ملتقى طلاب وطالبات جامعة الملك فيصل,جامعة الدمام - قواعد النحو الثابته تعالوا نساعد بعض

- المستوى الأول - كلية الأداب (https://vb.ckfu.org/forumdisplay.php?f=311)

- - قواعد النحو الثابته تعالوا نساعد بعض (https://vb.ckfu.org/showthread.php?t=329151)

قواعد النحو الثابته تعالوا نساعد بعض

بسم الله الرحمن الرحيم

السلام عليكم ورحمة الله وبركاته

وشلونكم وش اخباركم << اتحدى احد يرد ع ذي :sm5:

المهم الزبده يااخوان ويااخوات طرت ع بالي هالفكره مدري عاد هي زينه والا شينه بس الوكاد انه تقطر ملاحه :71:
فكرة طرح الموضوع ابي كل دافور ودافوره ذاكروا وحسوا ان فيه نقطه بالنحو تكون مهمه زي مثلا (( تكون قاعده ثابته ماتتغير )) عشان نحفظها صمممممم ومانقعد نضيع وقتنا بالتفكير :(284):

يعني اعرف ان هالجمله جوابها هالجواب الفلاني لا محاله ماتتصرف لشي ثاني ابدا :sm4:

فهمتوا علي؟؟؟

انا الحين اكتشفت اكتشاف خطير هو مهب اكتشافي طبعا بس الدكتور قاله بالمحاضره وانا سجلته وابيكم تستفيدون معي الا وهي

(( اي كلمه بالاعراب تجي بعد الاسماء السته دائما دائما وابدا تكون مضاف اليه مجرور ))
حطوه بروسكم
لا القى احد مختارن لي فاعل والا مفعول

احفظوه زي اسمائكم الي بعد الاسماء السته مضاف اليه مجرور

والاسماء السته اخو ابو حمو ذو فو والسادس ماعرفه صراحه وطقطقت بقوقل قال لي (هن )

شي ثاني وقاعده ثانيه الي هي

الاعراب الظاهر والمقدر
حروف العله 3 صح؟؟؟ الالف و الواو و الياء
في الاعراب للواو والياء ((تقدر الضمه والكسره وتظهر الفتحه فقط )) <<هذا موجود بالشرح
لكن الي الدكتور قاله وسجلته ان الالف ( ى ) دائما وابدا علامته مقدره مافيه استثنائات زي الواو والفتحه

يلا ابي الي ذاكروا ولقوا قواعد ثابته يقولون لنا ولايكتمون شي خلونا نتساعد يااخوان ويااخوات << مهارات التعلم والتفكير :mh001:
وانا ان حصلت بعد شي من هالنمونه بحطه
الي بيرد يعطينا فائده والا يدعي لنا كلنا بقلبه :106:
الله يوفقنا واياكم