|
يابوي ليتك حي وتشوف حالي!!!!!
يابوي ليتك حيّ وتشوف حالي ! تشوف وش هو صار من بعد فرقاك ؟ صار الوطن بعدك من الناس خالي صار .. [ الوطن غربه ] بعد ما فقدناك يابوي أنا بعدّك سهيره الليالي مقهورة من دنيّاي منّا .. ومنّاك ! حدتني الدنيا وأنا راس مالي إني .. عزيزه النفس .. مثلك وشرواك مافيه شيٍ في حياتي صفالي حتى . الورود . إن جيتها صآرت أشواك أطيح وآحمولي عليّه إثقالي وأتخيلك مديت لي كف .. يمناك بعدّك .. ولآ مره ترى إرتاح بالي أصفّق على كفي ندم وآتحراك ومن ضيقتي يا كّم أصّدق خيالي وأقوم أدوّر عنّك وآقول بـ .. ألقاك أضيع بالعالم وهمي سؤالي ؟ هو أنت ؟ وينك ؟ ليه ماعاد شفناك ؟ أدري لو إنك حي يا أعز غالي يمديك .. تفزع قبل .. ماجيك وانخاك ! ويلآه .. ياحالي وماهو جرالي ويلآه .. ياقلبٍ تعذب في طرياك ويلآه .. يابويّ من أول وتالي لا والله .. أول .. كان .. ينجيني إدعاك واليوم من بعدك وش اللي بقالي ؟ غير إني أدعي ربي يغفر خطاياك يالله حطّه وسط منزآل عالي في جنة الفردوس يارب الأفلاك واغفر ذنوبه ياعزيز الجلآلي واشرح لي صدرٍ ضاق من جّور دنياك *************************** ((((حزني على فرقاك يبكي بلاد ,,, آآآه لوبيدي يالغالي والله لأحفر قبرك وأنام به كل ليله )))) ///هذي 3 سنين ماغيّرت من حنيني شي غير زود الهمّ/// *ربي اغفرله واغفرلي كاني اخطيت من زود حزني * |
رد: يابوي ليتك حي وتشوف حالي!!!!!
ربما اقسى من ذلك وأشد
عزيزتي نبض ترجمتي الواقع بـ كلمات تحلق في السماء رائعه هذه الكلمات بـ روعة من صيغت من أجله رحم الله والدك ووالديّ وموتى المسلمين أجمعين كوني بخير تحياتي :106: |
رد: يابوي ليتك حي وتشوف حالي!!!!!
الله يرحمه ويغفر له ويسكنه الفردوس الاعلى من الجنه
|
رد: يابوي ليتك حي وتشوف حالي!!!!!
الله يرحم والدك يانبض الوجود
وأنا آآآآآآآآسف جداً اذا نقضت جروحك وابشرك غيرت الصوره والتوقيع بعد عشانك ويسلموووو عالقصيده المحزنه جداً |
رد: يابوي ليتك حي وتشوف حالي!!!!!
الله يغفر له ويرحمه ويسكنه فسيح جناته
اسال الله عز وجل ان يجمعكم معه في دار الكرامه اسال الله عز وجل ان يدخله الجنه بغير حسااب كلمات معبره جدا وحزينه وتعبر عن اللى في داخلك من احساس تجاه والدك رحمة الله عليه هونيها وانا اخوك وهذا حال الدنيا هذا راحل وهذا نزال والدوام لله عز وجل الله يحفظك يااختى الغاليه ولا يوريك مكرووه في حبيب او قريب لك وتذكرى ياعزيزتى /// قوله تعالى (( الذين اذا اصابتهم مصيبه قالوا انا لله وانا اليه راجعون اولئك عليهم صلوات من ربهم ورحمه واولئك هم المهتدون )) وقوله تعالى (( واصبر وما صبرك الا بالله )) |
رد: يابوي ليتك حي وتشوف حالي!!!!!
رحمة الله عليه يانبض
لاتحزنين انشالله انو بجنات الخلد شوفي كم دعوه جاتو ورح تجيه انشالله الله يغمد روحو الجنه انشالله :106::106: |
رد: يابوي ليتك حي وتشوف حالي!!!!!
اقتباس:
الروعه مرورك يابعد عيني :rose::rose::rose: |
رد: يابوي ليتك حي وتشوف حالي!!!!!
اقتباس:
أخوي فهد نورتني وابهجت صدري بدعوتك أشكرك من كل قلبي :rose::rose: |
رد: يابوي ليتك حي وتشوف حالي!!!!!
اقتباس:
الله يجزاك خير ويرحم كل موتى المسلمين يارب العالمين ... لاتعتذر ياخوي هذا حالي بعز الفرح دمعتي بطرف رمشي انا كل دنيتي أبوي مالي غيره يعني انا مااعترض على قضاء الله وقدره هذي الدنيا انا بس ابيه جنبي ماعندي غيره وربي :icon9: * * * آسفه ي غالي دخلت بالعميق اترك الباقي ميت بين ضلوعي .. وأشكرك على تلبية طلبي بس برضو في تغيير بإذن الله قول تمّ .. ادري ماتردني وشوفني وخلني مثلك الاعلى :119:<<< واثقه يعلم الله ياحبايبي اني كثيييييير احيان اكتب واقلب لكم المنتدى ضحك وانا مخنوقه بعبرتي ورغم ذلك حبي لكم يجعلني دووووم كاتمه العبره والضيقه بصدري بس اقفل هالجهاز ويبتدي ليلي الحزين وارجع واقول اللهم لااعتراض تدرون شي يخفى عليكم بشخصيتي اذكر مره معلمتي ربي يسعدها وين ماكانت قالت لي مره مدري متى يجي اليوم اللي مااشوف الحزن بعيون أميره ....؟؟؟:icon9: ولاتنسى ياواثق انت رجال البلا والموت انا البنت بس تدرون ان الله عظيم وكريم في فضله :119: كل مره أمرض أشوف أبوي يتطمن علي وبس اقرب اصحى واناديه يقول بلحق صلاة الفجر ويروح ويخليني :sm1::sm1: اعرف ساعتها اني اتحلم وانه جا يتطمن علي :sm1: ياربي انت كريم كني طولت ونسيت نفسي مالت علي :biggrin: تجي تفحط معي :(269): |
رد: يابوي ليتك حي وتشوف حالي!!!!!
اقتباس:
عاد انت يااسير بالذات ولا كلمه من القاموس العربي توفي حقك وتقديرك بقلبي ياخوي .. جزاك الله كل خير ... والله اني ادعيلك دوم بس علشان تضبط الدعوه نبي اسمك واسم امك لاهنت :biggrin: خل اللي بالقلب بالقلب تدوم للكل بالقلب :119: |
| All times are GMT +3. الوقت الآن حسب توقيت السعودية: 11:44 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه