ملتقى طلاب وطالبات جامعة الملك فيصل,جامعة الدمام - ابغى نقل لجامعة الملك فيصل .. مين يساعدني بلييييز

كيفكوووون يا حلوين

السالفه وما فيها .. إني معيده بجامعة الملك عبدالعزيز بجده ..في مركز اللغة الإنجليزية .. تخصصي لغة إنجليزية وآدابها..

بعد السنة الأولى من تعييني زوجي نقلوه للشرقيه .. وبعد ما استنفذنا كل الحلول .. قلت خليني اجرب اطلب نقل لجامعة الملك فيصل..

رحت عندنا في جده سألت شؤون الموظفين .. قالو احنا ما عندنا مشاكل (بالعكس نفرح) اذا تبغى تنقلي!! بس جيبي لنا موافقة من الجامعة اللي تبغيها وابشري..

قلت طيب..

جيت سألت في كلية البنات في الدمام قالولي لازم موافقة من جامعتك الاول..!!

وبعدين معاكم .. :Cry111:

قلت طيب اقدم على وظيفة جديدة كمعيد في الشرقيه .. قالو لأ لازم تنقلي لانك لسه موظفة حكومية..

قمت كتبت خطاب نقل .. بس ما عرفت أوجهه لمين؟؟

يعني ابقدم على كلية الاداب ولا مركز اللغة.؟؟ ولا اروح للعميده ولا ايش؟

وهل تتوقعو لو قدمت ملفي راح يرحمو حالي وينقلوني ولا كالعاده يترمي في الدرج ويطويه النسيان :s11:

الله يسعدكم ويدخلكم الجنة بغير حساب .. أنا ليا سنه تقريبا محجوز لي مقعد كل ويك اند في الطياره هجوله الدمام جده .. جده الدمام.. وزوجي مافي أمل يرجع جده ..

إذا أحد يقدر يساعدني ويقوللي ايش الاوراق المطلوبة .. واقدمها لمين..

وإذا جيت الجامعة ابدخل هل حيسوو معايا تحقيق عند البوابة زي عندنا في جدة وما يرضو يدخلوني إلا إذا جات موظفة من جوه ودخلتني على كفالتها !!؟

ودي اقول احد عندو واسطه ... بس أحس راح امصخها شويه هههه :cheese:

بلللييييييييز ردو عليا ترا ما اعرف احد هنا وضايعه تماما بتاتا البته :Cry111:

والمشرفين سامحوني ازا كان مكان موضوعي غلط ما عرفت فين أروح بالزبط..

وبالتوفيق للجميع...