اللي مقدمين على كلية الغد على حساب الصندوق الخيري يتفضلو
 

سلاااام للكل

حبايبي حقولكم تجربتي مع التقديم بفرع المدينه على حساب الصندوق الخيري

انا قدمت قبل مايفتح التسجيل بفتره واخدت اوراقي وكل شي وقالتلي خلاص وحتطلع الاسامي بعد العيد ..

ولمن بدا التسجيل اكتشفت انهم بيدو البنات ورقة تروح تعبيها من الضمان ! وانا ماادتني شي المهم روحتلهم طلعت حتى ماسجلتني ولا شي قلتلها ليه هذا وانا جايه بدري .. طبعا سكتت
قالتلي حسجلك ثاني بس احتمال ماتنقبلي قلتلها مو مشكله سجليني قالت طيب قلتلها والاسامي طبعا بعد العيد قالتلي لا على الاسبوع الجاي تطلع قبول مبدئي وحندق على البنات انا هنا انفجعت كيف كدا كل شوي يعطونا كلمه! المهم قلتلها سمعت انكم بتدو ورقه عشان اوديها للضمان قالتلي كدب ! ومااعطينا ولا بنت ! انا هنا قولت خلاص بجد الين متى يستهبلو عليا ورجعت البيت جلست اسبوع وبعدين قولت خليني اروح استهبل اسال سجلتو اسمي يعني بتأكد وكدا المهم روحت وقالتلي سجلناه قلتلها طيب وفجأه تطلعلي ورقه تقولي وديها للضمان !!! يعني دوبها تديني هيا !! قلتلها والاسامي طلعت قالت بعد العيد !!!! شوفو بس الاستهبال حقهم قومت قلتلها انتي قولتي تطلع الاسبوع دا قالتلي ماطلعت بعد العيد ان شاء الله قولتلها ان شاء الله وخرجت هدا الكلام الربوع .. واليوم السبت وديت الورقه للضمان وعبوها ليا وختموها ووديتها للكليه واخدتها وماقالت اي حاجه ..



وبس دا اللي سار معايا

ملاحظه : ترى عدد الاسامي اللي يرسلوها للرياض 50 فقط ويتم قبول 35 طالبه !!!

صراحه اليوم كان مررررررررررررره زحمه وكولهم على الصندوق طيب ليه بتقبلو الين دحين وانتو في الاساس ماراح ترسلو الا 50 بس !



واتمنى اني ماطولت عليكم بس نبغى نفيد ونستفيد منكم


وياريت اي احد قدم بفرع المدينه تيجي هنا وتقولنا ايش سار معاها وايش قالولها خلونا نفيد بعض *_*


بحفظ الرحمن حبايبي

رد: اللي مقدمين على كلية الغد على حساب الصندوق الخيري يتفضلو
 

اشتكي على الموظفة عن العميدة

رد: اللي مقدمين على كلية الغد على حساب الصندوق الخيري يتفضلو
 

خليتها على ربنا :119:

حسبي الله ونعم الوكيل :004:

رد: اللي مقدمين على كلية الغد على حساب الصندوق الخيري يتفضلو
 

طيب حتى انا ماأعطوني الورقه الي اعبيها من الضممآن ..

بالبدايه قالتلي عندك ورقة اثبات من الضمات قلت لا قالت طيب جيبي بطاقة الصراف من ابوكي وجبتلها وطالعت فيها ورجعتها ليا وقالت روحي جيبي اوراقك الي هيا صورة من شهآدة الثانوي والقدرات والتحصيلي لان التسجيل حيقفل اليوم حسيت انها بس بتمشيني ..

ايش اسسسسسسوي..!! :bawling::bawling::bawling:

رد: اللي مقدمين على كلية الغد على حساب الصندوق الخيري يتفضلو
 

^

مررررره كدابه ترى والتسجيل الين اليوم مفتوح وزحمه على حساب الصندوق الخيري

انا زيك بالبدايه مشتني الين مارجعتلها ثاني واعطتني الورقه


ارجعيلها وخدي الورقه منها لازم *_*

رد: اللي مقدمين على كلية الغد على حساب الصندوق الخيري يتفضلو
 

انسا انا تبي تقطع رزق البنت هههههههههههههههه المشكلة ما هو فيها المشكلة بالأنظمة الي كل يوم تتغير ولا هذي لا تحل ولا تربط للاسف

ولكن اذا كانت عارفة كل شئ وتحاول تقلل عدد المتقدمين بناء على كلام المسئول او غيره او يمكن الموظف او الموظفة طفشانه ومالها خلق تقابل الناس ما نقول لا حولا ولا قوة الا بالله

رد: اللي مقدمين على كلية الغد على حساب الصندوق الخيري يتفضلو
 

يا جماعة الخير ما في غيرها في الكلية شوفوا احد ثاني الي في القبول والتسجيل كثير
وبعدين اي استفسار اتصل على 920001544 راح تجد الاجابات لجميع اسئلتك

رد: اللي مقدمين على كلية الغد على حساب الصندوق الخيري يتفضلو
 

وانا كمان ماعطوني ورقه

بس جيت قولتلها ابغى اقدم عن طريق الصندوق سالتني عن النسبب بالقدرات والثانوي والتحصيلي

قالت هاتي اوراقك و اعطيتها هيا ... قولت مو تعطيني ورقه اوديها للضمان يختوها . قالت لا نرسلهم الشهادات ولو طلع اسمك نتصل عليكي واعطيكي الورقه توديها لهم :139:




حروح ان شالله بكرا واخد الورقه :119:

رد: اللي مقدمين على كلية الغد على حساب الصندوق الخيري يتفضلو
 

^

يب روحي بكرا وبلغينا ايش يسير معاكي *_*

رد: اللي مقدمين على كلية الغد على حساب الصندوق الخيري يتفضلو
 

روحت ولسى دوبي جايه من الكليه

قالت نفس الكلام الي قالتلي هوا اول مرا .. إحنا نرسل الاوراق ولو طلع اسمك من ضمن ال 35 طالبه نتصل عليكي ونديكي الورقه

يعني روحتي كانت على قلتها :g2:

يلا ان شالله ربي يوفقني وادخل عن طريق الصندوق الخيري :rose:

وبالتوفييييييق للجميع يارب :106: