ملتقى طلاب وطالبات جامعة الملك فيصل,جامعة الدمام - معلومات عن موادكم وعن الدكاتره اللي درسونا

السلام عليكم ورحمة الله وبركاته

يسعد مساكم

بقول لكم عن الدكاتره اللي درسونا في المستوى الاول

1) مادة علم اجتماع

دكتورة إيمان شومان

تحب الكلام الكثير وماتعطي درجات كاملة بالساهل لازم تتقيدون باللي عطتكم اياه

مثلا عطتكم واجب بحث من خمس صفحات

كتبتوا اربع نقصتكم او زدتو نقصتكم يعني لازم نفس اللي طلبته بالضبط

والمادة دسمه مرره

اعمال السنة 50 والفاينل 50 *

2) مادة الثقافة الاسلامية*

دكتور المبروك الشيباني*

دكتور مرره أسئلته سهله بس لازم تعرفون نقطه اغلب أسئلته تكون كم عدد*

يعني النقاط اللي فيها تعداد يهتم كم عدد اكثر من المضمون*

بصيغة ثانية *

الحين إحنا نهتم للتعداد نحفظ الفقرات من غير مانركز على عددهم اما هو لا يركز على العدد*

اكثر من الفقرات نفسها

درجة اعمال السنة 50 والفاينل 50*

3) مادة الصحة واللياقة*

م خلود بو بشيت*

المادة حلوه *تتكلم عن الامراض وطرق علاجها والوقاية منها*

واستاذه خلود مره طيبه واسئلتها سهلة يعني لا نحاتون عندها

اعمال السنة 50 والفاينل 50 *

4) مادة النحو التطبيقي (1)*

انا درستني دكتوره وداد القرعاوي وفيه شعبه ثانية *

مادة يبغالها متابعة اول بأول والدكتوره ماقصرت معانا بشي *

ولازم تنتبهون ان المادة عليها درجات الواجبات + اختبارات =30 درجة*

يعني مجهودكم بيبن اخر السنه لان درجة النجاح 60 *في كل المواد*

5) مادة انجليزي عام

دكتوره نجلاء الههياوي وفي شعبة ثانية

الدكتورة مصرية بس شرحها ما شاء الله حلو *

المادة حلوه مو صعبه *لان كل اللي درستوه ينعاد عليكم*

بس اهم شي لازم تحفظون معاني الكلمات اول بأول لان واجد*

وبعد تفهمون القاعدات لان اذا مانجحتو فيها وراها مادتين ماتقدرون تاخذونهم*
*
اعمال السنة 50 والفاينل 50*

6) مادة تقنية معلومات

دكتوره حنان فرج *

مادة يبغالها حفظ لانها دسمة مررره

درجة اعمال السنة 50 والفاينل 50*

7) مادة مهارات التعلم والتفكير*

مادة حلوة بس دكتورتنا الله يجزاها كل خير ساعدتنا فيها

نسيت شنو اسمها*

درجة اعمال السنة 60 والفاينل 40*

8) فقة السيره*

دكتور احمد الطيار*

المادة يبغالها حفظ *

اعمال السنة 50 والفاينل 50*

9) تحرير عربي*

دكتوره ليلى رضوان وفي دكتوره ثانية لشعبة 2

الدكتوره مرره طيبه وماتخليك الا وانتي مجمعة كل درجاتك

المادة يبغالها فهم وحفظ

المادة تجي اقرب للحفظ لان فيها خواص الرسالة والتقرير وغيره كثير

والمادة من 30 درجة و70 على الفاينل يعني لازم تشدون حيلكم

وبس

بالتوفيق لكم ودراسة ممتعة ان شاء الله