|
العلم الوكاد في طريقة السداد....
السلام عليكم
اخش بالموضوع دغري :biggrin: بخصوص السداد .. انا طالب مجتهد قدر الله علي وما دفعت الرسوم .. ومع الايام قفلوا علي البلاك بورد :cheese: المهم بعد الحوسه والخبصه اللي صارت والاتصالات والمشاركات من الاعضاء في المنتدى قريت موضوع لأحد الاعضاء عن طريقة سداد الرسوم من بنك البلاد .... المهم رحت وسددت الرسوم ورحت بعدها على طول للبريد وارسلت الوصل الاصل للجامعه بالبريد الممتاز ... وبعدها رحت للمكتبه وارسلت صورة الوصل فاكس .. وبعدها قلت للعامل يسوي لي (سكان) للوصل ثم ارسلته ايميل لهم ... المهم صحيت الصبح وانا قلقان ما ارتحت في منامي وقررت اشد الرحال للجامعه لأخذ العلم من راسي لروسهم ... دخلت عليهم في مكتبهم في مبنى عمادة التعليم عن بعد ولقيت مجموعه كبيره من الموظفين متكدسين في مكتب قد كذا ( يعني صغير ) .. وفيهم واحد شكله شقردي .. حاط السماعات في اذانيه .. المهم قلت السلام عليكم .. وينقز ذاك الذيب ويقول هلا وعليكم السلام ...آمر ايش اقدر اخدمك فيه قلت ابد طال عمرك .. انا من ضحايا عدم السداد وانا جايكم من الجبيل وابي اشوف وضعي كيف .. قال سددت ؟ .. قلت نعم وهذا الوصل ... شاف الوصل وقال : توّي فاتح لك البلاك بورد قلت بأي ورقه فتحتوا لي البلاك بورد ... قال بالورقه اللي ارسلتها بالفاكس .... قلت اكيد ... قال افا عليك .. المهم طلعت من عنده ورحت وشيكت البلاك بورد من محل قريب ولقيته فاتح .... طولت عليكم .. خطوات السداد ... 1- تروح بنك البلاد وتسدد لحساب التعليم عن بعد ورقم الحساب هو 999122333220008 2- تروح على طول وترسل الوصل اللي راح يعطيك البنك وترسله فاكس على هذا الرقم 035812497 لأن الفاكس يوصل عند اللي يفتح البلاك بورد على طوووول. 3- تحاول اليوم ترسله لأن بكره يوم اربعاء واتوقع على وضعهم هذاك مادري كيف وضعهم صدق خبصه ولجه وكثر ورق .. يمكن يكون رايق ويفتح لك ويمكن لا .. مدري والله ..لو انا افصل من عندهم مع ليش على الاطاله .. لكن حبيت اعطيكم الزبده وايش اللي حصل لي بالتوفيق للجميع |
رد: العلم الوكاد في طريقة السداد....
أخوي إلى الدكتوراه الحمدلله اللي يسر لي ولك أنا بالرياض رحت لفرع البلاد قالوا عطنا رقم حساب الجامعه قلت ماعرفه أنتم ماتعرفونه قالوا لا كلمت الأستاذ الجوهر قلت له عالموضوع وقلته انا اعرف واحد بالأحساء عندكم وش رايك ارسل له الفلوس ويسلمكم كاش قال لا حول له وخله يروح لفرع البلاد اللي جنب الجامعه يسدد هناك هم يعرفون حساب الجامعه وإذا سدد يمرنا ويعطينا الوصل ونفتح النظام لك وهذا اللي صار اليوم الساعه وحده ظهراً
|
رد: العلم الوكاد في طريقة السداد....
حتي انا سويت ايداع من بنك البلاد اليوم وان شاء الله بكره يفتحونه .. |
رد: العلم الوكاد في طريقة السداد....
يعطيك العافيه بس فاكس ماعندي عادي بالبريد ~ :biggrin: |
رد: العلم الوكاد في طريقة السداد....
ايه نسيت لا اسئلك لازم بنك البلاد ولالا يعني اسدد بالطريقه القديمه ارسل الدراهم والايصال صح ولالا ~ :Looking_anim: |
رد: العلم الوكاد في طريقة السداد....
اقتباس:
الطريقه كالتالي : تروحين بنك البلاد ( لازم بنك البلاد ) وتقولين للموظف هذا الرقم ابي تودع فيه هالمبلغ ... اوك .. معاي ثم يودع لك حتى ولو ما كان عندك حساب .. طيب .. بعدها راح يعطيك وصل ..( عباره عن ورقه بيضاء فيها معلومات السداد... معاي بعدها خذي الورقه ثم اكتبي عليها بياناتك كامله من الرقم الجامعي والجوال ثم اكتبي ارجوا فتح البلاك بورد ( ارسمي دمعتين :biggrin: ) ثم ارسليها فاكس .. وحاولي مايفتح باب البنك الا وانتي اول الداخلين .. عشان ترسلين الفاكس بدري ويفتحون لك البلاك بورد ( لأن بكره اربعاء ) البريد الممتاز لو ارسلتيه بكره ما راح يفتحونه الا يوم السبت ... وكذا راح تتاخرين وبس |
رد: العلم الوكاد في طريقة السداد....
جعل ربي يرزقك الدكتوراة وكل ما تتمنى .....
هالحين أبلغ أخوي عشان يخلص لنا إجراءات السداد ... موفق لكل خيييييييييييييييييييييييير... |
رد: العلم الوكاد في طريقة السداد....
ايه معاااك :biggrin: يعطيك العافيه يارب ~ اقتباس:
|
رد: العلم الوكاد في طريقة السداد....
الى الدكتوراه :106:
يعطيك العافيه على المعلومات ماقصرت يابعدي وهاذى الي نبي نسويه انشاء الله موووووووووووووفق |
رد: العلم الوكاد في طريقة السداد....
الله يعيني بنتظر الين يفتحون ةاسدده بالبطاقة
:( |
| All times are GMT +3. الوقت الآن حسب توقيت السعودية: 02:25 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه