|
سؤال عن تخصصات كلية إذارة الأعمال.....
السلام عليكم
أنا من خريجات 1433 ونسبتي فوق 80 وكان ودي أنقبل طب وحتى الأهل كانوا متأملين فيني طب بس هالدوافير ما خلوا لنا كراسي:017: وحتى في الدفعة الثانية ما تغير شيء كلن ماسك كرسيه لا احد ياخذه والله كتب أني انقبل إدارة أعمال وأنا ولا جا على بالي أني بنقبل فيه قلت هو تخصص قوي وبس حطيته تبع الرغبات بس لمن أنقبلت توهقت ألحين وأحس فيني الصيحة :Cry111: ما أبي أدرس إدارة أعمال أي شيء إلا هو لأني ما أحب الرياضيات وهو كله حسابات وما أدري إيش المهم...سؤالي قبل لا ادخل الدراسة وش أحسن تخصص من حيث المواد أنها تكون حلوة والوظيفة تكون مضمونة و محترمة ؟؟؟ أنا قرأت موضوع عن التخصصات وكأن أحسن شيء موارد بشرية؟؟ يا طلاب إدارة الأعمال أنتوا وش رايكم:g2: |
رد: سؤال عن تخصصات كلية إذارة الأعمال.....
:
مرحبا اختي ,, لاتآزمي حالك انا مثلك نسبتي في 80 وعاليه ,, وكان ودي بالطب بس للآسف انقبلت اداره يعني مثلج ,, وني كنت مره متازمه بس الناسات قالو لي انه اقدر اشتغل في بنوك وكذا .. وانه ادارة الاعمال في كل شيء مهمه ,, كل شيء يبي له مدير ,, اختي انتي من وين وين راح تسكني ,, !! :rose: |
رد: سؤال عن تخصصات كلية إذارة الأعمال.....
كلية إدارة الأعمال مستقبلها جيد خصوصاً لو كان معدلك مرتفع
والتخصصات لو كان موارد بشرية موجود فـ هو فعلاً جيد ومطلوب بسوق العمل وغير كذا الكلية مافيها مواد رياضيات كثير يعني حسب الخطة القديمه كان فيه 6 تقريباً مواد رياضيات بالإضافة لمواد المحاسبة اللي فيها أرقام لكن مو رياضيات لكن كلها كانت أسهل من رياضيات الثانويه :) بالتوفيق |
رد: سؤال عن تخصصات كلية إذارة الأعمال.....
miss smileمشكورة على الرد وشكلي من ألحين بشبك معاك خط علشان بس أروح الجامعة يصير في أحد أعرفه:10111: و بندر.....أنت يعني تنصح بالموارد البشرية ولا في تخصص أحسن تنصحني فيه؟؟؟:(107): |
رد: سؤال عن تخصصات كلية إذارة الأعمال.....
مع احترامي لك من المفروض من البدايه ما فكرت بالطب وهذي نسبتك, الطب تحتاج نسب عاليه جدا وناس راايقه, ترا الدعوه 7 سنين وتخصص صعب.
عموما انتي انقبلتي في الاداره وشدي حيلك |
رد: سؤال عن تخصصات كلية إذارة الأعمال.....
شيء جميييل الادارة بالعكس كم موزونتك بالضبط ..؟ واذا خاطرك بالطب ومعزمة روحي بعثة قدمتي ابتعاث ..؟ بس أنا من النوع اللي ماانصح بالطب تتبهدل بالدراسة والتعب* سنين طويلة صدقيني الادارة ششيء جميل ♥♥ |
رد: سؤال عن تخصصات كلية إذارة الأعمال.....
sh12 على طاري البعثة أنا سجلت من قبل بأرامكوا وفيها بعثة وطبعاً اخترت حبيبة قلبي اليابان بس الأختبار صار بالظهران يوم أربعاء ولا كان في أحد يقدر يوديني والقهر أن الأولاد أختبارهم يوم الخميس وكان واحد من أخواني موجود ليلة الأربعاء يعني لو مأخرين بس يوم الأختبار كان أختبرت عندهم بس مثل ما يقولون الخيرة فيما أختاره الله أصلاً حتى لو حاصلة لي بعثة ماأحد بيروح معاي من المحارم أخواني وأبوي كل واحد ثابت له بوظيفة ولا أحد بيترك شغله علشان دراستي :007: وإدارة الأعمال حتى الأهل يمدحون فيها ويقولون يمكنها أحسن لك من الطب بس أنا ميولي الطب أو أي شيء صحي حتى لو أصير ممرضة بقبل بس أهم شيء أدخل مجال صحي :wink: وإدارة الأعمال حاسة أنها يمكن تعجبني بس ما خطر على بالي من قبل |
رد: سؤال عن تخصصات كلية إذارة الأعمال.....
لو تقدرين تقولين ايش التخصصات المتوفره علشان اشوف اذا فيه افضل او لا
لاني مدري عن نظام البنات ! |
رد: سؤال عن تخصصات كلية إذارة الأعمال.....
أنا بالأساس ما أدري وش التخصصات المتاحة لنا لأني توقعت أن كل التخصصات موجودة بقسم البنات أما إذا احنا تخصصاتنا غير ما أدري:(107): |
| All times are GMT +3. الوقت الآن حسب توقيت السعودية: 01:21 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه