لو حملت مقرر واحد وش يصير بمعدلي؟ اذا نجحت فيه الترم اللي بعده؟
 

السلام عليكم

اول شي لو انا مثلا حملت مقرر هذا الترم

ودرسته الترم الجاي ونجحت فيه

هل معدلي بيكون مثل اللي نجح بالترم اللي قبل ونجح بالترم الجاي؟ ولا بيكون اقل لاني حملته ودرسته مره ثانيه ونجحت فيه؟

يعني هل ترجع الامور لطبيعتها بعد ما انجح فيها ولا لا؟
:mad:

ياليت تجاوبوني بالتفصيل الممل.....

رد: لو حملت مقرر واحد وش يصير بمعدلي؟ اذا نجحت فيه الترم اللي بعده؟
 

وعليكم السلام ورحمة الله وبركاته.

شوف يا أخي اللي أعرفه أن لما يحمل أحد مادة وتنزله درجة f ينزل المعدل طبعًا.
وإذا درسته ونجحت فيه يرتفع المعدل إن شاء الله.

لكن مسألة هل يرجع المعدل كما كان أو هل ممكن يكون مثل اللي نجح فيه من المرة الأولى؟
هذا أمر نسبي, يعني ممكن تجتهد و تجيب درجات عالية ويرتفع معدلك ترم بعد آخر لين مايوصل لمعدلك القديم أو حتى أعلى. ويمكن الشخص اللي نجح في المقرر المرة الأولى معدله ما يكون عالي في المواد الأخرى, وممكن يكون حامل مقررات في فصول سابقة وهكذا.
يعني المادة لما يحملها الشخص ويدرسها مرة أخرى يدرسها كمقرر جديد ماله علاقة بالمقرر السابق. لكن المعدل ممكن يرتفع إذا اجتهد الشخص وحصل على درجات عالية. وبالتوفيق.

رد: لو حملت مقرر واحد وش يصير بمعدلي؟ اذا نجحت فيه الترم اللي بعده؟
 

مافهمت وش انا اقصد انا اهم شي علي معدلي التراكمي اما الفصلي مافكرت فيه اعرف انه بينزل اول شيء.....

يعني هل لو انا رسبت بالمقرر وجبت فيه f وحملتها الترم الجاي وجبت مثلا معدل a بنفس المقرر اللي رسبت فيه

هل بيكون معدلي التراكمي بعد الترم الثاني... زي اللي درس الترم الاول ونجح بهذا المقرر بمعدل a ونجح بالترم الثاني

ولا بيكون معدلي التراكمي نازل لاني اول مره رسبت بالمقرر وحملتها الترم اللي بعده ونجحت بمعدل a


افيدوني يا اخوان كل الشباب اللي سئلتهم يقلون المعدل التراكمي ينزل بس مو متاكدين ....
بس شلون بينزل اذا كان بينزل لازم يحسب بالمعدل التراكمي جميع الساعات اللي درستها اللي نجحت فيها واللي حملتها
اما اذا كان المعدل التراكمي يحسب فيه فقط الساعات اللي نجحت فيها يعني ما راح تفرق انجح هذا المقرر او احملها معي الترم الجاي كله نفس الشيء

رد: لو حملت مقرر واحد وش يصير بمعدلي؟ اذا نجحت فيه الترم اللي بعده؟
 

أخوي أنا أقصد بعد المعدل التراكمي, أعرف أن الفصلي ما يُعتد به.

يعني أنت تقصد أنه إذا حملت مادة في ترم والترم اللي بعد نجحت فيها هل يرجع معدلي كما كان قبل لا أحمل المقرر ويأثر على معدلي بما أني نجحت في المادة, يعني بما أني نجحت في المادة المرة الثانية وجبت فيها درجة ممتازة هل يعتبر كأني ما حملتها من قبل ويرجع معدلي كما كان لأني جبت فيها درجة جيدة؟

إذا كان هذا ماتقصده, فالجواب لا, يعني ماله علاقة نجاحك بالمقرر مرة ثانية بعودة معدلك كما كان بمجرد أنك نجحت في المادة.

ومسألة أن المعدل (التراكمي) يتأثر بدرجة f طبيعي يتأثر المعدل وينزل, وإذا كان f ما تأثر على المعدل فمن باب أولى أن الدرجات الأعلى c, b ما يتأثر منها المعدل. طبعًا أقصد المعدل التراكمي. والمعدل ممكن يرتفع ويعود كما كان وأكثر إذا حصل الطالب على درجات عالية.