السلام عليكم ورحمة الله وبركاته
طبعا البعض ربما لن يصدق ما اخبركم به
وكنت ارغب امس ان اكتب موضوعي بس قلت خله لغد
اعزائي :اليكم قصتي امس والله كنت واعد ولدي الاكبر نواف
اذا نجح بتفوق اشتريله العاب واوديه ملاهي ....
المهم الولد ربي وفقه ونجح بتفوق وانا يا الاب كنت متوقع اختبار الانجليزي اليوم الاربعاء ومريح بالي وجيت امس من العمل مريت مدرسة الولد وقت صلاة الظهر اخذت النتيجةوطلعت ودخلت البيت بعد الصلاة وفرحان وقلت للاهل اليوم طلعة ... بسرعة البرق كانو جاهزين ما صدقوا طلبت غداء جلست للعصر وقرر الولد يروح فنيسيا لانه يحب الالعاب اللي فيها قلت يمكن مسكرين ما يفتحوا اصرف .ايش رايكم انت واخوك واختك اول اوديكم تركبو خيول وبعدين نرجع قالوا موافقين طلعنا العزيزية وقرب المغرب احد الاخوان اللي يطلعوا معي للاختبار متصل يقول يا أخي وينك بتأخرنا ؟؟؟
تفاجأت وقلت عن ايش تتكلم قال الاختبار ؟؟؟؟ اي اختبار افتكره يمزح الين حلف بالله ..الوان الطيف كلها في وجهي لمعت مع بروق ما نقص سوى الرعد.. قلت الحين اجيك لانه بدون سيارة ولازم اختبر لاني بإذن الله متوقع النجاح ...المهم ركب الاولاد ورجعت يمكن خمس دقائق جو السيارة متوتر اناظر الولد الكبير يبكي .قلت خلاص حبيبي :
بكرة ان شاء الله .قال بابا خربتها ::::؟؟؟؟
والله حزنت عليه وديتهم البيت ومريت صديقي ولاكن كلمة الولد براسي تلعب قلت بنفسي والله مثل ما خربتها على الولد ان اخربها على نفسي وقرر القرار التالي
دخلت الاختبار ملأت ورقة النموذج واستلمت ورقة الاسئلة كتبت الرقم الجامعي والتوقيع على الورقة الخارجية دون فتح الاسئلة وحليت جميع الاجوبة عشوائي دون النظر الى الاسئلة خلال تسع دقائق خلصت وانتظرت نصف الوقت وطلعت اقول الحمد لله الذي لايحمد على مكروه سواه هذه قصة اخوكم دايم امس والله اني راضي ولا افكر لاني قلت ربما خيرة اسف للاطالة وحبيت انقل لكم القصة وفقنا الله جميع .

الله يعوضك خيررر

بس انت مخطي جدا جدا

دامك مخلص في تسع دقائق وحاشرينك ماتطلع الا بعد نصف الوقت
يعني باقي لك 51 دقيقه امديك تقرا وتجاوب على الاقل ثلاثة ارباع الاسئله

او اسئلة الكلمات بدون القطع

يعني يعني لو حملت الماده لا قدر الله انت المخطي على نفسك

الولد ماله دخل ابد ابد


تحليل مبدئي لشخصيتك انك عاطفي 100%

المشاركة الأصلية كتبت بواسطة ابو غيداء (المشاركة 6633967) الله يعوضك خيررر بس انت مخطي جدا جدا دامك مخلص في تسع دقائق وحاشرينك ماتطلع الا بعد نصف الوقت يعني باقي لك 51 دقيقه امديك تقرا وتجاوب على الاقل ثلاثة ارباع الاسئله او اسئلة الكلمات بدون القطع يعني يعني لو حملت الماده لا قدر الله انت المخطي على نفسك الولد ماله دخل ابد ابد تحليل مبدئي لشخصيتك انك عاطفي 100%

المشاركة الأصلية كتبت بواسطة المتلالئه (المشاركة 6633991) عليكم السلام ورحمه الله وبركاته الله يوفقك ياخوي وتنجح ي رب طيب كيف كان الاختباار

المشاركة الأصلية كتبت بواسطة nolla (المشاركة 6634016) الله يعطيك ع قد نيتك ويبلغك بنواف واخوانه وينجحك قول امين