ملتقى طلاب وطالبات جامعة الملك فيصل,جامعة الدمام

وعليكم السلام والرحمه ..

ببدا معك من الاول ..

الاختبار 4 اجزاء ( reading - listining - writing- speaking )
من وجهة نظري اهم هالاجزاء الـ speaking وبعده الـ writing
احسهم يعتمدون على درجتك فيهم ..

الجزء الاول بيكون قطع اما قصه او معلومه عن شيء
او مقال اي شي وعليه اسئله .. وانتبهي لصيغة السؤال
قبل الاجابه .. والتزمي فيها التزام دقيق بمعنى لو كتب لك
انو جاوبي بـ 3 كلمات لاتزيدين عن الـ 3 كلمات ولا ماتحسب الاجابه
هالجزء يعتمد اعتماد كلي على حصيلتك اللغويه لازم تقرين نماذج
من القطع اللي تجي في الايلتس وتترجمين الكلمات الصعبه عشان
تحفظينها ..

الجزء الثاني بيكون سمعي .. تشغل لك مقطع اما محادثه بين 2
او قصه او مقابله ومن خلالها تجاوبين على اسئله اما ( اختياري - فراغات )
هالجزء يعتمد اعتماد كلي على سرعة البديهه والمعلومات بتنقال بترتيب الاسئله
انتي بس خلك مركزه .

الجزء الثالث هو احد الاجزاء المهمه مثل ماقلت لك .. بتعطيك موضوع بتحدد لك
عدد الكلمات .. هنا مهم جدا جدا جدا تعرفين الطريقه اللي يرتب فيها الكلام
مثلا ( العنوان وسط السطر .. السطر الاول تتركين مسافه 5 حروف .. نقطه بعد نهاية كل جمله
السطر الثاني تبدينه من الاول ) هالاشياء تفرق كثييييييييييييييييييييييييير في علامتك ..
تقدرين تبحثين عنها اكثر ..

الجزء الاخير .. الجزء المهم لازم تكونين عندك القدره على الكلام بدون توقف كثير
طلعي اي جمله قولي كل اللي عندك :biggrin: لاتسكتين وتحسسين المس انك مو عارفه وش تقولين
خليها هي اللي تسكتك .. هالجزء جدا سهل بس خلك حذره فيه وواثقه من نفسك .. ماراح تسألك
اسئله فلسفيه .. هي اسئله معروفه في كل العالم لإختبار الايلتس مافي مجال انو اللي يختبرك
يعقدها عليك .. ( عرفينا بنفسك ؟ وين تسكنين < ماتقولين الخبر مثلا وتسكتين لا ..
تقولين الخبر وتتكلمين عنها الخبر مدينه فيها كدا وكدا تشتهر بكذا وكذا ..الخ بتقول كلميني عن عايلتك
بتوريك صوره وبتقول اوصفيها .. اذا دخلوكم بنتين بنتين بتخليكم تسوون محادثه مع بعض
على موضوع معين وبس ) ..

ان شاء الله اكون افدتك .. واي سؤال انا حاضره :106: