ملتقى طلاب وطالبات جامعة الملك فيصل,جامعة الدمام

صباحكم رضاً وسعادة إن كنتم مُصبحين

ومساؤكم أُنسٌ و طاعة إن كنتمممسين.....

ايام معدوده وتبدا مرحلة الاختبار لنهاية هذا العام عسى الله ان يوفقنا جميعا وتتحقق اماننينا ..

بعيدا عن الغه الفصحى التي اعتدتها في الكثير من بعض مواضيعي الا اني قد اتخلى عنها الان كي تكون اللغه واضحه والمعنى ما اريد اياصله بسرعه .
.....
من بداية دراستي بالانتساب في الجامعه وانا من سمتر الى سمستر اخر وانا اسمع من هنا ومن هنا وخاااااصة ايام الاختبار .. اسمع كثير لزميلاتي العزيزات النصيحه الي راح تفيدني والي تهمني بالدرجة الاولى سواء لاستفسار عن ملخص معين او طريقة اسلوب دكتور الفلاني والخ ..
لاحظت شي ان الدكتور يتلون في الاسلوب من سمستر الى سمستر اخر .. اقولكم وشلون في المستوى ماقبل الماضي مادة (( بناء وتطوير مناهج )) موضوع لا ينتهي من القيل والقال والتوعد بحمل الماده لصعوبتها وشدتها في معانيها واسلوب الدكتور الي وكانه يطبق مقولة ( انا موجود ,,)) الا اننا تفاجاءنا باسئله مرنه وسهله والحمد لله ... والاغلبيه الكثير الكثير نجح والحمد لله وطبقنا مقولة ( نحن هنا ))
نجي لمادة ( مقدمة التاهيل وما ادراك مالتاهيل ) ماده دسمة بمعنى الكلمة على الرغم ولاول مره اهتم بماده وبمتابعه مستمره للمحاضرات المسجله لاني ماتعودت بكل صراحه اسمع لاي ماده الا انها مرت مرورو الكرام
من اروع الاسئله الي مرت علينا بتقلون ليش ؟؟؟؟
لانها نسخ ولصق من اسئله العام ...هذا الي احبيت اوصله يعني لا تاخذون كلام وخلاص تمسكون عليه ان الماده الفلانيه نار وصعبه بالعكس من سمستر الى اخر يتغير الحال الى حال افضل ان شالله ..
كذالك .. بالنسبة للسمستر الي راح الاغلبيه من موادنا والحمد لله كانت بكل صراحة اغلبيتها اسئله العااااااااااااااام . مو يعني اني اقولكم لا تذاكرون عليكم باسئله العام لا والف لا ذاكرو المحتوى وبعدين بالاخير ارجعو لاسئله الاختبار وذاكروها زين مازين ...
مادة التقويم التربوي )) انا وبكل صراحه اقولها كنت ابكي يوم دخول الاختبار من شدة الخوف واصراري ان الدكتور ( النعيم ) اسئله تعتمد على الفهم والتحوير يعني جامده وهذا الخوف انا مني من صنعته وعشته ..
مرت الماده وكانت ايظا من اروع المواد والحمد لله ..
كذالك عندي ملاحظه احيانا مايزيد الطين بله الدكتور لبعض المواد الله يهديهم يطلب كتاب الفلاني ويشدد ويحرص لين اخر يوم وبكل صراحه ( من اجل الربح المادي .. لصديق او لزوجه وهذا امر الكل متعارف عليه ومن تجارب سابقه لبعض اخواتنا ممن تخرجو من سنوات الماضيه ( انتظام ) وما يجي الاختبار الا الاسئله ماتتعدا المحتوى !!!! بالنسبه لنا احنا ( الانتساب ) وهذا ماصار لنا بالمستوى الاول والحين الكتب مليانه بالمكتبه والاسئله ماتعدت المحتوى ..!!!!

الخلاصه ...
اننا مانعتمد كلام قيل وقال سمعناه او حتى شفناه على نفس الماده لانه بصراحه حال اسلوب الدكتور متغير من سمستر الى سمستر اخر .. وهذا ليس كلامي انا الوحدي من الاغلبيه من زميلاتي بالدراسه ممن لهم بصمه حقيقه في منتدانا الغالي هنا .. اكدو الكلام وبالفعل حال الدكتور بوضع الاسئله يتغير والاغلبيه الاغلبيه ( نسخ ولصق من اسئله اختبار السمسر الي عدت ..)) والبعض ما اقول لكم الله يهدية لعب بالتشتت الذهني للطلبه وربي يحاسبه وش نسوي .. عملنا الي نقدر عليه والحمد لله

بالاخير ..
من كل قبلي ياجعل السعادة ماتفارق دروبكم ويوفقكم جميعا ويخليكم لعين ترجيكم ..
ودعواتكم لي بالشفاء العاجل لاني اعاني من وعكه شديده ( صوتيه ))

دعاء لاتنسونه بكل يوم وكل دقيقة ..
(( ياحي ياقيوم لااله الا انت سبحانك ان تحيي قلبي يارب يارب ))

اختكم
زينة الفهيد