامك عين العقل :106:
بس يعني افهم من كلامك انهم شالو المظلات و السبه هذا الشي :(269):!! طيب اذا مثل مافهمت من كلامك .. الحين الرمل اللي شبة معبي المكان مو المفروض ينظفونه او يكنسونه و الحين هذا الرمل اللي موجود تراه يوصخ تنانيرنا و عباياتنا |
رد: المشكلة اللي تسبق مشكلة المظلات في العمر والضرر
اقتباس:
لا طبعا .. وش دخل المظلات بالهشي بس القصد أن الحين الكل يتكلم بمشكلة المظلة وهي بسيطة ومحد جاب طاري لهالشي مع أن هالمشكلة أكبر وحلها في يدينا وبالنسبة للرمل صحيح أنه يوسخ بس هذا شي مؤقت إن شاء الله مع إني ماقد فقدته طول السنين اللي درستها.. تعرفين جونا مايحتاج أقولك عنه |
رد: المشكلة اللي تسبق مشكلة المظلات في العمر والضرر
أمّا بعض البنات فهُنّ أكبر من أن أُقدِّم لهُنّ نصيحةً مطوّلة، فأحيلهُن إلى إعادة قِراءة موضوعك الجميل بِتمعُّن وإدراك .. ثُمّ إذا لم تستحِ فاصنع ما تشاء، لكنّ هُناك ربُّ يراك : ) ! |
رد: المشكلة اللي تسبق مشكلة المظلات في العمر والضرر
طــــرح رائــــــع :004: كل مشكلة تكمل الثانية لو نبتدي من اهون الأمور ونأخذها من باب الأجر والثواب إماطة الأذى عن الطريق صدقة :10111: حتى لو بالكلام ممكن نستدعي عاملة النظافة بلطف إنه تنظف بما إنه عندها مستلزمات التنظيف :119: أوأقل الإيمان ندعي بالهداية لأي وحدة خلت فطورها وعلبة العصير ع الطريق او الكرسي او اي مكان لعله هالدعوة الصغيرة تستجاب :004: |
رد: المشكلة اللي تسبق مشكلة المظلات في العمر والضرر
يعني طلع صدق شالو المظلة انا ذيك المرة شكيت بنفسي قلت كان فيه او لا
و بالنسبة للنظافة انا الصراحة ما احب اترك اي شي اخلفه برا لازم احطه بالزبالة و الله يصلح البنات ان شاء الله و يهتموا بالنظافة اكثر موفقات ~ |
رد: المشكلة اللي تسبق مشكلة المظلات في العمر والضرر
صادقه بكل كلمه قلتيها اختي وجزاك ربي الجنه
بس اليوم صار لي موقف واتمنى المسؤولين يشوفونه لمن جيت امشي بالجسر كان باقي بالارضيه زيت او الشحم حق سيارة الاعمال المركونه بالجنب معبي الارضيه وانا امشي زلقت لكن الحمدلله خفيفه كوني متزوجه ومو حامل وزلقت لكن ربي ستر علي فمابالكم البنات المتزوجات والحامل ولا سمح الله زلقت يعني لو يصير حرص شوي بنظافه المكان بعد مايخلصون من اعمالهم بالليل عالاقل امسحوا هالزيت لانه خطر ولله او عالاقل حطوا علامه ان محد يقرب من عالمكان اتمنى هالاعمال تنتهي بأقرب وقت وتعم النظافه مثل ماسبق |
رد: المشكلة اللي تسبق مشكلة المظلات في العمر والضرر
اهنيك من قلبي ع الموضوع
بصراااحه جبتيها بالصميم من زمان متأذيه من هذا الموضوع حتى بالقاعات البنات يفطرون ويروحون وحنا نجي وراهم نبي نجلس نضطر نشيل فطورهم ونرميه بالزباله وغير ااذا كانت مشروبات كابينها ع الارض اووم الحاله بصراحه يعطيك الف عافيه حبيبتي وانشاءالله ربي بيهديهم |
رد: المشكلة اللي تسبق مشكلة المظلات في العمر والضرر
كلامك من ذهب ..
أهنئك على فتح موضوع كهذا .. زي ما تفضلتي أختي الكريمة ،، البنات في الكلية تقريباً أغلبهم عشرنيات في العمر أو أكثر .. فصحيح هذه المشاهد تؤذي العين و تشمئز منها النفس .. و هنا أود أن أعرج على موضوع أخر .. فالأوساخ يمكن إزالتها لو " كل بنت تكرمت و رامت بقايا الأكل في الزبالة " .. أما الجدران " الوسخة " بكتابات بعضها " غير لائق " و البعض الأخر " كلام ماله داعي " .. تحتاج إلى أن تُصبغ الجُداران و هذا مكلف و يأخذ و قت ،، لكن يمكن حل هذه المشكلة مع صعوبتها .. أما ماذا تقولين ؟؟ عن الكتابات المحفورة و المنقوشة في " الطولات " ،، كيف يمكن حل هذه المشكلة .. بنات تكفون نحنا كبار إلى متى راح نسوي هذه الحركات ؟؟ ليش مانتغير إلى الأفضل ؟؟ لا أنتم ولا أنا نحب أو نفضل المكان الوسخ أو المشوه ،، كلنا نفضل المكان النظيف و المريح " للعين و النفس .. و أخيراً تذكروا حديث الرسول صلى الله عليه و سلام ( حب لأخيك ما تحب لنفسك ) .. و أسفه على الإطالة ،، لكن الموضوع يستاهل .. :004: |
| All times are GMT +3. الوقت الآن حسب توقيت السعودية: 02:43 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام