|
وانقبلنا , ويافرحة ماتمت
السلام عليكم ورحمة الله وبركاته بسم الله الرحمن الرحيم كيفكم يا شباب وفتيات المستقبل ؟ :58545: الزبده نخش على الموضوع دوغري , يقولكم اني انقبلت في كلية العلوم [ ايه ادري شي يعور القلب ] اللهم لا اعتراض , هي كانت اخر كلية في بالي اسجل فيها ورافضه الفكره نهائيا اني ادرس كيمياء او احياء , بس الحمدلله على كل حال وشي احسن من لا شيء , المهم السؤال يقولكم : انا صراحة ما ابي اكمل في كلية العلوم ماش مقدر , فا ابي اسأل , اقدر ادرس فيها سنه تحضيريه بعدين اختبر قدرات وتحصيلي مرا ثانيه واجيب نسبه احلى و احول مسار صحي او دراسات تطبيقيه او مسار علمي ! تكفون الي يعرف الخبر الأكيد يقولي !! :bawling: طيب واذا ما قدرت احول , اقدر اسحب ملفي واسجل في كلية سلطان مرا ثانيه ؟؟ ولا بعد صعبه ؟ :139: اخر شي : انا توهم دقو علي اليوم قالو انو انقبلتي وكذا وخلي ابوك يجي يسلم اوراقك بكرا , فـ ابي اعرف هل فاتني تسجيل مواد ؟ حضور ؟ دوام هالأسبوع ؟ اي شي يعني , لأني ماني فاهمه السالفه ابدددددددددن ولا عندي اي خلفيه وش اسوي , لأنهم مرا تأخرو في قبولي ! فـ الي انقبل كلية علوم يقولي ايش سوا وايش قالو له عشان اضبط وضعي لا داومت يوم السبت ! :cool: ادري طولت عليكم بس مرا ضايق صدري على ذا الحاله [ اللهم لا اعتراض ] شكرا جزيلا :106: |
رد: وانقبلنا , ويافرحة ماتمت
وعليكم آلسلآم وآلرحمه.. تمآم يَ قلبي مبرؤوووك آلقبول يَ قدعه.. بس دآمكك مآتبيهآ ليش حطيتيهآ من ضمن آلرغبآت يعني مآكآن اجبآري تسجلينهآ:(107): سآلفه انك تختبرين قدرآت وتحصيلي وبعدين تحولين مدري آول مرة آسمع فيهآ.. اللي آععرفه بآلعلوم.. انك تدرسين ترم تحضيري+ترم تخصص يعني كذآ سنه كآمله.. جيبي معدل حلو فوق 2.5 وحولي لأي كليه تبينهآ مآعدآ المجآل الصحي لآن مآيقبل التحويل.. بآلنسبه لجآمعه سلطآن عآدي لو قدرتي تسجلين فيها بس مآأدري اذا ملزوم من نفس سنه الدفعه او لآ..<<تأكدي عشآن مآتتورطين.. آنآ في كليه آلعلوم.. بآلنسبه للتسجيل بدأ يوم 7 شوآل ومآزآل مستمر ليوم آلجمعه.. يعني لحقي ع نفسكك آو الافضل تروحين الجآمعه بكرة اللي في حي الرآكه سلمي اورآقك وبعدين روحي كليه العلوم في الدمام خليهم يسجلونكك.. لآن يمكن بآقي مآنزلوآ رقمك آلجآمعي ويتقفل آلتسجيل ومآسجلتي.. روحي لهم ووضحي لهم وضعك وبيسجلونك.. هآلاسبوع مآفي دوآم الا حق مشآكل التسجيل ودآومي السبت وآلاحد فيه لقآء تعريفي مهم الحضور والدوآم الرسمي للدرآسه يوم السبت تاريخ 28 آي شي حآظرين عندك قسم كليه آلعلوم منتدى كلية العلوم بالدمام آي أستفسآر محد بيقصر معكك |
رد: وانقبلنا , ويافرحة ماتمت
حمدي ربك إذا انقبلتي علوم وانتي تخصصك عملي , انا تخصصي علمي وقطوني بكلية الأداب وانا ماني مسجلتنها من ضمن رغباتي ونفسيتي زفت منهاا , فحمدي ربك وتوكلي على ربك وقدمي اوراقك
|
رد: وانقبلنا , ويافرحة ماتمت
هو المسار الصحي ع كلام العميده فيه تحويل بس بشروط خااصه ماقالوا لنا عنها
انتي درسي هالسنة وجيبي معدل بعدين حولي |
رد: وانقبلنا , ويافرحة ماتمت
مبرووووك القبول:106:
|
رد: وانقبلنا , ويافرحة ماتمت
قولي الحمدلله إنك إنقبلتي:biggrin:
غيرك قاعد بالبيت ويتمنى فرصتك .. شدي حيلك وجيبي معدل وحولي السنه الجايه! |
| All times are GMT +3. الوقت الآن حسب توقيت السعودية: 10:54 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه