|
خاص الشباب وبنات الحفر ممكن؟
:rose::rose:السلام عليكم ورحمة الله
كيف المذكره معكم؟ اكيد مطلعه لكم :007: مااااايحتاااج المهم ابي اسال عن مقر الثانويه السابعه للبنات في اي مكاااااان بضبط لان انا عارفه انها بالعزيزيه بس بضبط وين ماااادري ابي منكم كروكي للموقع مااااعليكم امر واكون شااااكره وداااااعيه لكم |
رد: خاص الشباب وبنات الحفر ممكن؟
والله الظاهر انه جنب مستوصف العزيزه تعرفينه
واذا ماتعرفينه اكيد تعرفين " ام مناور " الحازميه الي تعالج الوغدان وتسوي مراديد للحريم وفروك سنون وتسوي قناع مدرص بخه للي منسم راسه ومدري وش جنب بيته الظاهر ورا بيت ام مناور اذا تبين تعرفين مكانه بالضبط ام ام مناور تعرفه روحي للحاره هذيك واسئلي ام مناور تعلمك :biggrin: |
رد: خاص الشباب وبنات الحفر ممكن؟
لا عزالله رحت اختبارت ياااااا اخونا في الله ماعرف ام مناور يعني ماركه مسجله :biggrin::wink: انا راح اغلبكم بس ابي اعرف فيه حول المدرسه عمااااره سوق فندق من هالسوالف واكثر شي بالحفر المستوصفاااات عن جد اسفه احس بديت اخااااف من الموضوع شكلي من بكره الصبح اروح ادورهاااا قبل الاختبار:cool:
|
رد: خاص الشباب وبنات الحفر ممكن؟
معقوله ماتعرفين ام مناور ماعمرك تعالجتي عنده انا دايم اذا اوجعن شي آآسحب على المستوصف واروح يمه :biggrin:
شفتي الملاعب الي بالعزيزه ملاعب الكوره < اجل تنس :biggrin: الي جنب مستودع الكتب حق التربيه هناك هي وترى بعد هناك بيت ام مناور :sm5: < ملزم على ام مناور :53: |
رد: خاص الشباب وبنات الحفر ممكن؟
انا مو ساكنه الحفر :58545:
بس اعرف انها ع شارع عام وقريب من مستوصف العزيزيه وكمان مقابله اظاهر محطه بنزين :(269): |
رد: خاص الشباب وبنات الحفر ممكن؟
والله اني ماادله بس سالت زوجي يقول ادلها قلت وين بالضبط وصف لي وافتر راسي:icon120:
قلت خلاص لا تكمل اهم شي انت تدلها وبس :Looking_anim: المهم قالي انها على طريق سوق الخميس (البسطه ) وانتي جايه من القاعده :sm5: |
رد: خاص الشباب وبنات الحفر ممكن؟
اجل لازم نتعرف عليهااااا ونزورها باقرب فرصه :biggrin: ايه يمكن بديت اعرف بماااا ان حول مجطه وحوالمخزن حق الكتب يااختي با هاجسي انا من سكااان الحفر الاصليين بس ما عمري حست بالحواااااري يا خونااا خلف تبيع براشيم ام مناور علشان اذا ما امدانا بالمذكره نمرها ناخذ كيلووو:wink::cool::(269):
|
رد: خاص الشباب وبنات الحفر ممكن؟
نفس حالتي بس انا من سكان القاعده :58545:
|
رد: خاص الشباب وبنات الحفر ممكن؟
اخر سوال معد اتكلم ,, بعيده عن حي المحمديه ولى قريبه:cheese: ولي يعرف يوصف لي من المحمديه الى العزيزيه اكون شااااكره له ادري ثقلت عليكم بس مااالي غيركم ياااملتقي المفضل :biggrin::53::004:
|
رد: خاص الشباب وبنات الحفر ممكن؟
اول شي طال عمرك تركبين السياره < اجل مشي :biggrin:
تعرفين مستوصف العزيزه الي يعالجون فيه الخدامات يفحصونهم فيه ؟ مقابله شفتي شارع الملك عبدالعزيز تطلعين معه كنك رايح سوق ساره تجيك اشاره سوق ساره يصير فندق الفاو على حجاجك الايمن متجهه شمال تطلعين سيده تمشين يجيك مطعم بابا سومي على حجاجك الايسر تطلعين سيده لين تجيك اشاره يسمونها اشارة الشارع الاصفر كل الي جنبها مغاسل سيارات ويمينك القبس ومحلات كمبيوترات تطلعين مع الاشاره هاذي يسار تمشين شوي تجيك اشاره الثانويه تصير بزاويه مناطحتك وعلى يسارك محطه وعلى يمين مستوصف العزيزه القديم طبعا الي يوديك اسئليه قولي له تعرف الشارع الاصفر < معروف عند الشباب الحفر يفرون فيه الشباب اذا قال لا قولي تعرف مستوصف العزيزيه اذا قال لا قولي له تعرف الخطوط البيضاء المغاسل السجاد اذا قال لا اسحبي عليه وشوفي لك احد ثاني يوديك غيره لانه مايعرف شي :007: اذا ماعرفتي مكانه عاد وش اسوي لك لساني لصق بلهاتي وانا اوصف لك :71: |
| All times are GMT +3. الوقت الآن حسب توقيت السعودية: 01:50 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه