استفسار بخصوص مشروع التخرج
 

السلام عليكم..
نزلت جداول مواد التخصص و نزلت جداول المواد العامة
ماعدا مشروع التخرج ؟؟
وش السالفة ؟ :Looking_anim:

رد: استفسار بخصوص مشروع التخرج
 

وعليكم السلام ورحمة الله وبركاته

مشروع التخرج ماينزل في الجداول انتي تختارين الدكتورة اللي تبينها وتتفقين انتي واللي معاك على وقت معين تجتمعون فيه مع الدكتورة
وغالبا البنات يجتمعون مع دكاترتهم بساعة النشاط

قبل سنتين نزلوا اسماء الدكتورات في البنر يوم خميس على اساس الكل يقدر ياخذها بس مايصير فيه تعارض <<< اكيد مابيكون خميس بس انه كذا حطاينه عشان التعارضات

وطبعا كل دكتورة تبي عدد معين يعضهم 2 وبعضهم 5 وبعضهم 7 واذا كانوا دكاترة رجال يكون العدد اكبر 10 مثلا

العام اقسام سوت كذا بس مو متذكرة زين ايش هي وقسمنا كان حاط دكتورة وحدة في وقتين وسعة كل شعبة 35 بعدين في الكلية البنات اختاروا الدكاترة في اول اسبوع من الرتم الثاني <<< اللي مانداوم فيه بس المدارس يداومون
ولا اعلان ولاشي صدفة بنات كان عندهم مشاكل في التسجيل راحوا عشان يحلونها لهم ومرة وحدة قالوا لهم اختاروا الدكتورات حق بحث التخرج

وانحجزوا الدكتورات بسرعة لأن اللي راحوا سجلوا صديقاتهم معاهم واللي مادروا كانت خياراتهم محدودة جدا فإن شاء الله مايصير هالشي مع اي قسم :139:
واللي صار قبل سنتين افضل :(204):

وبالتوفيق إن شاء الله :004::004::004::004:

رد: استفسار بخصوص مشروع التخرج
 

وشي ثاني حبيت انبه عليه

حطوا لكم عدة دكتورات ورتبوهم حسب الأفضلية يعني لاتحطون في بالكم دكتورة وحدة وماتلاقون اسمها بعدين لا سمح الله ترا مو شرط ان كل الدكتورات يمسكون البحث

فمن باب الإحتياط حطوا في بالكم اكثر من دكتورة عشان اذا الدكتورة الأولى ما كان اسمها موجود او سكرت شعبتها او طلعت من الكلية (مثل حالتي :bawling:)
يكون فيه دكتورة ثانية زينة تسجلون معاها :(204):ماحصلتوا الثانية يكون فيه ثالثة يعني اقل شي يكون عندكم خمس خيارات

وبالتوفيق للجميع يا رب :004::rose:

رد: استفسار بخصوص مشروع التخرج
 

فيزيائية مشكوررررة وضحتي بالتفصيل جزاك الله ألف خير و يعطيك العافية :rose:

رد: استفسار بخصوص مشروع التخرج
 

العفو لاشكر على واجب

الله يعافيك ويجزيك بالمثل :004::rose: