|
ساعدوني ابي انقطع عن الدراسه هالترم
صباح الخيير ..
حبيت استفسر انا هالترم ابي انقطع عن الدراسه وبرجع الترم الجاي علما باني انهيت مستويين دراسيين بس مو عارفه وش اسوي هل عادي انقطع وبعدين ارجع والا لازم الجامعه تدري وفيه ايقونه وكذا ووش سالفه ايقونه انهاء مستووين دراسيين وش المطلوب مني اعمله الحين؟؟ الله يجزاكم الجنه يارب .. |
رد: ساعدوني ابي انقطع عن الدراسه هالترم
المطلوب الدخول ع الخدمات الطلابية ايقونة تاجيل او اعتذار
http://del.kfu.edu.sa/entisab_app/images/31ov.jpg وتقدمي طلب والتر اللي بعد هذا علشان ترجعي للدراسة لازم تدخلي ع الخدمات بعد وتقدمي طلب عودة وطبعاً ياخذ كم يوم يعني اذا دخلتيالحين ع ايقونة التاجيل شيكي بين فترة وفترة ع حالتك الاكاديمية وبتلاقيها تغيرت من فعال الى مؤجل علماً بان مسموح لك بالتاجيل او الاعتذار ترمين متتاليين لو ثلاثة اترام غير متتالية طيلة دراستك الجامعية ايقونة انهاء مستويين يستفيدوا منها الموظفين :) الله يوفقك |
رد: ساعدوني ابي انقطع عن الدراسه هالترم
الله يعطيك العافيه بس اسفه مافهمت
يعني اوقف هالترم وارجع الترم الجاي والا يوقفوني ترميين متتالين |
رد: ساعدوني ابي انقطع عن الدراسه هالترم
انت براحتك
يعني فرضاً وقفتي هالترم والترم اللي بعده ما قدمتي طلب عودة او انت بغيتي تعتذري بعد عن الترم لا تسوي شي ولا تقدمي طلب تاجيل بتظلي مؤجله لكن لو بغيتي الترم اللي بعد هذا ادخلي قدمي طلب عودة |
رد: ساعدوني ابي انقطع عن الدراسه هالترم
الله يعطيك العافيه يارب ويجزاك الجنه
|
رد: ساعدوني ابي انقطع عن الدراسه هالترم
اختنا كفت ووفت بيض الله وجهها وكمعلومة نظام الجامعة يسمح لك بالتأجيل ثلاثة اترام ترمين منهم متتالية طيلة دراستك الجامعية بمعنى يمديك تاجلي ترمين وراء بعض ثم اجباري تطلبي عودة للدارسة وبعد دراسة ترم يمديك تطلبي مره ثالثة تاجيل ترم وهو آخر طلب تاجيل يسمح لك .
|
رد: ساعدوني ابي انقطع عن الدراسه هالترم
الله يعافيك بس هل في وقت لهالايقونه انها تقفل ؟
|
رد: ساعدوني ابي انقطع عن الدراسه هالترم
اقتباس:
|
رد: ساعدوني ابي انقطع عن الدراسه هالترم
راح استخير ان شاء الله والله يكتب اللي فيه الخير
الله يعطيك العافيه يارب |
رد: ساعدوني ابي انقطع عن الدراسه هالترم
لا ما في وقت محدد
لكن لو فرضاً سجلتي مواد وانت لسه ما اعتذرتي هنا لازم تدفعي قيمة المواد اللي سجلتيها وتعتذري انتبهي لشغلة في حالات اذا اعتذرتي الحين قبل تسجيل المواد ما يكون عليك رسوم ولا اي شي * لكن نفترض انك سجلتي مواد وما دفعتي الرسوم وبعدها قررت تعتذري واعتذرتي عن الترم الترم اللي بعده اذا رجعتي راح يطالبوك برسوم للمواد اللي سجلتيها بالبانر حتى لو ما درستيها بالاضافة الى رسوم المواد اللي راح تسجليها بعدين * اما لو سجلتي موادك ودفعتي رسومها وبعدها قررتي الاعتذار شوفي التقويم الدراسي http://www.kfu.edu.sa/ar/Deans/elear.../calender.aspx * اذا اعتذرتي في فترة استرداد كامل الرسوم راح يتحول المبلغ اللي دفعتيه لرصيد لك في الجامعة بحيث انك لو سجلتي موادك في الترم اللي رجعتي فيه راح ينحسب المبلغ من رصيدك وما يحتاج تدفعي * لو اعتذرتي في فترة 50 % راح يكون لك رصيد باقي لكن مو كل المبلغ اللي دفعتيه * اخر شي لو اعتذرتي في فترة عدم الاسترداد راح تضطري تدفعي رسوم المواد اللي بتسجليها بعدين اعتذر ع الاطالة وان شاء الله تكوني فهمتي علي بس حبيت اوضح لك كل شي |
| All times are GMT +3. الوقت الآن حسب توقيت السعودية: 10:30 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام