![]() |
مشاكلي مع التسجيل و توسيع الشعب
السلام عليكم سالفتي سالفة أنا برمضان جهزت جدولي مانقص ألا التأكيد و جا يوم تسجيلنا ولا رضى يسجلني السبب يقول أن أنا في مستوى 2 و أنا أساسآ بروح 3 رضيت بالأمر الواقع وراحت الشعب يوم ثاني سويت جدول جديد ومن زود أني تعبانة نمت قبل التسجيل بساعة و أصحى ألا طارت الطيور بأرزاقها هنا أنصدمت صدمت حياتي و طول اليوم وأنا متندمة أني غفيت و الغفوة صارت نومة المهم أني رحت للكلية المحترمة برمضان بعز الحر و في الصيام و كل وحده ترميني على الثانية و كل وحده تقول نزلي مواد و أنا أعيد قصتي و أقول لهم المواد الموجودة كلها تعارضات و ماقدر أسجلها و كل وحده اعيد لها نفس الكلام حتى نهى مافادتني بشي بالنهاية طلبت توسيع شعب ومشيت بيتنا سافرت ورجعت ورحت لهم الأحد أول أسبوع للتهيئة و وقفت نص ساعه ودخلت على الي لقسم الأحياء في القبول و التسجيل قالت شوفي الثلاثاء و اذا مانحلت المشكلة تعالي الأربعاء المهم أني رحت لها الأربعاء الساعه 9 أنا عند مبنى ع 6 ويخلوني أنتظر لمن 2 ألا ربع تقريبآ و أدخل عليها حظرتها شتقول الشعب مغلقة وتخربط لي كم كلمة وتقول روحي لنهى و نهى ترجع لهم وتبربر عليهم كم كلمة و تاليتها تقول لي بس أنتِ مسجلة 4 مواد يكفيك المواد الأربع أقول لها جدولي معفوس لازم أسجل جدولي القديم عشان يصير كل شي تمام سألتني أنتِ حاملة مادة ولا شي وعلمتها رياضيات قالت خلاص مادة 5 خليها رياضيات أستسلمت ورحت بسجلها وحظرتها بالقبول والتسجيل تقول بس ماسجل روحي أنا والله أنقهرت من رمضان أراجعهم ولا طلعت بشي مفيد تخيلوا مانزلت ألا 3 مواد تخصص ومادة عامة باقي مادتين وأصلآ حتى لو قالوا بنزلهم مافي وقت يناسب لهم عطوني حل شنو أسوي وين أروح من يحل مشكلتي لاتقولون نهى لأنها مانفعتني بشي أنا شنو ذنبي يوم نظامهم فاشل و أن الشعب قليل حرام والله أدرس بس 4 مواد و يصير عندي 5 مواد مادرستهم أخخخخخخخ طلبتكم أحد يفيدني وين أروح ومن بيخلصني وبينقذني الدوامات و المحاضرات خلاص السبت الجاي الي تفيدني بشي مابنسها من الدعوات الطيبة بكل وقت تطري ببالي |
رد: مشاكلي مع التسجيل و توسيع الشعب
اختي اكثرنا كذا انا بعد نفسك طلبت توسعة شعب
لاني ماسجلت غير اربع مواد بسبة النظام لانه منزل مستواي وقالوا لي بنرد لك خبر ولمن رحنا لهم قالوا الدكتورة مو راضيه للتوسعه يعني باختصار مااستفدت شي منهم وماتسجل عندي غير اربع مواد ومااقدر اسجل المواد الثانيه لان فيه تعارض والشعب اللي ابغاها تسكرت* |
رد: مشاكلي مع التسجيل و توسيع الشعب
حسبي الله ونعم الوكيل الله ينتقم منهم
ياليت احد يفيدنا وله اجر ان شاءالله |
رد: مشاكلي مع التسجيل و توسيع الشعب
حبيبتي دعوتك عليهم ما اعجبتني نهائياً
