|
استفسار بسيط , ياليت تساعدوني
السلام عليكم .. كتبت قبل تقريبا اسبوع موضوع عن التحويل من تخصص رياض اطفال الى انجليزي .. و كنت ابي اعرف اذا فيه شروط و شنو شروط التحويل , اللي ردو علي الله يعطيهم العافية و ما قصرو بس مو كثير فادوني , و هذاني كتبت موضوع ثاني و اتمنى تساعدوني .. انا كان ودي اتخصص انجليزي , بس لما فتح تسجيل التخصص ما طلع لي غير رياض اطفال .. و يمكن عشان معدلي و فيه ناس قالو ان اذا كنتي جايبه تحت C ما يقبلونك , انا جايبه +D ما علينا احس طولت عليكم .. نصحوني ادرس اول ترم رياض اطفال و ارفع معدلي و احول الترم الثاني انجليزي , و هذا اللي انا بسويه و المواد اللي بتنزل لي 8 .. و 8 كثيرة ما بقدر ارفع معدلي :icon9: اقدر انزل اقل من 8 :icon9: ؟ و شنو شروط التحويل :icon9: ؟ و اذا عندي مواد حاملتها من تحضيري او ما نزلت لي و ما قدرت ادرسها .. اقدر احول او لازم ادرسهم اول :icon9: ؟ ابثرتكم صح :icon9: .. استحملوني عاد توي مستوى ثالث و ما اعرف كل شي 3\> و يعطيكم العافية :rose: |
رد: استفسار بسيط , ياليت تساعدوني
وعليكم السلام والرحمه
ما عندك مشكله تحولين حتى لو عندك مواد حاملتها وعدد المواد ما يأثر على ارتفاع المعدل او نزوله اللي يأثر درجاتك كل ما كانت مرتفعه يرتفع المعدل وايه نعم تقدرين تسجلين اقل من 8 مواد حتى لو مادة وحده وشروط التحويل لقسم اللغه الانجليزيه انك تجيبين معدل فوق 2.5 وتكونين ناجحه بمادة اللغه الانجليزيه وكل ما كان معدلك مرتفع كانت لك الاولويه في القبول خذي راحتك حبوبه :rose: .. |
رد: استفسار بسيط , ياليت تساعدوني
اقتباس:
يعطيك العافيه اختي ريحتيني حيل , الله يريحك و يوفقك :rose: |
رد: استفسار بسيط , ياليت تساعدوني
الحمد لله
آمين وياك عزيزتي :rose: يغلق تمت الجابه () |
| All times are GMT +3. الوقت الآن حسب توقيت السعودية: 01:52 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام