|
البنـــوتــات اللي مــركز غــرب الريـــاض ..رحلتي اليوم للمدرسة199
مساءكم فل
طبعا اليوم من الفضاوه بعد صلاة الفجر رحت استكشف موقع المدرسه اللي بنختبر فيها المتوسطة 199 غرب الرياض وابشركم المدرسه جديده وتهبل نظيفه وفي حي راقي (( حي الاحمديه في لبن )) طبعا للي جايين من الجسر المعلق تتعدون الجسر وتدخلون يمين وبعدها يمين وبيجكم هرفي في زاويه تلفون ويصير هرفي على يساركم وفيه قصر الامير بندر بن عبدالعزيز على يمينكم طبعا تعدون القصر ويجيكم قصر خالد بن سلطان وتمشون مسافه لحد ما يجيكم قصر الامير احمد على يمينكم ويكون داخل بس تشوفونه من بعيد وبرضو تعدونه بشي بسيط اول ما تعدونه بيكون يمينكم ارض فضاء اول فتحه بالرصيف على يدكم اليسار تدخلون معها المدرسه بتكون واضحه قدامكم عاد ماشاء الله جديده وتفتح النفس طبعا اول يقابلكم ثانويه 139 او 129 ما اذكر الرقم بالضبط وفي خلفها المتوسطه 199 وبالتوفيق للجميع ويارب فالكم وفالي النجاح .... لا تنسوني من دعاءكم |
رد: البنـــوتــات اللي مــركز غــرب الريـــاض ..رحلتي اليوم للمدرسة199
ماشاءالله عليك متحمسه نجوى :tongue:
حلو هـ رحلة الاستكشاف ولبن قريب مني حلو ماراح اشيل هم المشوار .. يعطيك العافيه :004: |
رد: البنـــوتــات اللي مــركز غــرب الريـــاض ..رحلتي اليوم للمدرسة199
ياهلا وغلا بنجوى الحبوبه كيفك ان شاء الله بخير كويس حطوك بمدرسه في الغرب ونظيفه:106: تذكري مدرستنا الخايسه السمستر اللي طاف حي الرائد انا حطوني في مدرسه 74 بس موب عارفه وينها فيه الله يوفقنا ويسهل اختباراتنا |
رد: البنـــوتــات اللي مــركز غــرب الريـــاض ..رحلتي اليوم للمدرسة199
اقتباس:
الله لايعيدها ..واللي زدا الطين بله المشرفه واسلوبها الخآآيس يالله الحمدالله ان شاءالله هالسمستر زين ويراعونا شوي بالوقت .. بعدين ليش انا ماقابلتكم ولا شفتكم :Looking_anim: نجوى خليني اشوفك دآمك بنفس المركز :biggrin: |
رد: البنـــوتــات اللي مــركز غــرب الريـــاض ..رحلتي اليوم للمدرسة199
اقتباس:
روحي استكشفي عشان نفسيا تتهايين للاختبار وتروح رهبة الموقف كيف بس رهبة الموقف هههههههههههههههه من جد ذيك المدرسه كان شي واحد يميزها صوت الاذان قريب اول ما تسمعينه وانتي تحلين تحسين بالامان والا الباقي خيااااااااااااااااس بس المراقبات اللي راقبوا علي كانوا كويسات الحمدلله لا هالمدرسه جديده بس عاد لسى ما شفنا المراقبات |
رد: البنـــوتــات اللي مــركز غــرب الريـــاض ..رحلتي اليوم للمدرسة199
اقتباس:
تدرين ليش ما اقابل احد اجي متاخره ادخل القاعه واخلص من الاختبار ومن القاعه على السياره ههههههههههههههههههههههههههه ما عندي وقت لكن هالمره ابشري ان شاء الله بس يختي انتي حرف الالف وانا نون كيف القاك بالله ههههههههههههههه بس ابشري قبل الاختبار بيوم ان شاء الله نتفق بس على فكره انا خجوله :060: <---- اقول انقلعي بس قال ايش خجوله |
رد: البنـــوتــات اللي مــركز غــرب الريـــاض ..رحلتي اليوم للمدرسة199
^
^ نفس الشي والله ادخل ع القاآعه وعيوني طلعت من المذآكره و اطلع من الاختبار السيآره عند البآب .. بس لايمنع ان لقينا فرصه نتقآبل بأذن الله وانا بعد ترى خجوله لاآآيغرك يعنني جريئه بالمنتدى :biggrin: |
رد: البنـــوتــات اللي مــركز غــرب الريـــاض ..رحلتي اليوم للمدرسة199
اقتباس:
اللهم امين الله لايعيدها من مدرسه ان شاء الله تقابلي الحبوبه نجوى دامها معاك بنفس المركز |
رد: البنـــوتــات اللي مــركز غــرب الريـــاض ..رحلتي اليوم للمدرسة199
اقتباس:
ياحليلك نجوى والله انك صادقه احسن شي صوت الاذان يريح النفس يارب تكون مدارسنا الجديده تمام اللهم امين |
رد: البنـــوتــات اللي مــركز غــرب الريـــاض ..رحلتي اليوم للمدرسة199
اقتباس:
ههههههههههه ان شاء الله يارب وطمنيني اذا شفتي موقع المدرسه وان شاء الله اقابل امول الله يعين اشخص ما فيني حيل ودي اجي ببجامه ههههههههههههههه |
| All times are GMT +3. الوقت الآن حسب توقيت السعودية: 02:14 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام