ملتقى طلاب وطالبات جامعة الملك فيصل,جامعة الدمام - الموضوع خطير جدا جدا ..تجمع طلاب وطالبات الجامعه للاعتراض يوم السبـت

الموضوع خطير جدا جدا ..تجمع طلاب وطالبات الجامعه للاعتراض يوم السبـت

بسم الله الرحمن الرحيم

والصلاه والسلام على اشرف الخلق محمد عليه وعلى اله افضل الصلاة والسلام ..

اليوم اللي حصل في نتائج الاختبارات غير منطقي وغير صحيح ميه بالميـه ..

لو قلنا واحد او عشره يمكن نقول يمكن غلطانين وتصحيح الجامعه صح ومافيه شي ..

لكــن يجي اغلب اللي شافو نتائجهم ومتفاجئين بدرجاتهم الموضوع اكيد وراه شي والمفروض مانسكت ..

مستحيل مستحيل مستحيل اللي شفته اليوم بنتيجتي ..

الاختبار اللي طاالع منه وانا اقول زين اذا نجحت اتفاجا اليوم انه اعلى درجه بعكس الماده اللي كنت متوقع اخذ فيها a+ ونتيجتي فيها c...
واتفاجا اليوم باكثر الموجودين صار لهم مثل ماصار والمصيبه اشوف واحد يقول نتيجته في ماده صـفر ....

اذا سكتنا عن اللي صار لنا صدقوني بيصير لنا اكثر واكثر ..

كيف اذاكر السمستر الجاي وانا متاكد ومن واقع تجربه ان نتيجتي بتكون غير اللي راح اقدمه بالاختبار ..

كيف اصلا اصدق شهاده الجامعه بعد التخرج اذا نتائج اختباراتهم ملعوب فيـهـا..

او بس هم الجامعه تاخذ فلوس ..

انا بكون بمشيئه الله اول واحد عند الجامعه يوم السبت واقدم اعتراضي واللي صار له مثل ماصار لي لايسكت عن حقه او يقول يكفون اللي بيروحون اذا ماتجمعنا كلنا صدقوني ماراح يعطونا وجه ولا راح يتغير شي بالموضوع

الجامعه مو معصومين من الغلط خصوصا اللي صار اليوم لاكثر من واحد مايترك ادنى شك في مصداقية تصحيحهم .

حتى لو كان اللي يصحح جهــاز ....

مو غريبه ولابعيده يكون جهازهم خربان او فيه بلا جعله البلا.

واللي صار بقطارات وهي قطارات ماشتغلت اقل من شهر وتعطلت وهي توها جديده من المصنع مايخلينا نستبعد ان يكون الجهاز اللي يصحح مثل القطارات ...

اول مره تتاخر نتائج المشاركه واول مره يعترض اغلبيه الطلاب ..

الموضوع كبير وخطير

اذا ماراجعنا اوراقنا ننسحب من الجامعه ..

ويعوضنا الله بخير

جامعه اغلبية طلابها معترضين على نتائجهم شهادتها ولا بـريـــــال ..

اتمنى منكم تفاعلون كلكم في هالموضوع

التجمع يوم السبت الساعه 9 صباحا

والله يوفق الجميــع

رد: تجمع طلاب وطالبات الجامعه للاعتراض يوم السبـت

........................

رد: تجمع طلاب وطالبات الجامعه للاعتراض يوم السبـت

......................