ملتقى طلاب وطالبات جامعة الملك فيصل,جامعة الدمام
صفحة 1 من 2 1 2
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)
-   -   مشكلتي من اول الترم و مافي احد متجاوب (https://vb.ckfu.org/showthread.php?t=314442)

masha3l 2012- 4- 14 12:59 AM
مشكلتي من اول الترم و مافي احد متجاوب
 
السلام عليكم .. يعطيكم العافيه

مشكلتي من اول الترم كانت اني ما اقدر اسجل موادي رغم ان معدلي اعلى من 3

حاولت وحاولو صديقاتي و كل البيانات كانت صحيحه و كتبت موضوع هنا و ارسلت

ايميل للجامعه و اتصلت تليفون و ارسلت خطاب بالفاكس و كل هذا ومافي اي تجاوب

من هالجامعه .. جد وربي اكرهها احسها بيئه ! احس لو يتطورون من هنا الى جدت جدتي

ماعندهم الا الفقر .. اصلا تحس انك متخرج من جامعه متواضعه لأن التواصل بينها وبين طلابها

عدم !!



المهم / رزقني الله بمشرفه هنا و سجلت لي موادي و الحمد لله جات البركه على ايدها


الغريب بالموضوع ان موادي جنبها مكتوب طلآب !!!! كيف كذا ؟ هل هذا الشي عادي ؟

حتى مركز الامتحانات كل صديقاتي مكتوب طالبات الا انا طلآب ! سلآمآت !


هل هذا الشي بسبب المواد ؟؟ هل موادي خطاء ؟



انا عارفه اني لو بتواصل معهم بيكون نفس المشكله الاولى !

تلفون - فاكس - ايميل = كلو زي بعضو ؟

مادري يعني الى متى الحركات ذي ما يسمعون بشي اسمه Communication


اتمنى الآقي الحل عندكم و الله يعدي السنين على خير و يفكنا منهم

جد الواحد ماوده يتذمر ! بس هم يبغالهم صبر فوق صبر ايوب

لأنه بالمنطق موب معقول اكثر من 1000 طالب وطالبه غلط و هم الصح ؟








لكم :106:

دوَدي 2012- 4- 14 01:20 AM
رد: مشكلتي من اول الترم و مافي احد متجاوب
 
-

آهلن ي حلوه ..
لا طبعاً مو طبيعي ولازم يتعدل وضعك !
لان اصلاً حتى المحاضرات المباشره راح تكون مع الشباب ..
عموماً ارسلي لي رقمتس الجامعي و انا بكره احل لك المشكله

:004:

masha3l 2012- 4- 14 01:24 AM
رد: مشكلتي من اول الترم و مافي احد متجاوب
 
هلا دودي - كويس صاحيه - جيت برسلك بس ماش يقولي لآزم عدد مشاركات

رغم اني ارسلت لك من قبل اذا تذكرين - الظاهر كل مشكله اطيح فيها ربي يسخرك لي :004:

رقمي ارسلته لك بالرساله من قبل لأنك انتي اللي سجلتي لي موادي

دوَدي 2012- 4- 14 01:33 AM
رد: مشكلتي من اول الترم و مافي احد متجاوب
 
-

حبيبتي انا اذكر انك ارسلتي لي رقمك ..
بس انا بمجرد ما اخلص من مشكله الشخص احذف رسالته لان عندي الرسايل دايم فل : (
سوري بس خلي نودي ترسلها لي ،
وان شاء الله بكره انا ارد لتس خبر ..

وعلى فكره لازم تتواصلين مع الاداره حقت المنتدى عشان تشيل الكلام اللي تحت نكك ..

masha3l 2012- 4- 14 02:02 AM
رد: مشكلتي من اول الترم و مافي احد متجاوب
 
الله يعطيك العافيه .. بعطيه اكثر من وحده واللي بترسلك اياه قبل خير و بركه

L,v 2012- 4- 14 02:10 AM
رد: مشكلتي من اول الترم و مافي احد متجاوب
 
الله يعينكك ويسر امركك :004:

Bnt 5alid 2012- 4- 14 02:18 AM
رد: مشكلتي من اول الترم و مافي احد متجاوب
 
ميش ..
لا يضيق صدرك يآ بعد الدنيآ :139:

دودي حبيبتي ارسلتلك معلومآتهآ ان شآء الله تقدرين تسآعدينهآ :004:
و الف شكر لك مآ قصرتي :rose:

منى* 2012- 4- 14 02:41 AM
رد: مشكلتي من اول الترم و مافي احد متجاوب
 
وعليكم السلام

الجامعه مرسلين على ايميلي حساب لتويتر يقولون يجاوبون على كل الاستفسارات عليه

اقتباس:
السلام عليكم ورحمة الله وبركاته

تم بحمد الله إنشاء حساب على تويتر للرد على الإستفسارات بشأن الإنتساب المطور (التعليم عن بعد) وتوضيح إجراءات هذا النظام للطلبة

الحساب على تويتر هو

@mohammadkfu

بالتوفيق للجميع

أخوكم / طالب جامعي منتسب

منتدى النقاش في جامعة الملك فيصل

masha3l 2012- 4- 14 03:02 AM
رد: مشكلتي من اول الترم و مافي احد متجاوب
 
منى - بنت خالد - lv

تسلمون حبايب البي :106:

دوَدي 2012- 4- 14 12:28 PM
رد: مشكلتي من اول الترم و مافي احد متجاوب
 
-

تم تعديل وضعككَ .. من طلاب لـ طالبات ..
تقدرين تشيكين عليه ..
لكن ! .. قالو لي الجامعه لازم تعيد المشاركات والتحميل ..
موفقه


All times are GMT +3. الوقت الآن حسب توقيت السعودية: 03:28 AM.
صفحة 1 من 2 1 2
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه