ملتقى طلاب وطالبات جامعة الملك فيصل,جامعة الدمام - يا أهل الرياض مبروك عليكم تغيير المراكز .!!!!

يا أهل الرياض مبروك عليكم تغيير المراكز .!!!!

السلام عليكم ورحمة الله ..

في المستويات السابقة عانينا نحن من نسكن في جنوب وغرب الرياض ...لأننا نمسك الخط بدري ونذهب في أوقات ( القيلولة والحر ) حرصاً منا على التواجد باكراً في صالة الاختبارات .

وكنا نقول لأنفسنا : لماذا لا يكون هناك توزيع للأماكن والمراكز حتى يستطيع الطالب أن يختبر في مكان قريب من سكنه منها يوفر وقت وجهد أيضاً ..

بداية هذا المستوى فرحنا بالتطور الكبير !! والتحول الخطير ! وقالوا ضعوا مراكزكم التي تريدون ..تدلعوا وتدللوا يا حلوين ...وقلنا لأنفسنا : ايه هذا الكلام السنع ..ولكن كالعادة الكريمة للجامعة الكريمة اللطيفة الخفيفة نقول لأنفسنا : يا فرحة ما تمت ..!

تخيلوا العبد الضعيف والفقير لله عز وجل عبدالله سليمان يسكن في جنوب الرياض ! ومسجل ذلك في تحديد مراكز الاختبار ..

واليوم دخلت وأنا ( أفرك ) يدي من الفرحة وأقول لنفسي : يا ولد ما راح تتعب هالسنة بإذن الله وكلها دقايق وأنت في القاعة فإذا بي أتفاجأ بوجودي في ( مجمع العليان ) حي الروابي .! طبعاً شرهتكم على اللي يعرف مجمع العليان :41jg:

الله أكبر ..حي الروابي مرة وحدة يا جامعتنا الكريمة .! متى كان حي الروابي في جنوب الرياض ؟ وكيف ( جاكم ) نفس وجرأة لتقلعوني ومعي الكثيرين هناك ؟؟ وكيف تم تغيير مخطط مدينة الرياض كاملاً بشخطة ( قلم ) ؟؟

أتوقع أن من وضع التوزيع للتو استقدم للعمل في بلادنا ! وإلا ما الرابط بين الشفا والسويدي والمعارض وبين حي الروابي ؟؟ أو حي الصحافة ؟؟

أظن والله أعلم أن من اختار مركز الشمال فنصيبه سيكون ( الجنوب أو الغرب ) ! وهذا من ذكاء الجامعة وفطنتها لأنها تريدنا أن نتعب وأن نشعر بحجم المسؤولية وأن تحللوا كلمة : نجحت بالتعب وعرق الجبين ! وعرق الجبين مع مشاوير الرياض سيظهر شئت أم أبيت رضيت أو انرضيت ..

اللهم ارزقنا من فضلك بيتاً في الشمال أو الشرق وفي حارة طيبة جميلة كريمة منها نفتك من الجنوب ومنها أيضاً نختبر بالقرب من بيوتنا ...

في أمان الله ...

رد: يا أهل الرياض مبروك عليكم تغيير المراكز .!!!!

ههههههههه وش فيه الجنوب والله كويس بس تبي الصدق تعال عندنا في الشرق وشف الشوراع وش لون يرقص الموتر وبخصوص الجامعه الحل الانسب تكلهم وتشرح لهم الوضع ممكن والله عالم الغيب يكون الموظف ماكل فول هاك الساعه وانعدمت معا الاتجاهات المهم كلم الجامعه وخذ منهم العلم الوكاد ويارجال انا حاطين الاختبار عند السوق خريص بلاز انا الحين بلاشان في الاختبار او :mh12: زحمت الاسواق

بيني وبينك

مردها بتزين

بينب وبينك

رد: يا أهل الرياض مبروك عليكم تغيير المراكز .!!!!

اقتباس:

المشاركة الأصلية كتبت بواسطة abu sami (المشاركة 6299476)

هلا أبو سامي ..

يا رجال الجنوب زين والشمال زين وكل شي زين بس اللي مهوب زين توزيع المراكز ..

تعرف زحمة الرياض وغثاها ..كنا نتمنى أن نختبر بالقرب من منازلنا على الأقل نوفر وقت للمذاكرة ولكن كالعادة يستكثرون علينا أي شيء زين ..

شكراً لك ..

رد: يا أهل الرياض مبروك عليكم تغيير المراكز .!!!!

والله شي زين من الجامعه انهم خيرونا وحطوا بأغلب المدن مراكز للأختبار وبدون رسوم :004:
يعني مثلا جامعة عبد العزيز انت ملزوم تختبر بالجامعه نفسها بجده واذا بخاطرك تختبر برى جده مافي الا ثلاث مراكز
وفوقهالازم تدفع ١٠٠٠ رسوم اختبار المناطق :Looking_anim:
يعني اللي ابي اوصل له ، ان كونك تختبر في الرياض شمال جنوب شرق غرب المهم انك بنفس المدينه احسن من انك تُجبر انك تروح للأحسا غير عن مصاريف السكن والمرمطه طول فترة الاختبارات واحسن من انك تدفع فلوس زياده وفوقها بعد ممكن يكون المركز بعيد عنك :biggrin: .
تحياتي لك

رد: يا أهل الرياض مبروك عليكم تغيير المراكز .!!!!

اقتباس:

المشاركة الأصلية كتبت بواسطة خواطر إنسانه (المشاركة 6300173)

والله شي زين من الجامعه انهم خيرونا وحطوا بأغلب المدن مراكز للأختبار وبدون رسوم :004:
يعني مثلا جامعة عبد العزيز انت ملزوم تختبر بالجامعه نفسها بجده واذا بخاطرك تختبر برى جده مافي الا ثلاث مراكز
وفوقهالازم تدفع ١٠٠٠ رسوم اختبار المناطق :looking_anim:
يعني اللي ابي اوصل له ، ان كونك تختبر في الرياض شمال جنوب شرق غرب المهم انك بنفس المدينه احسن من انك تُجبر انك تروح للأحسا غير عن مصاريف السكن والمرمطه طول فترة الاختبارات واحسن من انك تدفع فلوس زياده وفوقها بعد ممكن يكون المركز بعيد عنك :biggrin: .
تحياتي لك

الأخت خواطر إنسانة : ( لو ) كنت منتسب في جامعة الملك عبدالعزيز لتحملت كل المصاريف ولقبلت بكل الشروط ولكني الآن منتسب لجامعة الملك فيصل ..

والجامعة وعدت ولكنها لم تف بالوعد ...قضية أن يطرحوا خيارات المراكز ثم نختار القريب من بيوتنا ونتفاجأ بوضعنا في أماكن بعيدة هذا الشيء غير مقبول أبداً لأنك تعشم الناس في أشياء جيدة ثم لا تنفذها ..

لو لم يطرحوا الخيارات لما غضبنا ..

عموماً : ليست آخر ( صيحات ) الجامعة ....وربنا يسهل ..

شكراً لك ..

رد: يا أهل الرياض مبروك عليكم تغيير المراكز .!!!!

الله يعين بس على الدائري وزحمة من الشفاء الى حي الروابي

رد: يا أهل الرياض مبروك عليكم تغيير المراكز .!!!!

اقتباس:

المشاركة الأصلية كتبت بواسطة موظف أكاديمي (المشاركة 6303339)

الله يعين بس على الدائري وزحمة من الشفاء الى حي الروابي

مرحبا أخوي موظف أكاديمي ..نفس المشكلة يا أخي ..

الله يعين نطلع قبل الاختبار بساعتين ويضيع الوقت علينا ..والبركة في التنسيق السيء والعشوائية الواضحة ..

يمدحون زحمة الدايري :007:

رد: يا أهل الرياض مبروك عليكم تغيير المراكز .!!!!

المشكلة ان فيه مركز في ثانوية الامير سلمان بالشفاء وقريبه من بيتي بس مدري من قال لهم ان مجمع العليان التعليمي بالروابي اقرب من ثانوية الامير سلمان لبيتي ههههههه
بس علي قولتهم الشيوخ ابخص يمكن يبون مصلحتي من يدري ههههه

اليوم اتصلت بمشرف ثانوية الامير سلمان وقال التوزيع من العمادة و نتصل فيهم ولا حولك احد

رد: يا أهل الرياض مبروك عليكم تغيير المراكز .!!!!

اقتباس:

المشاركة الأصلية كتبت بواسطة a5laq (المشاركة 6303890)

نفس الشيء آخوي هههههه ..ما بيني وبينها إلا دقائق بسيطة ..

من جد مازلت أفكر : من الذكي والعبقري اللي يظن الروابي في جنوب الرياض ؟؟؟

ما قلت لك : يبغونا نتعب و ننجح بجهد

المرة القادمة بإذن الله راح أكتب المنطقة الشمالية يمكن يحطوني في الوسطى وفي الشفا بعد :biggrin:

رد: يا أهل الرياض مبروك عليكم تغيير المراكز .!!!!

انا والله الحمد لله ..نقلوني لمركز يبعد عن بيتي اقل من كيلوين فقط ..اللهم لك الحمد والشكررر.