ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   استراحة آدم (https://vb.ckfu.org/forumdisplay.php?f=317)
-   -   اجمل بيت سمعته (https://vb.ckfu.org/showthread.php?t=343168)

@Trki55 2012- 6- 13 01:27 PM

اجمل بيت سمعته
 
كل واحد يدخل ويسدح لنا اجمل بيت سمعه عن علوم الرجال او ضيم الرجال


مثل :


دنيت نجري عامده بالعماده * ابه يجذب لي بصوته مسايير

الحق ظلما والمصقل دليله * ولا تنقضي حاجات من يتبع الهون

الله من قلب عوا عويت الذيب * ذيب عوا لجت ظلوعه ولجي

ودلة صفرا على النار مركاه * اقصر بصبتها على كيف روحي



ارجو التفاعل

Man in light 2012- 6- 14 04:06 AM

رد: اجمل بيت سمعته
 
ياصاحبي درب العلا عسر بالحيل
ودونه مسافة جرهديه وجردى

وقدمك لعكفان الشوارب مداهيل

قطاعة الفرجه على كل سردى

وان كان ماتقدر دروب الرياجيل

عود وتلقى واحد منك واردى



Man in light 2012- 6- 14 04:08 AM

رد: اجمل بيت سمعته
 

يا ما حلا يا عبيد في وقت الاسفـار***جذب الفراش وشب ضـو المنـاره
مع دلة (ن) تجذا على واهج النـار***ونجر(ن) ليا حرك تزايـد عبـاره
النجـر دق وجاوبـه كـل مـرار***ما لفه الملفـوف مـن دون جـاره
واخير منهـا ركعتيـن بالاسحـار***لا طاب نوم اللـي حياتـه خسـاره
تلقاه في يوم (ن)يضيعـن الافكـار***يومن على المخلوق ما اطول نهاره
وقم في قصير البيت حشمه ومقـدار***لو جار فأذبح له لـو بـه خسـاره
ترى النبي وصى على الجار لو جار***خذ الحذر يا عبيـد عقـب النـذاره
رافق قوى الدين حفـاظ الاسـرار***ينفعك في يومن يجي بـه كـراره
ترى الهوى والغي هن شر الاشرار***ومن داس عار الناس داسوا لعـاره
جنب ردي الكار مـا فيـه تعبـار***ما فيه من فعـل المناعيـر شـاره
جنب عنه خله لقصـاف الاعمـار***واحفظ وصاتي يا رفيـع المنـاره
واسلم ودم بالخير يا طيـر غيمـار***وصلوا على المختار ما غار غـاره

Man in light 2012- 6- 14 04:11 AM

رد: اجمل بيت سمعته
 
شمس المحبه للغياب استعدت
................ولاعاد لي في ظل رجواك مقيال

وارياح شوقك , كان صلفه وهدت
..............وإظلال عهدك يوم طال المدى مـــال

وبدو الهيام من المعاليق شدت
................... والشوق مثل البدو نازل , ورحال

وكبدي لكل ارماح صدك تصدت !
.................... والقلب عز الله للحزن خيـــــال

والعين بدموع الحسايف تبدت
.............. والحال ويش الحال ؟ ماعاد به حال

روحي مع مشراف الاحباب عدت
................... عدت ولكنــها مع راس هيــــال

تحبني !! لكن عزومك تـــردت
...... ما احتلت في وصلك , مثل ما انت محتال

نـادر الوجود 2012- 6- 15 02:20 AM

رد: اجمل بيت سمعته
 
فوحت لك دلة على حر الانفاس..... اقلط واخذ فنجال يانور عيني
دلة مشاعر تحتوي صدق الاحساس.... وفنجالها عمر تسوقه يميني

تحياتي:106::106:
:(204):

منوخ العمودي 2012- 6- 15 02:27 AM

رد: اجمل بيت سمعته
 
احدٍ على جاره بختري ونوار =واحدٍ على جاره صفاة محيبفه
نرفى خماله رفيت العش بالغار =ونودع له النفس القويه ضعيفه

@Trki55 2012- 6- 18 01:19 AM

رد: اجمل بيت سمعته
 
روح زمان ارجال عكفان الاشناب وجانا زمان اليوم (قوه حياتي)

راحت علوم رجال فكاكت ارقاب وجانا زمان (و راس امي وخواتي)‎


^^^

منورين الموضوع شكرا لردود

MÓĴŖđ ЗЋŠåŠ 2012- 6- 21 11:08 AM

رد: اجمل بيت سمعته
 
*
*
يا ظما قلبي لقلبي وغربه عيوني
عن عيوني وينك انت ؟
يا ترى الليله في صدري؟ لا !
في جفني !؟
لا .. في الشعور اللي خطفني دار بي الدنيا وعوّد
وينك انت ؟
آه لو تدري بشوقي
آه يا ظما الدنيا (بعروقي) ..



طــــلال 2012- 6- 28 06:52 PM

رد: اجمل بيت سمعته
 
صقر العروبه:hhheeeart4:

ابو نآآآآيف 2012- 7- 6 11:50 PM

رد: اجمل بيت سمعته
 
نشدت عنك نجوم نجد ونسيمه=ومن ساطع القمراء تحريت الاخبار

ونشدت عنك مع السماء كل ديمه=ورحت استشف العلم من همس الازهار

ومريت بطلال القصور القديمه=اللي بها سجلت انا وانت تذكار

انشد وادور والاجابه عديمه=لاصوت جاوبني ولا دار ديار

ورجعت ازايم عبرتي والهزيمه=مكسور خاطر بالغ الحزن منهار

ضاق الفضاء واصبح بعيني خريمه=ماشوف لي معها بلياك معبار

وين انت ياتوم الحياة اليتيمه=فوق الثرى ولاعليك الثرى ثار

كان انت حي وفي ظروف سليمه=عزالله انك جرت يوم الزمن جار

ماتدري ان الهجر ظلم و جريمه=وان الجفاء في حق راع الوفاء عار

وكان انت ميت فالمصيبه عظيمه=الدمع مايكفي ولو صب مدرار

ياللشقاء ياللقهر والهضيمه=ياللعذاب اللي بداء معي مشوار

تصبح حياتي كلها دون قيمه=ونور الامل في ناضري ينقلب نار


All times are GMT +3. الوقت الآن حسب توقيت السعودية: 08:31 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه