|
يكلم بنات ...!!!
بسم الله الرحمن الرحيم وصل اللهم وسلم على سيدنا وحبيبنا ونور قلوبنا نبينا محمدا عليه افضل الصلاة واتم التسليم وعلى اله وصحبة الكرام ... اليوم واحنا على الغدا ... حدث امر بصراحة صدمني كثير وبصراحة ما اعرف هل هو سيئ او جيد ...!! يعني الى الان لم استطيع تقييم الموقف جيداً رغم الانتقاد الذي وصلني ...!! وضعت الموضوع امامك من باب الاستفاده منكم كمشورهـ وايضا كموضوع حساس في هذا الوقت وهذا الزمن خاصة .. واحنا على الغدا تحدثت بنتي في موضوع صديقتها .... التي تشتكي من اخوها كثيراً المهم الموضوع عادي جدا بنت تشتكي لصديقتها عن تصرفات اخوها من تدخين وتعاطي تنباك .. وان بنتي نصحتها وقالت لها انصحيه وقالت انها ماتقدر المهم الموضوع عادي جدا وفجئة دخلت البنت في موضوع ( بابا صديقتي تقول كلمي ابوك يكلم اخوي وينصحه لانه يكلم بنات )...!!! بصراحة :eek: انا مدري وش يعني اقول حسيت بالغضب وبعدها قلت ان شاء الله ابشري ... خلصنا من الغدا وصاروا الاهل يقولون لي شفت كيف بنت صارت تتكلم بهالطريقة وبكل وقاحه ..!! قلت ماهي وقاحه هذي تتحدث عن مشكلة ومساعده وبالعكس البنت فاهمه ان اللي يسويه اخو صديقتها تصرف سيئ و واضح ان البنت فاهمه وعاقله ومدركه خطر مايحدث في واقع هذه الحياة .. المهم بعد نقاش طويل ..!! ومحاوله من الاهل اني اروح لبنتي واقول لها عيب الكلام اللي قلتيه في جلست الغداء ولكن بصراحة اشوف ان الامر عادي وبالعكس البنت مدركه لما تقول وتميز وصريحة ...!! انا اشوفه امر عادي بنت وتتحدث مع ابوها وامها بكل اريحيه وبدون قيود وبكل مصداقية ..!! الطرف الاخر يقول هذه وقاحه وقلت ادب ...!! اتمنى من الجميع الادلاء بكل جديه ومصداقية عن رأيه ..!! هل ما قامت به ابنتي امر طبيعي ولا يفرض كل هذا الغضب او وقاحه وقلت ادب ان تتحدث بهكذا طريقة ..!! واتمنى منكم النصيحه و وجهات النظر في هذا الموضوع الخاص ..!! اما العام اكيد اغلب الاخوات هنا لديهن اخوهــ فهل تعرف الاخت فلانه وفلانه ان اخوها يكلم بنات وهل هي ترضى بهذا ..!! او هل حديث الفتاة مع الشاب وخاصة الحديث الساخن او الحديث عن الحب وغيره من اتصالات اخر الليل ومسجات وابي اشوف كذا وكذا عباره عن علاقة مقبوله في زمن يرفض كل شئ ..! او ان الفتاة او الاخت تعلم بأن اخوها مثلا يكلم بنات ..! هل توجد مصداقية بين الاخت واخوها ..!! او نصح الاخت لاخوها عباره عن قلت حيا وادب ..!! وهل حديث الفتاة بهكذا مواضيع لاخوها عباره عن قلت ادب وكما يقال ( وش عرفك عن هالمواضيع ) ...! وهل يجب ان تكون الفتاة غير فعاله في دورها سواء في المنزل او هنا من الارشاد للشبان خاصة وللاناث عامه ...!! فهل سوف يبقى دور النصح مربوط في مستوى الذكوريه فقط وان النصح او الحديث في هكذا مواضيع للفتاة يعتبر خدش لحيائها ..!! ولكم الشكر والدعاء |
رد: يكلم بنات ...!!!
.. ماشاء الله تبارك الرحمن .. آخوي وطني بل بالعكس من المفروض ان تفتخر باابنتك بصراحه اعجبتني انها لم تضع حواجز امامك وفتحت قلبها لك لانها تدرك انك سوف تتفهم الموضوع بكل جوانبه .. من قال وقاحه ومن هالكلام لايهزك ريح فهم ينصبون على كلمة المجتمع الدائمه عيب عيب وعيب على البنت ان تفتح قلبها لوالدها او والدتها ، إذا لم تفتح لأقرب الناس لها هل تُريدها أن تأخذ النصيحه من الغير .. اجعل نفسك شفافآ لآولدك حتى يستطيعون أن يتقربون منك دائمآ .. على أنني لأعرف ابنتك الا انني اتمنى في المستقبل أن يكون اولادي بهذا المنهاج .. الله يحفظها لك ويخليها لك وتفتخر فيها دآيم الدوم :004::004: |
رد: يكلم بنات ...!!!
ما قامت به ابنتك صحيح تمامًا, وهذا ما يجب أن تقوم به.
فالبنت التجأت إلى والديها ثقة بهم, مع أنها تستطيع أن تكتم الأمر وتتجه إلى وسائل أخرى للمساعدة وغير مضمونة كالإنترنت! وهذا يدل على الثقة المتبادلة بينكم والحوار وانعدام القيود البالية بين الأبناء ووالديهم وهذا بحد ذاته شيء ممتاز جدًا. فبالعكس يجب أن تشكر ابنتك وتشجعها على هكذا أمور وليس العكس. وفقكم الله. |
رد: يكلم بنات ...!!!
أفتخر فيها هذي تربيتك
أنآ كل شيء اقوله لأمي والله ما اخبي عنها شيء ولما عرفوا صديقاتي نقدوا علي أهم شيء عندي امي تعرف كل شيء عني عشان ماتسمع سوالفي وتصرفاتي من الناس وتنصدم ألزم ماعلي أمي وباقي الناس ماراح ينفعوني .., مافيه احد أخبر بمصلحتي كثر أمي .., الله يخليلك بنتكـ .., |
رد: يكلم بنات ...!!!
بصراحة انااشوف ابنتك على حق عودها على كذا عشان ماتساوي شي من وراك
|
رد: يكلم بنات ...!!!
أهلن أخوي ..
بالعگس موب وقاحه وعجبتن بنتك .. زين أنها تتكلم لك ولاتغبي عنك شي .. والبنت كل اللي بغته مساعده منك والشي صالح لاخو صديقتها موب شي يضره .. ع أي اساس قالو وقحه عشان فتحت الموضوع وحبت مساعده ابوها وبنفس الوقت تتكلم عن الشي اللي صارلهاا .. بالعكس بنتك ماغلط ونعم التربيه الله يخليها لك .. يمكن نقدر نقول قالو وقحه من مبداء ان ليه تفتح هالنقاش ع الغدا وكان تقدر تأجله لبعد الغدا معك انت يَ ابوهاا . بس ولو مايعتبر الشي الي سوته وقاحه ابد والله يحفضها لك .. تقبل مروري أخوي وطني تحياتي .. |
رد: يكلم بنات ...!!!
موضوعك جداً مهم والله ورأيي انا ان البنت تكلمت مع ابوها ولاخبت عليه هذه ميزه
اذا انت ترضى في انها تخبي عليك اشياء ماتدري عنها فهذا شي راجعلك بس انا عجبتني جراءتها .. في يومنا هذا البنت ماتقدر تصارح ابوها بشئ بس في ابهات متفاهمين ومتصاااارحين مع بناتهم وافتخر انت فيها لانها من تربيتك عوووووووودها على المصارحه:10111:وفي اباء لما البولد والا البنت جت وصارحته وسولفت قام وعصب عليها قبل لاتكمل السااااالفه..:sm4:ه>ا اكبر غلط في التربيه اما انا يجي ابوي عندي بالليل ونسهر ونسولف وهو يقووول شو سوى وانا اقوووله شو سويت الله يخليه لي ولا يحرمني وجووووده يااااارب والله يحفظلك بنتك ويخليها لك يااارب ويخليكــ لها :58545: :biggrin::004: ثاااااااااااااااااانكس:cheese::004: وتقبل مرووووووري :(204)::(204)::(204)::(204)::(204): |
رد: يكلم بنات ...!!!
اقتباس:
امر طبيعي جدا وتستحق التشجيع عليه .. محد بيكون احن عليها ولا اعرف بمصلحتها مثل ابوها .. لكـــــن .. هي اساءت اختيار الوقت .. ع الغدا .. ويمكن يكون معها خواتها الصغار ومن غير المقبول يتلوث تفكيرهم بمثل هالقصص المفروض يكون هالموضوع بينك وبينها .. بس بعد هي تظل صغيرة ويمكن ماعرفت متى تتكلم اوو قدام مين المفروض تتكلم ومهم انك تنبهها انها ماتسولف قدام حد من زميلاتها في هالموضوع .. لأن اذا بنتك تشوف هالشي حرام ومنبوذ .. يمكن زميلاتها يشوفونه شي مرغوب .. اقتباس:
اقتباس:
يمكن لو أشوف أخوي يكلم بنت ازغرط .:biggrin:. من كثر مانلح عليه يتزوج وهو رافض .. شكلي بدبرها له يمكن يتلحلح ..:biggrin: امزح و ربي ..:tongue: اكيد تصرف مرفوض شرعا وعرفا والله يستر ع اخوان الجميع .. اقتباس:
بالنسبة لكل هالاسءلة .. هو يعتمد ع طبيعة علاقة البنت بأخوانها الشباب .. في اللي تعرف وتسكت وماتتدخل .. وفي اللي تمسكها عليه عشان تهدده في هالسالفة .. وفي اللي عندها جرأة وتقدر تقول ترى هالشي غلط .. وافضل حل انها تعلم أحد والديها عشان يتصرفون معه .. الله يحفظ لك بنتك ويستر ع شباب المسلمين .. |
رد: يكلم بنات ...!!!
ربي يخليها لكم دووم يارب
وأهنيك عليها ربي يحفظها وهنيئا لها بكما ^_^ بالعكس انا أشوف إنه حلوو لو الأب يكون متعاون مع أولاده مو يسوي حواجز بينهم ربي يحفظكم |
رد: يكلم بنات ...!!!
بالعكس ما شاء الله على بنتك هذا دليل على التربيه وعلى انها وحده فاهمه وهي في هالسن الله يحفظها ويخليها :rose::rose::rose::rose:
|
| All times are GMT +3. الوقت الآن حسب توقيت السعودية: 08:23 PM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه