ملتقى طلاب وطالبات جامعة الملك فيصل,جامعة الدمام - استفسار بخصوص الدراسة انتساب وتحويل للانتظام بجامعة فيصل

استفسار بخصوص الدراسة انتساب وتحويل للانتظام بجامعة فيصل

السلام عليكم ورحمة الله وبركاته

كيف حالكم ان شاءالله تمام ،
اول شي انا ابي اسجل بجامعة الملك فيصل بس نسبتي مره نازلة 66 بالثانوية
واغلب الجامعات فيها انتساب والاسئلة هي :
1. الجامعة فيها انتساب ؟
2. الجامعة فيها تخصص قانون ؟
3. الجامعة كم رسومها للانتساب والي عند ابوها ضمان يعفى ؟
4 اذا درست اول ترم انتساب اقدر احول الترم الي بعده انتظام وكم المعدل المطلوب ؟
5. هل القدرات او التحصيلي مطلوب علما اذا كان الترم الاول انتساب الجامعات الاخرى ما تطلبها ؟
6. اخر شي متى التسجيل اي شهر وماهي الشروط واذا فيه اعفاء كيف اقدمه من البداية ؟؟؟؟

والف شكر مقدما للي يجاوب وتكفون ساعدوني ابي اجابات واضحة ..

رد: استفسار بخصوص الدراسة انتساب وتحويل للانتظام بجامعة فيصل

عليكم السلام ورحمة الله وبركاتة

حياك الله وانا اخوك وقبل مااجاوبك اقولك ( سجلي ولاتحاتين النسبه كثير مثل نسبتك وانتقبلو ولا فيه واحد اعرفه شخصيا سجل مره ومرتين وانرفض ومره ثالثه قبلوه يمكن عشانه نشبه :biggrin: )

لكن الاكيد سجلي ولا تحاتيين النسبه نهائيا

1. الجامعة فيها انتساب ؟

اكيييد فيها انتساب

2. الجامعة فيها تخصص قانون ؟
الانتساب مافيه تخصص قانون للاسف

3. الجامعة كم رسومها للانتساب والي عند ابوها ضمان يعفى ؟
رسومها على حسب ساعات الترم وساعه 165 ريال مثلا نزلتي 18 ساعه تطلع الحسبه 2980 ريال
واتوقع حقين الضمان لهم خصم او ماشابه ماني متاكد بس من مواضيع الضمان تحصلين معلومات اكثر

4 اذا درست اول ترم انتساب اقدر احول الترم الي بعده انتظام وكم المعدل المطلوب ؟
لا للاسف مافيه تحويل للانتظاام نهائيا

5. هل القدرات او التحصيلي مطلوب علما اذا كان الترم الاول انتساب الجامعات الاخرى ما تطلبها ؟
اذا كان بتسجلين انتساب بالجامعه مايحتاجون لا القدرات ولا التحصيلي

6. اخر شي متى التسجيل اي شهر وماهي الشروط واذا فيه اعفاء كيف اقدمه من البداية ؟؟؟؟

التسجيل راح يبدا 9/9 برمضان ان شاء الله وشروط تقدمين بيانات كامله عن طريق موقع جامعة الملك فيصل واذا جاك قبول من الجامعه برساله على جوال ترسلين شهاداتك واوراقك عن طريق البريد
ووقت القبول راح يبلغونك الجامعة بالاوراق المطلوبة

اتمنى افدتك

الله يوفقك

رد: استفسار بخصوص الدراسة انتساب وتحويل للانتظام بجامعة فيصل

1. الجامعة فيها انتساب ؟
2. الجامعة فيها تخصص قانون ؟
3. الجامعة كم رسومها للانتساب والي عند ابوها ضمان يعفى ؟
4 اذا درست اول ترم انتساب اقدر احول الترم الي بعده انتظام وكم المعدل المطلوب ؟
5. هل القدرات او التحصيلي مطلوب علما اذا كان الترم الاول انتساب الجامعات الاخرى ما تطلبها ؟
6. اخر شي متى التسجيل اي شهر وماهي الشروط واذا فيه اعفاء كيف اقدمه من البداية ؟؟؟؟

انتساب مطور بعدالعزيز والامام وسعود راح يفتحون
القانون بالجامعه العربيه المفتوحه

الباقي مالي علم به .. السموحه

رد: استفسار بخصوص الدراسة انتساب وتحويل للانتظام بجامعة فيصل

نعك يوجد تحويل الانتظام بشروط اهمها

ان الحصول على معدل 3,5 فأكثر لمدة سمسترين متتالين

الا يمضي الحصول على الشهادة مدة خمس سنوات

بخصوص الضمان

فنعم يعفى الطالب من الرسوم

بالتوفيق لك

رد: استفسار بخصوص الدراسة انتساب وتحويل للانتظام بجامعة فيصل

بخصوص المعدل فغير مهم

الجامعة تقبل من 60 % فأكثر

يعني سجلي وتوكلي على الله

رد: استفسار بخصوص الدراسة انتساب وتحويل للانتظام بجامعة فيصل

كالعادة الاعضاء ماقصروا:d5:

رد: استفسار بخصوص الدراسة انتساب وتحويل للانتظام بجامعة فيصل

تحويل للانتظام عندنا وقفوووه

رد: استفسار بخصوص الدراسة انتساب وتحويل للانتظام بجامعة فيصل

فعلاً مافي تحويل انتظام للأسف كانو واعدينا من البدايه وخانونا:Cry111:
انا استوفيت الشروط لكن ماحولوني:Cry111:
على العوم بالتوفيق والله يكتب الي فيه الخير يارب

رد: استفسار بخصوص الدراسة انتساب وتحويل للانتظام بجامعة فيصل

الف شكر ما قصرتوا والله حبايب قلبي

رد: استفسار بخصوص الدراسة انتساب وتحويل للانتظام بجامعة فيصل

وش صار مع التحويل ؟