مشكلة بالسنة التحضيرية
 

السلام عليكم , مشكلتي باختصار اني ما اعرف لانظمة الجامعة واليوم رحت لهم ولا اعطوني شيء مفيد ودوخوني

الحين انا سنة تحضيرية ادارة اعمال , فاتني اختبار تحديد المستوى , طبعا تلقائي راح اصير بالمستوى الاول , مو هنا المشكله

المشكله وش اسوي الحين , ما اعرف اطبع الجدول ولا اعرف اسجل المقررات واليوم ارسلوا لي عن محاضرة تعريفية وضيعت بالجامعة ورجعت البيت

الحين اخواني الحقوني وش اسوي ؟؟!

رد: مشكلة بالسنة التحضيرية
 

كلنا بالهوا سوا

اتوقع الاسبوع الاول مافيه شي

انا بكره بروحلهم الساعه 9 تقريبا وواذا قدرت اخذ جدولي داومت
واذا ماقدرت برجع البيت اصرفلي

امس دخت من الساع 7 وانا اراكض الجامعة عشان جدول وشمس وكعابي
قعدت ليييييين 10 ونص , ومالقيت شي ورجعت البيت

رد: مشكلة بالسنة التحضيرية
 

وربي اني زيك اليوم جلست افر بالجامعه كني مجنون , وهنا محد يساعدنا , الله يعين , والله مدري وش اسوي

رد: مشكلة بالسنة التحضيرية
 

عليكم السلام

حياك الله اخوي
انت ما شيكت على بنر الجامعة ؟ وشفت إذا نزلو لك المواد أو لا ؟
وبعدين بما انك طالب كلية إدارة الأعمال
المفروض تروح للكلية نفسها وتدخل قسم شؤون الطلاب بتشوف هناك اغلبهم طلاب مستجدين
انا اليوم كنت فالكلية وسمعت انه طلاب الجامعة المستجدين إلى الحين مانزلت لهم المواد
بس انت جرب وادخل على البنر وشوف هل نزلت لك مواد أو لا
وإذا ما نزلت لك روح بكره الجامعه عند سكرتير الوكيل / احمد الحبيل وهو يعرف كل الاجراءات
واذا حبيت اشيك لك موقع الجامعه أو اشرح لك كيف الطريقه كلمني هنا

رد: مشكلة بالسنة التحضيرية
 

http://apps.kfu.edu.sa/weeklyschedual/index.asp

ادخل على هالصفحة وتشوف جدولك الاسبوعي
إذا ما كان فيه جدول روح راجع الجامعة أو تأكد من البنر


هذي صفحة الدخول على البنر
http://www.kfu.edu.sa/ar/BannerSystem/Pages/login.aspx

اضغط على كلمة "الدخول على النظام"
راح تطلع لك صفحة اكتب فيها الرقم الأكاديمي والباسوورد
واضغط "موافق"
راح تجيك صفحة فيها خيارين
اضغط على الخيار الثاني "خدمات الطالب والمكافآت المالية"
وبعدها راح تجيك صفحة برضو فيها خيارين
اضغط على الخيار الأول "التسجيل"
راح تجيك 10 خيارات اضغط على الخيار الرابع "الجدول الأسبوعي"

طبعاً راح تجيك أول الصفحة ايام الاسبوع وبعدها رموز وارقام بالانجليزي
اضغط على كل رمز وراح يدخلك على صفحة المادة ووقتها وقاعتها

اتمنى أنك فهمت

رد: مشكلة بالسنة التحضيرية
 

:(107):