ملتقى طلاب وطالبات جامعة الملك فيصل,جامعة الدمام

ايراد مستحق يعني المفروض اخذ فلوس من حقي .. بس الى الان ما اخذتها .. ولانها من حقي يعني تعتبر من الاصول المتداولة .. ودائما الاصول نضعها في الطرف المدين ..
ولازم الطرف الدائن تكتبين الايراد بدون شي .. بدون مستحق ..
يعني انتي لما يجيك بالسؤال ايراد مقدم او ايراد مستحق او مصروف مقدم او مصرف مستحق انتي تسوين له هو التسوية .. يعني شوفي هو يعتبر اصل ولا خصم ؟؟ اذا اصل حطية بالمدين واذا خصم حطية بالدائن ..

دائما وابدا .. اذا جاك ايراد مستحق (فلوس لك وما اخذتيها ) و اذا جاك مصروف مقدم ( دفعتي فلوس بس لسى ما خذتي الخدمة الي تبينها ) << هذول على طووووول اصول متداولة .. يعني بالطرف المدين ..

واذا جاك ايراد مقدم ( انتي اخذتي فلوس مقدم ولسى ما قدمتي خدمة للشخص الي عطاك ) و اذا جاك مصروف مستحق ( انتي عندك عمال ولهم رواتب وما عطيتيهم فلوسهم ) << يعتبرون على طووووول خصوووم متداولة .. يعني حطيهم بالطرف الدائن ..

ودائما اذا سويتي هالخطوة الطرف الثاني فية كلمة مصروف او ايراد بدون مستحق او مقدم ..
اهم شي الخطوة الاولى ..

يارب اكون قدرت اوضح لك ..

بالتوفيق ..