ملتقى طلاب وطالبات جامعة الملك فيصل,جامعة الدمام

- - لك دعوه في ظهر الغيب (https://vb.ckfu.org/showthread.php?t=339256)

لك دعوه في ظهر الغيب

تكفون ابي حد يعطيني خلفيه شامله عن تخصص الانجليزي عن بعد كيف دراسته وكيف المقررات وكيف طريقة عن بعد سهله صعبه انا ناويه ادخل انجليزي وخااااايفه اغرز فيه لان ماعندي ذا الزود فيه بس ناويه اشد حيلي نفسي اثبت للكل اني اقدار وناجحه وش تنصحوني قبل لاادخل وشي الصعوبات وشي الايجابيات تكفون ردو علي انا محتاجه للشهاده ولكم دعوه في ظهر الغيب :Cry111:

رد: لك دعوه في ظهر الغيب

ادخلي على القسم في الارشيف وخذي فكرة حتى المحتويات والمحاضرات موجودة ممكن تطلعين عليها وتقيسين مستواك

رد: لك دعوه في ظهر الغيب

نصيحه اذا ماعندك لغهه لاتدخلين لان يبي له جهد

رد: لك دعوه في ظهر الغيب

هذا ردي على احد الاخوات اللي كانت تطلب المشورة في الاستمرار في التخصص او التحويل
اتمنى انه يفيدك :

اقتباس:

المشاركة الأصلية كتبت بواسطة سمو الإحساس (المشاركة 6683917)

شوفي وانا اخوك

كلنا كان مستوانا مو متوسط الا اقل من المتوسط بكثير
انا عن نفسي كان لي رغبة تعلم اللغة الانجليزية بطرق صحيحة وتأسيس قوي للسبب هذا التحقت في الجامعة هنا بتخصص لغة انجليزية رغم اني مااحتاج الشهادة في مجال عملي لأني عندي دبلوم الكلية التقنية من 15 سنة والحمدلله اموري كلها ماشية ،،

بالنسبة للتخصص والمواد فيه انا عن نفسي مااشوف فيها شي تعجيزي ابدا وكانت اسهل بكثير مما كنت متوقع ،، كل مافي الامر انها تحتاج تعطيها شوية اهتمام وراح تمشي امورك باذن الله ،،

انا رأيي تستمرين في التخصص اذا كان عندك رغبة جادة في تطوير نفسك وتعلم اللغة واذا ماكان عندك الرغبة هذي فالافضل انك تغيرين التخصص ،، وللمعلومية مافيه تخصص سهل ابدا حتى علم الاجتماع يحتاج مجهود وحفظ بشكل مكثف حسب مايصلني من بعض الاصدقاء ،،

وراح ابين لك طريقة انا ماشي عليها وساعدتني كثير في تحسين مستواي في اللغة الانجليزية ،،

احتفظي بــ نوتة وكل مادة تخلصيها بنجاح ان شاء الله من مواد التخصص تسجلين فيها الاشياء اللي تحسين انها راح تفيدك في لغتك مثل مصطلحات مهمة او مقارنات او معلومات مفيدة ،، ونوتة ثانية للكلمات .. وتحتفظين فيهم للابد بحيث يكونون مرجع دائم لك لحد ماتشوفين ان المعلومات رسخت وثبتت ،، وشي مهم ثاني انك تستمعين للمحاضرات حتى لو كنتي ماتفهمين شي ابدا منها فمجرد سماعك يعود اذنك على تقبل الكلمات وهذا يساعدك كثير في الحفظ وحتى النطق الصحيح .

اتمنى ان شاء الله اكون افدتك ولاتقدمين على اي شي الا بعد صلاة الاستخارة ثم اعتمدي على نفسك وثقي فيها واجتهدي اكثر وراح تلاحظين التغير الى الأحسن ان شاء الله .

بالتوفيق ان شاء الله .

رد: لك دعوه في ظهر الغيب

بآلتووووفيق :rose:

رد: لك دعوه في ظهر الغيب

ادخلي معهد ع شان ترفعين مستوى اللغه لان الجامعه ما ترفع تساعد
وخلي مذاكرتك يوميه وتسهل الامور
اهم شي ارفعي مستواك قبل الدراسه الجامعه ما راح تساعدك
انا كنت بقسم الانجليزي المواد سهله بس الدكاترة لك عليهم

رد: لك دعوه في ظهر الغيب

ف البداية ، ضروري يكون عندك الرغبة في دراسة التخصص ( أياً كان ) ، كما ذكر الأخ ( سمو الاحساس ) ..

وخاصة ( تخصص الانجليزي ) لماذا ؟
لأنو مقرر ( الانجليزي ) في المراحل التعليمية الاولى ( ابتدائي - متوسط - ثانوي ) للأسف التدريس ( ضعيف ) ف بالتالي .. من الطبيعي راح تواجهين صعوبة في دراسته كـ ( تخصص جامعي ) لكن اذا أنتي حابة اللغة وحابة تدرسينها وتكون لك ( شهادة دراسية + مخزون معرفي ) صدقيني راح تذلل لك كثير من المصاعب ..

وانا على فكرة كنت مرتب رغباتي في جامعة الملك فيصل أولاً ( ادارة اعمال ) ثانيا ( انجليزي ) .. كنت حاب اللغة لكن بحكم عملي تحتم علي اختيار ادارة الاعمال أولاً ..

مجمل الحديث : عندك ( ميول لـ اللغة الانجليزية × رغبة في الدراسة ) توكلي على الله وقدمي .. وقبل التقديم شيكي على القسم الخاص باللغة الانجليزية في المنتدى عشان يكون عندك فكرة مبدئية .. ولاتخافين من الطلاسم اللي ممكن تواجهك لأنو شيء طبيعي ( مادرستيه ) ..

موفقة ..*

رد: لك دعوه في ظهر الغيب

ادخلي على الخطة

رد: لك دعوه في ظهر الغيب

الاخ سمو الأحساس ماقصر والله يسهل امورك وتاخذين الشهـادة :106:

رد: لك دعوه في ظهر الغيب

لاهنتوا ع الردود الله يوفقكم ويسهل اموركم