|
بنت كانت تطالع واحد بعين قوية - وش صار بعدين ؟
قصة بنت كانت تطالع واحد بعين قويه المهم الرجال طلع شاعر وما قصر فيها كم بيت عشان تتأدب لكن المفاجأه هي !!! وش صار ؟؟؟ تابع القصيدة يقول : كل شبر به الوسيعـه ملـك ربـي تعلميـن وأعلم إن اللي خلقني هو خلق لـك هالعيـون لكن انتي من جلستي وانتـي فينـي تحدقيـن كن ما به ناس غيري بهالكراسـي يجلسـون لو سمحتي عاد أسمعي وحتى لو ما تسمحيـن المهـم اللـي بقولـه تسمعينـه و يسمعـون ع الأقل ليا نظرتك سـوي روحـك تستحيـن غضي طرفك مثل غيرك خوف ربعي يلمحون الركادة عاد زينة والحياء فـي البنـت زيـن وفيـك جآزم لا ركـادة ولا حيـاءٍ يـذكـرون تعرفينـي ؟! أعرفـك ؟! ماأذكـر إنــا ملتقـيـن لا أعرفك من تكوني و لا تعرفي مـن أكـون وإطمأني إن كان قصدك بس فينـي تشبهيـن ما هـو أنـا إلي تعرفيـه والبشـر يتشابهـون مـا دريتـي من التشابـه يخلـق الله أربعيـن وأعرف أربع يشبهنك بـس والله يستحـون وإن كان قصدك شي ثاني عاد قولي وش تبين خايف إنا نصير فرجة وإللي ماشتروا يتفرجـون وإذا ببالك عاجبتنـي لا يحوشـك تحلميـن صح ربعي من جمالك فيـك صـار يمدحـون بس وش لي في حلاتك دام فيهـا ترخصيـن حشمة البنـت وحياهـا والكرامـة يلفتـون ولو توفر فيك هـذا مـع حلاتـك تبشريـن ما هو أنا ألف غيري بـاب بيتـك يطرقـون < BR> وش علامك رغم كل اللي أقولـه وتسكتيـن مو طبيعي هالسكوت وهالبـرود وهالسكـون إنتـي خرسـا أسألـك ولا منتي تسمعيـن ؟؟؟ قالوا ربعي ذي كفيفـة قلـت لا لا تمزحـون لين شفتك يوم رحتـي يمسكونـك باليديـن ما دريت إلا عيونـي أربـع أربـع يذرفـون آه ياني منه مشهـد يـوم شفتـك ترحليـن جيت اشوف عيون ربعي لقيت الكـل يدمعـون يالكفيفة يالعفيفـة إن قلـت آسـف تقبليـن ؟؟؟ يغفر الله ذنوب عبده ليا خطا وهـل تغفـرون؟؟؟ :Looking_anim: . |
رد: بنت كانت تطالع واحد بعين قوية - وش صار بعدين ؟
مميزه ,,مميزه ,, مميزه ,,
وتحمل رساله ,,,ساميه وإبداعيه وثريه بالخلق الإنساني ,,,, صحيح إنها تشكي من خلل في الوزن في مواضع ,,, لكن رسالتها أسمى بكثير ,,, أراها أفضل بكثير من قصآئد حشو رأيتها كانت محافظه علـ الوزن لآكنها لا تمتلك الرساله ,, أهنيك عليها ,,,, |
رد: بنت كانت تطالع واحد بعين قوية - وش صار بعدين ؟
اقتباس:
شرفني مرورك ياطويل العمر وان شاء الله يقدرنا ونتجمل في القصايد اللي تبيض الوجه عن الريجيل - بالتوفيق لك . |
رد: بنت كانت تطالع واحد بعين قوية - وش صار بعدين ؟
مثل ماقال اخوي من القلب الى القلب
من جد اختصرت هالكلمات كل الكلام صح لسانك وفالك البيرق بالدنيا والاخره يارب |
رد: بنت كانت تطالع واحد بعين قوية - وش صار بعدين ؟
الييييييمه بحق
وتحمل في طيااتهااا رساااله ساااميه شكراااا لك ابن الفهد على الانتقاءء المميزز :106: |
رد: بنت كانت تطالع واحد بعين قوية - وش صار بعدين ؟
بس حرام جلدها :sm1:
|
رد: بنت كانت تطالع واحد بعين قوية - وش صار بعدين ؟
حلوووة ومن زمان سامعتها
وكسرت خاطري |
رد: بنت كانت تطالع واحد بعين قوية - وش صار بعدين ؟
صح لسسسانك .. :Cry111: :sm1: مؤووولمه جدا |
رد: بنت كانت تطالع واحد بعين قوية - وش صار بعدين ؟
صح لسانك اخوي بس حراااااام كسر خاطري ننتظر ابداعاتك القادمه تقبل مروري .. جنا القحطاني |
رد: بنت كانت تطالع واحد بعين قوية - وش صار بعدين ؟
الأبيات حلوه وراااااائعه
وفيها عبره أن الشخص لا يستعجل في الحكم على الناس من غير التاكد عشان ما يضع نفسه في احراج مبدع ابن فهد وصح لسانك تقبل مروري نــــــاصرالنـــــاصر |
| All times are GMT +3. الوقت الآن حسب توقيت السعودية: 05:12 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه