استفسار بخصوص الدبوم التربوي
 

مساء الخير


الله يسعدكم ياليت احد يفيدنا عن الدبلوم التربوي وخصوصا من بين البشر اشوفها اكثر شي ترد الله يجزاها خير


انا انقبلت في الدبلوم بس محتاره لان عندي زواج بين الترمين



وابغا اعرف متى تنتهي الاختبارات ل الترم الاول والترم الثاني متى عطلتو مع المدارس او قبل او مع الجامعه


وامتحاناتكم مقالي او خيارات


ولو بغيت ااجل للسنه الي بعدها يوافقون واكون مقبوله مو ارجع اسجل من جديد
او عالترم الثاني اقدر ااجل


وكيف كانت الدراسه ل الترم الثاني ضغط مع التطبيق

رد: استفسار بخصوص الدبوم التربوي
 

الله يبارك لك ويسعد ك وعقبال الجميع
بالنسبة للتأجيل نصيحة لاتأجلي لان دبلوم التربية مايفتح سنوياً ويوم كنت بالدبلوم بنات أجلوا وتمنوا أنهم
ماأجلوا بسبب المماطلة الي يتعرضون لها والمراجعات الإدارية إلى ماتخلص .
والدوام مريح 4أيام بالاسبوع ويوم بريك الترم الأول وتسع مواد 2منها حاسب نظري وعملي .
والترم الثاني دوام 3أيام إلين شهر 4 وبعدين دوام 3أيام بالجامعة ويوم بمدرسة حكومية تعطين حصة أو حصتين بالأسبوع و7مواد .
يعني أكثر الأيام نداوم فقط 4ساعات الدراسة ماهي صعبه لاكن يركزون على الأبحاث بشكل كبير
والعمل الجماعي وعروض البوربوينت وكان معنا بنات متزوجات وماعندهم خدمات وبنات يدرسون حاسب بمعهد برا ويداومون الجامعة وبنات يشتغلون عصري وبمراكز تطوع وقدروا يجيبوا من الأوائل .
وبرايي فرصة لاتعوض لا تطوفيين الدبلوم التربوي الحين حتى المدارس الأهلية مايقبلون إلى بالتربوي بعد زيادة الرواتب
الموضوع يبقى ترتيب وقت وشده حيل الفصل الأول كان صعب علينا لان ماتعودنا في الجامعة على كتابة الأبحاث
لاكن الترم الثاني كان ممتع وخاصة بعد ماتعودنا على طبيعة الدراسة والتطبيق والدكتورات متعاونات إذا أنضغطنا يرضون يأخرون مواعيد الأختبارات الشهرية والأختبارات النهائية يوم نختبر ويوم لا وكل يوم مادة وحدة
وإذا كان فية مقالي يحدد مسبقاً .المهم خلو علاقتكم مع الدكتورات طيبة وخليك في مجموعة مجتهدة لان كل مادة فيها عمل جماعي درجته ماتقل عن 10درجات .....................................من بين البشر .

رد: استفسار بخصوص الدبوم التربوي
 

حبيبتي الف شكر على ردك اللي فادني كثير :004:
واقنعتيني بعدم التاجيل :106:

بس ماتذكرين متى خلصتو امتحانات الترم الاول ودي اعرف مع المدارس او لا , لان زواجي ببدايه الاجازه .

انا دوامي مسائي من ثنتين الى سته ودي لو اخليه صباحي لانه انسب لي
وياليت اذا فيه احد يقرا موضوعي ويبغا يبدل معاي مسائي واكون انا صباحي ياليت تراسلني

ويعطيك العافيه :106:

رد: استفسار بخصوص الدبوم التربوي
 

أمتحانات الترم الأول خلصت قبل نهاية أختبارات المدارس الفصل الدراسي الأول بأسبوع يعني زي دوام الجامعة بس ما اذكر التاريخ وتقدرين تطلعين أجازة زواج لمدة أسبوعين .

رد: استفسار بخصوص الدبوم التربوي
 

:119:

رد: استفسار بخصوص الدبوم التربوي
 

طيب والجامعه العربيه

رد: استفسار بخصوص الدبوم التربوي
 

^

الجـآمعة العربية الدوام يبدا 13 ذو القعده وينتهي الاختبارات 12 / 3

موجود التقويم الجـآمعي بموقع الجـآمعة ~