ملتقى طلاب وطالبات جامعة الملك فيصل,جامعة الدمام - بالله عليكم يا جامعة فيصل هذا وقت اصلاحات

- ارشيف المستوى 4 تربية خاصة (https://vb.ckfu.org/forumdisplay.php?f=276)

بالله عليكم يا جامعة فيصل هذا وقت اصلاحات

اسعد الله صباحكم ومساكم بالخيرات

انا ما ادري ليه الجامعه كل سمستر تسوي فينا هالفصل البايخ وتحاول تزعجنا بشكل خاص .. احنا طلاب الانتساب
الان ادخل الموقع الاقي فيه اصلاحات وامس ادخل الموقع ما قدرت افتح صفحه فيه الا الساعه 10 الصبح وبدخل حتى اتأكد من مواعيد الاختبار ما قدرت وبالعافيه 10 الصبح تأكدت
والان بدخل اشوف متى اختباري بكره ما فتح الموقع

انا حملت جميع محاضراتي وانا من الناس اللي ما استمع للمحاضرات الا يوم الاختبار عشان اركز المعلومات وحتى لو وجدت عندي على الجهاز احب اتابعها من الموقع " هذا طبعي انا حره فيه " بما اني مسجله ودافعه المبلغ كامل ومافي مانع يكون الموقع تحت امرتي بما اني طالبه عندكم
واللي بيقولي البلاك بورد مفتوح والافتراضي مغلق اقوله البلاك بورد التعيس يااااادوب يطلع محاضرات بالاضافه الى شكله الكئيب ومميزاته المعدومه

الان وللاسف اكتشفت ان جميع المحاضرات عندي تبدأ عادي وفجأه تقطع مع اني حملتها جميعها بصيغة الجوال لاني ادرس على جالكسي تاب
ما ادري هل الامر مقصود ؟؟ والا ما عرفوا يحملوا المحاضرات والا ايش يعني ؟؟
اذا الجامعه بكل طاقاتها ما عرفت تحمل محاضرات احنا بالله وش نقول :hhheeeart4:

كيف مطلوب منا احنا الطلاب نكون متكاملين ومذاكرين وناجحين وسامعين كل المحاضرات المباشره والمسجله واحنا ندخل نلاقي اما محاضره ناقصه والا الصوت تعبان والا اصلا المحاضره غير موجوده

شوية اهتمام يا جامعه الله يرضى عليكم احنا عالم عندنا مسؤوليات وصعب كل سمستر نفس المعاناة والشكاوي

احنا ما نقلل من مسؤولياتكم نهاااااائيا ,, الله يجزيكم خير تحاولوا جهدكم
لكن يعني ما تزعلوا مننا يوم نقول مثلا هذا المنتدى يا كثر المحاضرات اللي تنرفع فيه ويا كثر المشاركات ويا كثر الناس اللي تدخل وتكتب وتقرأ والضغط الان عليه اكثر من موقع جامعتكم لان موقع الجامعه ما منه فايده
وماشاءالله تبارك الله ما وقف ولا يوم الا ساعات ممكن لتحديث الموقع ومهو بوقت اختبارات
..
يا جامعتنا العزيزه استفيدوا من خبرات الشباب ,, ما عندكم وقت ترفعوا محاضرات ابشروا هاتوها احنا نرفعها ماشاءالله الشباب طاقات واللي يرفع بالمنتدى يقدر ياخذ من وقته شوي ويرفع المحاضرات على موقعكم بس ما تحوسونا

الله يبارك فيكم وفي جهود الجميع ونتمى ان نرتقي اكثر لفائده اكثر

مع كل التقدير للجميع