المشكله عندكم يالطالبات أنك تتكلمون و أنتو مو فاهمين النظام أساساً المشكله تقنيه وش دخل الموظفات تدعي عليهم .!!!! ثانياً أنا اشتغلت مع الاستاذه عبير الاحمدي لمده يومين أنتو تتوقعو لمن تطلبو توسعه شعبه أن ع طول تسويها لكم لآ يا حبيباتي تخيلو تطبع جداولكم بالاول و طبعاً الجداول ماتنزل بالاوقات عندها يعني تضطر تاخذ ماده ماده وتشوف اوقاتها عشان مايصير في تعارض غير بعض البنات الله يهديهم يختارون الماده و يكتبون رقم المقرر خطأ و هنا تنحاس و تروح تطلع رقم المقرر الصحيح و هكذا مع كل الطالبات مستوعبين الشغله مو بالسهوله اللي متصورينها :icon120: أولآ سؤالي أنتِ الحين طلبتي توسعة شعب و إلآ ايش استقريتي عليه لآن إذا طلبتي توسعة شعب و اخذو بياناتك خلاص أنا كنت معاها يوم الاربعاء بدينا نرصد اسماء الطالبات و رفعناها عشان تتوسعلهم و في كان اسماء بنات من شهر رمضان ربنا ييسرلكم حبيباتي اعتذر ع ردي إذا كان فيه شوي قسوه لكن حبيت انبهكم و اوضح لكم الشغله :10111: تمنياتي لكُن بدوام التوفيق :rose: |
رد: مشاكلي مع التسجيل و توسيع الشعب
عذاري كلامك صحيح :106: ..
نوره ليش ماراجعتيهم الأسبوع اللي راح وخلصتي امورك ؟ كل اللي عليك انك تسوين توسعة شعبه بس بشرط موافقه من نفس دكتورة الماده وهم ان شاء الله راح ينزلونها لك .. انا نفس مشكلتك ورحت لهم وسويت توسعه وخلاص :biggrin: صح تمرمطت شوي بس وش نسوي بعد الشكوى لله :Looking_anim: |
رد: مشاكلي مع التسجيل و توسيع الشعب
عذاري أنا مادعيت ألا من حرقت قلبي
تخيلي أدخل عليهم و هم اخلاقهم خايسة معاي و كل وحده مشينة النفس ندري ان عليهم ضغوط بس المفروض مايتعاملون معانا كأن أحنا نطر منهم والمشكلة أني أروح لها وتقول لي كلام أصلآ أهي ماقالته لي يوم رحت لها المرة الي قبل تقول لي أنا قلت لك روحي للقسم للتوسعة وهي أساسآ ماقالت لي ممكن اسألك عذاري أنتِ شفتي الأوراق كان عليهم أكسات ومكتوب شعب مغلقة؟؟ لأن أنا أنصدمت منهم أني أنا أساسآ جاية أسوي توسعة لشعب مغلقة وهم يردون علي الشعب مغلقة سبحان الله كأني يعني مادري وجايه لكم أبيكم تحلون سالفة الأغلاق |
رد: مشاكلي مع التسجيل و توسيع الشعب
اقتباس:
أنتِ بالضبط متى رحتي؟؟؟ وكم مادة أساسآ طلبتي؟؟ وهي مواد عامة ولا تخصص؟؟ |
رد: مشاكلي مع التسجيل و توسيع الشعب
طيب وذنب البنات اللي تقفلت عليهم الشعب بسبب النظام الخايس منزلنا مستويات اقل وراحت الشعب
ولما نطلب توسعه ترفض الدكتورة ونضطر نخلي هالماده وهي متطلب مادة السمستر الجاي انا ماقول الا حسبي الله ونعم الوكيل |
رد: مشاكلي مع التسجيل و توسيع الشعب
أنا بروح لقسم الرجال السبت وبقول لكم شنو يصير
|
رد: مشاكلي مع التسجيل و توسيع الشعب
انا نفس حالتك:bawling: بروح لقسم الرجال بس وين بالضبط؟ الي يعرف لايبخل علي وشكرا |
All times are GMT +3. الوقت الآن حسب توقيت السعودية: 06:25 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه