|
جااا وقت الفضفضه ياجامعة فيصل >>امحق من جامعه
السلام عليكم
صبحكم بالخير وشحالكم جا وقت الفضفضه اول شي انا كملت دراستي بعد معاناه وهي ظروف صحيه منعتني من اكمال دراستي والحمد لله تجاوزتها >> الزبده بخصوص الجامعه الحين ندفع فلوس ندرس ونتعب انفسنا في محاضرات وملخصات وكل ملخص بمبلغ وقدره 150 فوق هذا بلعناها الحيييييين السؤال ليييييه مايسهلون لنا الدراسه يعني ندرس مواد قد درسناها ابي افهم ليه ليه ماندرس التخصص الي اخترناه ولا حب في الفلوس ثانيا الدكاتره كل واحد منزل له ملخص وماندري وش الي معنا ومدري وش المحذوف كل يوم ينزلون ملخص مادرينا وش ناخذ ولمن يجي الاختبار نكتشف بعض الدروس محذوفه او تغير المنهج او بعض الاسئله حلها خطا ياناس بالعقل هذي تسمونها جامعه وفوق هذا كل شي معنا ماندري وشندرس وش نخلي يعني من جلده للجلده كانها اختبارات رئاسه وربي شي يرفع الضغط مفروض كل دكتور يخصص ملخص واحد ويكون معتمد عليه مو كلا جايب له ملخص وقال هذا هو وليه مايحددون لنا الدروس ويحذفون لنا بعض الدروس ندرس بفلوسنا وناخذ ملخصات ونحفظ الملخص كامل شلون تجي هذي الجامعات غير الي عن بعد مايسوون عندهم حذف ومراجعات وماشا الله عليهم عكسناياللي دارسين بفلوسنا صرااااااحه شي يقهر وتجي الاختبارات وماندري وش نسوي ولا يجي الجدول زفت مادتين في يوم ياهووه حنا بشر مو كمبيوتر اتمنى يشوفون لنا حل انا من الان اذا استمر الوضع كذا انسسسسحب واوفر على نفسي ولا انسى سمعت اللي يرسب في ماده يدفع فلوس عشان يعيدها بالله عليكم مو ظلم واحتيال يعني يسوون كذا ويبونا ننجح وان مانجحنا ندفع عشان نعيد الاختبار ياناس شلووون ننجح وااااااااضحه مايبي لها قسسسسسسم ماعاد اتحمل الوضع وصبرت بس الحين نفذ صبري وبطلع مافي قلبي واللي يصير يصير >>احرقت قلبها الجامعه حسبي الله عليهم >>اتمنى اللي معارضني لا يرد لان الساكت عن الحق شيطان اخرس |
رد: جااا وقت الفضفضه ياجامعة فيصل >>امحق من جامعه
:000:
|
رد: جااا وقت الفضفضه ياجامعة فيصل >>امحق من جامعه
خلينا نكون واقعيين الدراسه ماهي بذيك الصعوبه والاسئله بالامتحانات اغلبها مكرر والدكاتره في قمه
التعاون وكذلك الطلبه وربي حتى اسهل من دراسة الانتظام من وجهة نظري ع الاقل! وبالاخير اقول (نعيب زماننا والعيب فينا) |
رد: جااا وقت الفضفضه ياجامعة فيصل >>امحق من جامعه
اهلين قمة الانوثه
وصبحك الله بالخير والسرور حقيقة بالنسبه لكلامك منطقي وصريح ولاكن اختلف معك في بعض الاامور انا اتفق معك النهج الللي ينتهجة اعضاء هيئة التدريس بالنسبه للملخصات لانه حقيقه مافي منهج معين ومعتمد لكل ماده بحيث يستطيع الطالب انهة يذاكر وهو مرتاح ومطمئن .صحيح انه هناك محاضرات وملخصات موجوده في الموقع لاكن كثيفه وعامه بشكل كبير وانا من الناس اللي طبعت الملخصات الموجوده في الموقع وتقريبا كل ماده تتعدى صفحات المنهج فيها 180 صفحه وبعد مادخلت المنتدى لقيت انه هناك ملخصات منسقه ومرتبه من اشخاص من غير اعضاء هيئة التدريس وحقيقه جزاهم الله خير افادونا بشكل كبير لاكن حبيت اوضح لكم التخبط اللي معيشينا فيها اعضاء هيئة التدريس وعلى كذا الترم الجاي انا ماراح ادخل الموقع الا اذا بقيت احمل وقبل الاختبارات راح اتجه الى السوق السوداء للكتب واشتري الملخصات واذاكرها واتفق معك ايضا بالنسبه للجدول صراحه اتوقع اللي حاطه كاان يعد للعشره ويرتب المواد ويعني لو تركزون اكثر فيه ماده موضوعه لوحدها مع انها وحداتها الدراسيه ساعه واحده فقط ومجموعها لايؤثر بالمعدل بشكل كبير بينما المواد الموضوعه في نفس اليوم يؤثر بشكل كبير. وأختلف معك بالنسبه لصعوبة الاسئله...حقيقه الاسئله جدا سهله وصراحه في بعض الاسئله لو اني مدرس في الابتدائي اخجل اني اضعها للطلاب يعني اللي نبيه الاهتمام والترتيب والواقعيه والدقه في المناهج وطريقة الدراسه والاختبارات وشكرا لك على الموضوع المهم جدا لكل طالب منتسب في الجامعه |
رد: جااا وقت الفضفضه ياجامعة فيصل >>امحق من جامعه
انا مستغربة
يعني نعاير اننا ندرس بفلوس النبي محمد اطهر الخلق يقول ( اطلبوا العلم ولو في الصين) واحنا نطلبه من بيوت اهالينا ,,, اتمنى يوضح عندك الفرق ما انكر فيه اشياء سلبية بالجامعة و هي ليست جنة الله في الارض!!! انتي وانا و كلنا لنا ايجابيات و سلبيات كاشخاص اي مدرسة اي بيت اي نظام اي علاقة اي شركة له ايجابيات و سلبيات هم كلهم 14 محاضرة اذا حذفوا لنا على قولتك ماراح نرضى بحذف اقل من محاضرتين يعني النهاية 12 محاضرة و غيري و غيرك بيقو ليه الثنتين زيادة احذفو لنا 4 عشان يصيرون عشر محاضرات المستويات الجاية بيقولون ياقدمكم شنو عشر محاضرات حنا نبي 8 بفلوسنا و كيفنا!!!! حبيبتي هذا مو منطق ولا حكمة انا جربت دراسة الانتظام يا انها بالويل يكفيك الاستاذة والا الدكتورة تفتش الواجب عليك كان قسمي رياضيات <<< وربي تجي محاضرة التمارين ساعتين بس تحسيها كانها اربع و تعيشين في خوف و رعب و تنقيص درجات و اللي ما تحل عليها العقاب و و و و دراسة بفلوس يعني يفترض اننا نحس بالفلوس الي دفعناها ., و نجتهد اكثر مو نجي و نقول بفلوسنا يلاا نجحونا والا احذفوا هذا و حطوا هذا اعطينا سلبيات غير كذا ,, مثلا عندك : بعدنا عن الجامعة كتواصل تقريبا شبه معدوم عندك تاخر النتائج الى اسبوعين و ثلاثة , عندك دفع مبلغ المادة المحمولة مفروض ندفع فلوسها المرة الاولى لا قدر الله احد سقط يعطونا اياها مرة ثانيةمجان لاقدر الله سقط مرة ثانية يدفعونه مثلا البلاك بورد مع اعطاله الكثيرة لو يرتبون قاعدة بيانات حلوة تستوعب الكم الهائل من الطلاب و الطالبات يعني فيه اشياء تقدرين تتكلمين فيه و تطورين من مستوى المكان اللي تنتسبين له :icon120: ادري ماتبين احد يعارضك بس كلامك غير منطقي بالتوفيق :rose: |
رد: جااا وقت الفضفضه ياجامعة فيصل >>امحق من جامعه
وعليكم السلآم ورحمة الله وبركآتة وصبآحك ورد وجمل الله حآلك آختي قمة الانوثة من بآب الساكت عن الحق شيطآن اخرس راح ارد عليك واتمني اتحلين بالصبر وطولت البال الترم الي راح كنت قسم ادارة اعمال ولله الحمد نجحت وعديت الترم وبعدهآ حولت الي كلية الاداب قسم الانجليزي لاني احب اللغة ولغتي قوية وبعد ما حولت رجعوني مستوي اول وكلمتهم عن مبادئ الادارة وقلت درستها وعديتها رفضو وقالو لا تدرسهآ مره ثانية وادري انة ظلم ولكن مستحيل اضرب راسي بجبل واعاندهم ومن الحكمة تمشي مع التيار مو ضدة وادري شنو الي بخاطرك ونفسك ولكن الصبر مفتاح الفرج وانا اخوك ثانيا انا درست بره السعودية وفي ارقي الجامعات تدرين شنو كان يسوي الدكتور فينا اخر السمستر ؟؟ يعطينا عناوين مراجع وكتب تقريبا 12 كتاب ويقول هذا هو الاختبار وحنا بدورنا نروح للمكاتب ونحوس ونذاكر وهذا نظام الجامعات كلها بالعالم مستحيل يحددلك الكتاب او المرجع هو وبكيفة وله الحق ما يقولكم شي بس يقولكم عناوين كم كتاب وانتم واجتهادكم يقدر يقولكم 15 كتاب ويقولكم شدو حيلكم وانتهي ولا احد يقدر يطالبة بشي وحتي الجامعة ما تقدر تلزمة بمنهج معين وبنفس الوقت اذا عطانا ملزمة او حذف شي هذا من طيبة لا اكثر ولا اقل بالاخير صدقيني اذا طلعتي من الجامعة محد راح يتضرر ابد الا انتي ولو صبرتي وتحملتي الله بيوفقك ولكل مجتهد نصيب وثقي ثقة ان شاء الله انتي من الناجحين اتمنآلك التوفيق آختي ~ |
رد: جااا وقت الفضفضه ياجامعة فيصل >>امحق من جامعه
مدري والله ارد والا اسكت
لكن بنفس مفهومك الساكت عن الحق شيطان اخرس راح اكون شيطان لو مارديت على هالكلام الغير منطقي اختي اسلوب المن هذا غير محبب ابداَ حتى لو بذلت ولم تكن تنتظر شيء فما بالك انك تقدم هالمال من اجل تحسين مستواك العلمي والثقافي والاجتماعي اولا الدكاترة منزلين محتوى واحد لاغير وكثيرة لانها شرايح بوربونت يعني كل صفحه كم سطر انا جربت طبعتها وهي فعلا كثيرة كعدد وليس ككم الموجودة بكثرة هاذي اجتهادات طلاب نزلوها على برنامج وورد اتقلصت لين صارت حولي 60 صفحه فين الكثرة اللي تقولي عليها وبعضها مختلف او محذوف لان الطلاب مو كلهم من كليه وقسم واحد يعني فيه طلاب من قسم ادارة الاعمال منزلين ملازم وعندهم بعض دروس زيادة علينا مثلا في مادة الادارة اما المحاضرات فهى 14 محاضرة موزعه على اسابيع الفصل الدراسي كل دكتور مطالب اكاديمياً انه ينزل كل اسبوع محاضرة اما حكاية دفع الفلوس مرة ثانيه للطالب الراسب انا عكسك اشوف هذا تحفيز للطلاب عشان يجتهدون وما يرسبون اختي هدي نفسك ولا تزعلين اننا خالفنك الرأي لكن ان اردت ان تطاع فأمر بما يستطاع |
رد: جااا وقت الفضفضه ياجامعة فيصل >>امحق من جامعه
:hhheeeart4:
|
رد: جااا وقت الفضفضه ياجامعة فيصل >>امحق من جامعه
:24_asmilies-com:
|
رد: جااا وقت الفضفضه ياجامعة فيصل >>امحق من جامعه
اهلين خيتوو
بصراحه انا مع اللي ردواا كلهم منطقين ويشوفون الوضع من كل الزوايا :(107): والله ترى جامعتنا مدلعتنااا* :biggrin: بقولك شي* انا لي صديقه تدرس عن بعد في جامعة عبدالعزيز بجده* تدرين انها تقولي الدكتور يطالبهم بالأختبار بملزمه وكتاب* اهي تروح المكتبه وتشتريه وتذاكر منه* احنا محتوى باوربوينت لكل ماده ماتزيد عن ٣٠ سلااايد :53: غير الملخصات* اللي يسوونها هنا جزاهم الله خير ماقصروا معانا نقدر وقتها نستغني عن المحتوى والله قلت لصاحبتي احنا دكتور مبادىء الأدارة قال تشترون كتاب وقومنا* القيامه عليه هههههه ولا احد اتوقع شرا الكتاب والحمدالله مشت امورنا فما بالك انك تدرسين عن بعد وعندك ملازم وكتب تلحقين على ايش والا ايش والله قمة الراحه بجامعتنا بجد ننحسد عليها* لكن في سلبيااات من ناحية الضغط على النظام يبيلهم قاعدة بيانات اكبرر وتستوعب اكثرر لكن وربك املي كبيرر بهالجامعه وراح تتغير للأفضل بأذن الله* وبس* :biggrin: |
| All times are GMT +3. الوقت الآن حسب توقيت السعودية: 03:57 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه