بسم الله الرحمن الرحيم

السلام عليكم ورحمة الله وبركاته

قبل لا اتكلم عن موضوع اختبار الرياضيات واللي حصل فيه

عندي طلبين من الادارة ياليت نجربه من السمستر القادم ..

1 - ياليت الادارة ترحمنا من سالفة كتابة موضوع 1 خلال 24 ساعه .. ادري ان السالفة تنظيم وترتيب للمنتدى .. بس اتوقع المشكله هذي كنا نعاني منها في المستوى الأول بحكم اننا مستجدين بس الحين كلن عارف شغله .. واذا معزمين تستمرون ع الوضع هذا خلو الموضوع الثاني بعد ساعه والموضوع الثالث بعد ثلاث ساعات .. او خلو بين كل موضوع وموضوع ساعتين .. يعني في مجال الواحد يفكر بموضوعه الثاني ويبحث قبل يسأل اتوقع بيكون افضل لنا ويكون فيه اريحية في التعامل بدون قيود .
2- الموضوع الثاني : ليه مايتم تقسيم المنتدى على حسب المواد .. اذكر المنتدى التابع للجامعة العربية المفتوحة كان كذا وكان جدا سلسل وسهل البحث فيه والمعلومات بسرعه نجدها .. يعني مثلا الحين صار اعادة لمادة الانجليزي والمحاسبة .. يوووووه كم صفحه يبيلنا عشان نرجع نطلع المواضيع المختصة بالمحاسبة والانجلش .. حتى الطلاب اللي بيصعدون من مستوى 1 الى مستوى 2 بيكون سهل عليهم البحث .. ياليت تفكرون في الاقتراح هذا ونشوفه السنة القادمة .


نجي لموضوعي المهم .. مادة الرياضيات .

( تعديل الموضوع لان اغلب الاخوان اللي ردو يتوقعون اني امدح في شرح الدكتور .. الدكتور سيء من ناحية الشرح وانا لم اعتمد على شرحه ولا 1% اطلاقا )

طبعا قبل لا اتكلم عن المادة والمدرس .. وعشان ماحد يقول انت يمكن قدمت زين في الاختبار .. انا ماحضرت الاختبار من اساسه .. كنت افكره الفترة الثانية .. بس قدر الله وماشاء فعل ..
بس يا اخوان والله اتكلم عن نفسي انا قبل اتكلم عنكم .. بنحصل نفس مشكلة الدكتور الطيب كثير .. لاتتوقعون ان الطريق بيكون مفروش لنا بالورد وان كل الدكاترة والجامعه جايين عشان يعطونا الدرجات والاسئلة وينجحونا وبعد 4 سنوات بنخلص واحنا نايمين ..
في دكاترة بتقدر وفي كثير مابيقدرون ... بيقول زي ما هي وظيفتي شرح المنهج الطالب وظيفته المذاكرة وحل الاختبار .. واتحدى اي دكتور يقول اني ماشرحت زين .. كل واحد فيهم قاعد يعطي افضل ماعنده وفي قرارة نفسه يشوف انه اعطى الماده حقها وزياده ...

فالاخوان اللي يقولون اننا مشغولين وورانا عيال واعمال .. والله كلنا نعاني من الشي هذا .. وكلنا ورانا هموم ومشاكل .. بس لازم اننا نضغط على نفسنا ... وبعطيكم مثال بسيط وعن مادة الرياضيات ..

الحين الاسئلة موجوده عند الكل والاخوان ماقصروا صوروها ورفعوها لنا ... ابيك تمسك الملزمة او الكتاب او المحاضرات .. وتحل الاسئلة .. بتقدر تحلها ولا لا .. اذا قلت اي بقدر احلها فالمشكلة انك ماذاكرت فلا نحمل الدكتور او الجامعه نتيجة اهمالنا .. واذا قلت لا مابقدر احلها .. فالله يعيننا ويعينك يبيلك مدرس بكل مادة لان الاسئلة من المنهج وواضحة ... واقسم بالله العظيم لو اني دخلت الاختبار باسقط وبحمل الماده .. ماقولكم الكلام هذا لاني عرفت احلها او انها سهله بس لازم الواحد يكون صادق مع نفسه .

خلاصة الكلام :
لانحمل احد كان ( دكتور , جامعة ، ظروف ، عمل ) اي نتايج تترتب على عدم مذاكرتنا .. كل شي موجود عندنا ومايبغالنا الا شوية تركيز وشوية مذاكرة ومراجعه وقت الاختبار وباذن الله كل امورنا بتتسهل ..اسئل الله ان يوفقنا ويسهل امورنا واختبارتنا ..

طيب واذا جاك دكتور مايعرف يشرح
وش الحل
انا مااتكلم ان الماده صعبه او لا
بس المشكله ان الدكتور ماقدر يوصل المعلومه
يعني لو دكتور يعرف يشرح زين
هل ممكن اني ادخل الاختبار وانا مو عارفه اجاوب
وانا من وجهة نظري ان مادة الرياضيات هالسمستر هذا كانت اسهل واخف دسومة
من السمستر اللي فات
بس وين اللي يشرح
وتقبلي تحياتي
:004:

المشاركة الأصلية كتبت بواسطة مارياج (المشاركة 6608220) طيب واذا جاك دكتور مايعرف يشرح وش الحل انا مااتكلم ان الماده صعبه او لا بس المشكله ان الدكتور ماقدر يوصل المعلومه يعني لو دكتور يعرف يشرح زين هل ممكن اني ادخل الاختبار وانا مو عارفه اجاوب وانا من وجهة نظري ان مادة الرياضيات هالسمستر هذا كانت اسهل واخف دسومة من السمستر اللي فات بس وين اللي يشرح وتقبلي تحياتي :004:

المشاركة الأصلية كتبت بواسطة طَمُوح (المشاركة 6608113) خلاصة الكلام : لانحمل احد كان ( دكتور , جامعة ، ظروف ، عمل ) اي نتايج تترتب على عدم مذاكرتنا .. كل شي موجود عندنا ومايبغالنا الا شوية تركيز وشوية مذاكرة ومراجعه وقت الاختبار وباذن الله كل امورنا بتتسهل ..اسئل الله ان يوفقنا ويسهل امورنا واختبارتنا ..

وعليكم السلام ورحمة الله وبركاته ،،،

المشاركة الأصلية كتبت بواسطة عبدالعزيز الأول (المشاركة 6608303) سبحان الله كلام متناقض طيب اخوي انا ذاكرت وحملت المحاضرات وشاهدتها وحاولت أقنع نفسي إني افهم للدكتور حتى لو بالكذب لكن الشق أكبر من الرقعه الدكتور كان سيئ في شرحه وبعدين مهوب الكل يقدر يدفع حق معلم خصوصي لازم تراعي ظروف الآخرين يعني انت تبينا نتقبل الغلط ونرضى عنه ونسكت بعد سبحان الله منطق غريب هذا مثل الي يقول بفقع عينك وبجيب لك دكتور اي كلام يعالجك بعد ولا يكون تشتكي لازم ترضى بالي انا سويته ولا تعترض فأنت الغلطان وانت الي ماذاكرت وانت الي تقع عليك كل المسؤولية حنا ماعلينا شي :biggrin: حدث العاقل بما لايعقل فإن صدقك فلا عقل له :119: وانا الحمدالله مابعد أقرر إني أتخلى عن عقلي وأصدق هالكلام الي مايمت للواقع بأي صلة وأنصحك تزور المواضيع هذي وتشارك الناس همها بدل ماتكون معين لاهواء الآخرين تعرفون وش المضحك يا اخوان انه ماحضر الاختبار اصلا يعني ماجاته الصدمة ولا حس بالالم لذلك لن يشعر بما نشعر نحن فيه