ملتقى طلاب وطالبات جامعة الملك فيصل,جامعة الدمام - أحفظ / أحفظي القبعات الـ 6 من هنا

القبعة البيضاء : زي النور الأبيض وقوته ( بس مش زينون )
لو عندك كشّاف نور وسلطت الضوء على شي معين وش بتشوف ؟
بتشوف بلاوي ههههههههه
بتشوف الحقائق والأرقام والمعلومات بدون تفسير
لأن النور أبيض قوي خلاها مجردة من العواطف والأراء الخاصة وخلاها تهتم بالارقام والوقائع والاحصاءات الظاهرة بحيادية تامه حتى بالأسئلة تكون محددة واجاباتها محددة يعني مافيه (أبيض يعني أبيض)

القبعة الحمراء : وتعني الوردة الحمراء لما نهديها للي نحب هذا وش يعني ؟ يعني مشاعر أحاسيس وخوف وحب وكره وكلنا نعرف إنها جزء من كيان الإنسان ولا يجوز ولانقدر نتجاهلها ونبعدها والواجب ان احنا نعترف ونخرج مشاعرنا عشان تتضح الرؤيا

القبعة السوداء : من أسمها تحسون فيها حيطة وحذر وخل ريالك الأبيض ليومك الأسود ومالها دخل بالمشاعر ودائما تفكيرها سلبي لأن بوقبعة سودا ياما حاسته الدنيا لدرجة أنه صار يقدر ينتقد الاراء بشكل منطقي ومتشاؤم وكلا يفكر بالفشل اكثر من النجاح ويبي بس يمسك عليك نقطة ضعف وتحسه مغرور ومسوي فيها حكمة ونضج وماتدري وش يبي زي مديرك النحيس وقيس على هذا المثال

القبعة الصفراء : كلنا نعرف الشمس لونها أصفر وكلنا نتفائل بيوم جديد وبشكل ايجابي ومستعدين نجرب أي شي ليه ؟ لأن التفاؤل لعب دور ودائما نركز ع النجاح والفرص المتاحة واستغلالها بالمنطق ونبي ننجز وننتج أكثر من ان احنا نبدع يعني الشعب مفتلّين بالانتاج كل صباح ويقولون نقدر نحطها جنب القبعة السوداء عشان نميز الايجابي من السلبي

القبعة الخضراء : لما نروح حديقة ونشرب ليمون بالنعناع باااارد بجو رطوووبة ونروق تجينا حالة أفكار جديدة ونبدع وتجينا طاقة ماتدري من وين لك بس ماعليه خلها تجي الحين وتجي اقتراحات وبدائل وتطلع من المألوف وتجيك جرأة ومغامرة وتحب كل جديد ويجيك عصف ذهني وتبي تطور الأفكار بشكل مستمر

القبعة الزرقاء : لما تسوي فيها حكمه وتطالع السما وتشوفها زرقاء صافية وتفكر ومن زود التفكير اللي يجيك تفكر بالتفكير نفسه وتلقى ان السما الزرقا موجّه ومرشد لكل القبعات الخمس اللي فاتت وتستدعي القبعة اللي تبي وقت الحاجة وهنا تكون وصلت لمرحلة التنظيم والترتيب والتركيز على محور الموضوع عشان تطلع بأشياء عملية وتقدر تميز كل واحد وقبعته وتقدر توجههم وتقدر تلخص الاراء وتجمعها وتبلورها وتعطي اقتراحات مناسبة

دعواتكم :106: