أستفسار حول Apple Mac Pro
 

مساء الجميع بالخير والصحه

اليوم نويت أشتري جهاز خلاص ولقيت عرض على جهاز Apple Mac Pro

فقلت أسأل أخي أبو محمد ربي يجزاه خير .. وعلى طول رسلت له رساله :biggrin:

طبعاً أنا نسخت لكم الرساله كلها زي ما هي :wink:

فأتمنى منكم اللي عنده اي اضافه اي نصيحه في اي شي حتى ولو شي بسيط أنه يشاركني فيها

مع كل الشكر والتقدير للجميع :106:







المشاركة الأصلية كتبت بواسطة HDHIRLOGIA
مساك الله بالخير أبو محمد



أخبارك عساك بخير إن شاء الله


بس حبيت أستشيرك وأعذرني الله يعافيك على الازعاج


انا لقيت جهاز أبل وهذي مواصفاته



لمعالج: Intel Core i5
سرعة المعالجة: 2.4 جيجا هيرتز
أربعة طرق للمعالجة
مزود بتقنية Turbo Boost التي تعمل على زيادة سرعة المعالج
ذاكرة الرام: 4 جيجا بايت
الشاشة: 13.3 إنش
الذاكرة الداخلية: 500 جيجا بايت
معالج الرسومات: Intel HD Graphics 3000
مزود بمنفذ لربط الأجهزة المختلفة و مدخلين لل يو اس بي من الإصدار الثاني
مزود بكاميرا أمامية و سماعة داخلية
التواصل: واي فاي, 802.11a/b/g/n
نظام التشغيل: OS X Lion preinstalled
مرفق بأقراص مدمجة خاصه بالمنتج
بطارية من الليثيوم
شاحن بقدرة 60 واط, و سلك للتوصيل الكهربائي
مرفق بقطعة قماشية للتنظيف
مرفق بدليل المستخدم


هذي مواصفاته من نفس الموقع "MARKAVIP"

سعره 4426 ريال

والتوصيل 19 ريال الى البيت



دفعت المبلغ او بالاصح حجزو المبلغ حتى يتم التأكد من الشراء راح يتصلون علي ان شاء الله خلال يومين



انا آسف اذا اشغلتك بس حبيت آخذ رأيك لأني بختصار ما أفهم في الاجهزه ولكن انا من النوع اللي يمسك الشي حتى يخلص لدرجة جهازي توشيبا وله 7 سنوات معاي يعني حللت ام امه
وكثير نصحوني به لأني ماني حق تغيير

رحم الله والديك يالغالي






ويمسيك بكل خير ..

هلابك ..

أول حاجه انا ما اثق بالمواقع الي تبيع عن طريق النت ..
طبعاً اقصد فيه الالكترونيآت مثل اجهزة الكمبيوتر لانه النصب فيهآ ولا اسهل منه ..

طيب نرجع للمواصفات ..

على طول دآمه أبل أعرف ان عينك طاحت على شي ممتاز ممتاز ..

المواصفات حلوة حيل .. ولو كانت بالسعودية أتوقع يوصل سعره الى فوق الخمس الآف بالراحه ..

يعيب هذا الجهاز الي انت اخترته ثلاث اشياء ..

الاول المعالج i5

انا جهازي رآح يكمل سنه وهو من نوع i7

لكن مو معنآهآ ان i5 سئ .. لا ممتاز جداً .. لكن انا ابي ابين لك انه فيه أفضل منه ..

الشاشه انا اشوف انهآ صغيرة .. ع الاقل دآمك تبي صغيرة قرب من الـ 14 .. هالشاشه الي اخترتهآ رآح تتعبك مع الاستخدام ..


الي يو اس بي انا الجيل الثالث .. وبالمثل رآح يكمل معي سنه مثل ما قلت لك أول ..

الجهاز بشكل عآم ممتاز جداً ويعتبر من أحد المواصفات ..
انا ملاحظآتي ابي ابين لك انه في أحسن منه ..

حرآم تشري جهاز وبعد شهر او شهرين ينزل شي جديد ويصير جهازك من المواصفات الي في يسبقهآ جيلين ..

وع البركة مقدماً ..

ونزل سؤالك بالقسم التقني مع جوآبي لو تحب .. انا ودي الكل يستفيد .. ومنهآ تشوف آرآء جديدة غير رآيي ..

القرار لك



في الاخير أحب أشكر أبو محمد على رده السريع والنصيحه وأهتمامه أنو الجميع يستفيد


:106:

رد: أستفسار حول Apple Mac Pro
 

بخصوص النقاط الثلاث اللي ذكرتها

المعالج لما قريت وسألت قالو i7 لتصميم ثلاثي الابعاد اما تصميم الصور والاشياء البيسطه فهذا مناسب

اما بالنسبه لشاشه هي اكثر شي مخليني متردد بصراحه مع ان النظر سليم الحمد لله :cool:

و المشكله اني متعود على 15,6 انش من سبع سنوات بس المشكله ان فرق السعر هو اللي مخليني ابطل

اما بالنسبه لـ يو أس بي ما ادري وش فايدة انه يكون جيل اول او ثاني او ثالث واول واحد يتكلم فيها بصراحه وهذا دليل انك فاهم ياليت لو تقدر تشرحلي بختصار


الجميل في الموقع ان التخفيض يكون ممتاز مع الضمان انه اصلي وهم يقولون والله يستر من وكالة يقولون :biggrin:


الفرق بين سعره في الموقع واللي موجود في المواقع الثانيه واللي موجود في اسواقنا يتعدى 1000 ريال وهذا خلاني افكر فيه بجديه

رد: أستفسار حول Apple Mac Pro
 

مساء النور ..

الله يسعدك .. أكيد في من هم أخبر وأفهم مني علشان كذا انا طلبت منك تنزل موضوع ..

المعالج انا قلت لك ممتاز وحلو وهو الي دارج الحين بإغلب الاجهزة ..

بس حبيت ابين لك :oao:

الشاشه انت تستخدم 15.6 وتبي تستخدم هالمقاس الجديد :Looking_anim:
والله رآح تكره ..

ترى صغير حيل .. رح لجرير او العبيكآن وشف هالمقاس بعينك :(204):
بالنسبة لليو اس بي الجيل الثالث تعطيك سرعات نقل قصوى توصل 5 جيجابت/ث ..
أو ما يعادل عشرة أضعاف السرعة الي موجوده بالجيل الثاني ..يعني نقل أسرع للملفات الكبيرة مثل الافلام الي جودتهآ عالية HD والنسخات الاحطياطية للأجهزة و الملفات و و و و و ... الخ ..

..

رد: أستفسار حول Apple Mac Pro
 

رد: أستفسار حول Apple Mac Pro
 

ألف شكر لك عبداللطيف


الجهاز خلاص أشتريته أبشرك مع العلم اني وجدت في موقع آخر نفس الجهاز بسعر أرخص بكثير :icon9:

الحمد لله على كل حال

وألف شكر لكم جميع :106::106: