|
استشارة وارجوا منكم الاجابة ...
اسعد الله صباحكم بكل خير ،،،
وكل عام وانتم بخير وعشر مباركه عليكم جميعاً .... اخواني انا محتار قليلاً لاني في مستوى رابع ادارة اعمال حالياً وقد تغاضيت في الفترة الماضيه عن بعض المواد ولم يتم ادراجها في المستويات الماضية مثل الرياضيات 2 والمحاسبة 2 وفي مستوى ثالث كذلك تغاضيت عن بعض المواد العلمية املاً في رفع معدلي وقد كان ذلك في المستوى الثاني ولكني في المستوى الثالث عملت بنفس الشي بتنزيل اربع مواد ولكن كان للجامعة دور في انقاص بعض الدرجات ووو الخ وكذلك تقصيراً مني ايضاً في بعض حلول الاجابات مارأيكم يااخوان انزل الرياضيات والمحاسبة هالترم والا اشلون مع العلم ان معدلي هالترم 2.3 يعني في الحضيض نوعاً ما والله محتار ابي مواد كويسه ولا ابي اضغط حالي وفي نفس الوقت ابي ارفع معدلي وفي نفس ذات الوقت اخاف تتراكم ولكن مشورتكم تهمني شخصياً ارجوا الافادة . :33_asmilies-com: |
رد: استشارة وارجوا منكم الاجابة ...
هلالي و مدريدي كذا احتمال اقولك خلني اشيل بعض المواد عنك هههههه اول مرحبا فيك اخوي يا هلا بك صراحه الي سويته انت راح يراكم عليك الدنيا كلها فوق بعض وانت في الاول والاخير راح تأخذهم ، وشغلة انك تبي ترفع المعدل باقي قدامك مواد التخصص كلها صعبة ويحتاج لها جهد يعني مو بسيطة والرياضيات و المحاسبة الكل تعب منها بس الحمد الله مشت الامور بـ المذاكرة والتعب كل شي يهون اهم شي انك ما تراكم الدنيا عليك حاول انت تتخلص بسرعه خاصه من الاشياء البدائية هذي دائم لا تحاول تخلي شي اكثر من سمستر وراك لانه يفيدك وراح يجي شي غيره سوا من صعبة او حفظ او فهم كلها موجوده في المستويات الجاية وعسى الله يوفقنا ان شاء الله ونتخرج بأحسن الدرجات من الجامعة يارب ويحنن قلب هـ الدكاترة السعوديين علينا والا الدكاترة العرب زي العسل معنا الحمد الله |
رد: استشارة وارجوا منكم الاجابة ...
اهلين حياك الله اخوي اكيد مدريدي وهلالي اولاً ههههههههههه
والله مدري شقولك احترت مدري وش اسوي احس اني جايب العيد في نفسي من جهه ومن جهه ثانية متخوف من السوداني حق الرياضيات الكل يشكي منه واخاف اجيب العيد والله طيب وش شورك وش انزل مواد غير الرياضيات والمحاسبة 2 اللي طافتني يعني لازم مادتين معها ثلاث بسيطه شوي والا كيف وبالنسبة للدكاترة يالبى العرب والله قلوبهم حنونه علينا بس السعوديين تحس يبون يثبتون لنا انهم فعلا دكاتره واساتذه وكأننا مشككين في قدراتهم الواحد يطحن الكتاب ويفغسه ويعطيك عصارة مخه وكأنك ماوراك الا الجامعه ماوراك دوام ولا عيال ولا اشغال بس يالله الشكوة لله ان شاءالله يارب نتخرج جميع على خير وبركه يسعدك ربي ويسعد الجميع |
رد: استشارة وارجوا منكم الاجابة ...
ياشباب تكفون ابي حل لموضوعي وماخاب من استشاركم والله مانزلت ولا ماده بس ابي اشوف ارائكم
|
رد: استشارة وارجوا منكم الاجابة ...
حاول تخلي بين موادك يوم فاضي والمواد الدسمه يومين ولا تتعدى 5 مواد ام 3 ساعات اذا سمحو لك طبعآ
وحاول تأخذ الي تشوف نفسك فاهم فيه وميولك له حتى لو من مستوى قدام على اساس ترفع معدلك في الوقت الحالي :wink: |
| All times are GMT +3. الوقت الآن حسب توقيت السعودية: 07:21 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه