|
عندي كل شي واملك كل شي الا شي وااااااحد
مثل ماهو واضح بالعنوان الشي الي مااملكه هو الانسان الي يسمعني واشكي له همي وافضفض له بلي في قلبي من هموم ومشاكل
عندي فلوس وطلعت مؤهلة لحافز ونزل بحسابي 2000ريال لكني مو سعيدة لان الفلوس مو كل شي بهالدنيا افتقد الشخص الي يسمعني من كل قلبه صاحباتي تزوجوا وصار عندهم اولاد وانشغلوا عني وفي منهم من تزوجوا تغيروا علي وانا ظليت بروحي ماعندي احد يسمعني عندي اهل لكن لما اقولهم انا متضايقة من قعدة البيت يقولوا لي البنت مكانها البيت طيب اشكي حالي لمنو دوووم اشكي حالي لرب العباد والنعم بالله بس بعد انا محتاجة احد يسمعني اشكي له وينصحني اذا غلطت حيييييل متضايقني هالشي ليش انا مو من حقي افرح حالي حال هالناس قضيت عمري كله بالبيت من تخرجت من ثانوي وانا على هالحال واذا طلعت بس حدي ساعة وادرس الحين تعليم عن بعد سنة ثانية لكني مو قادرة اتقبل وضعي بشنو تنصحوني ؟؟؟؟؟؟؟ انا ماعندي خوات وهالشي تاعبني وحتى بنت عمي الي كنت اعتبرها اختي من صار عندها ولد انشغلت عني وماصارت تسال عني وصار لها من زمان تقولي بجيش ولاجت لي وكل تقولي مايمديني مع انها تطلع وتروح كل مكان ودي اغير من حياتي بس شلون اغير من حياتي وانا قاعدة بالبيت ؟؟؟؟؟ شلون اغير من اهلي ؟؟؟؟؟؟؟ |
رد: عندي كل شي واملك كل شي الا شي وااااااحد
عندي لابتوب وعندي ايفون وعندي غرفة بروحي لكني مو سعيدة وربي مو سعيييييييدة
مدري شسوي عشان اكون سعيدة ؟؟؟؟؟ |
رد: عندي كل شي واملك كل شي الا شي وااااااحد
السعاده تكمن في الرضا ,,,
حبيبتي ارضي بالحال اللي انتي فيه رح تكوني سعيده ,,, تقربي من رب العباد ... اقرأي القرآن ... واتعرفي على صديقات واتواصلي معهم عن النت ,, واحنا معك وانشالله تكووني مبسوووطه ,,, والله يبعتلك السعاااده وين ماكانت ,,,, :106::106::106: |
رد: عندي كل شي واملك كل شي الا شي وااااااحد
أول شي الله يسعدك بالدنيا والآخرة ويفتح على قلبك :rose: ..
:004: حبيبتي :004: .. السعادة بالقلب حتى لو وضوعوني خلف القضبااااان ~جنتي بقلبي أيما ذهبت تذهب معي~ ^^ وهذا دليل على كلامك أنو ما شاء الله مو ناقصك شي ولازم تحطين في بالك " لقد خلقنا الانسان في كبد" لكن لكي تكوني سعيده .. [1] اقرئي كل يوم ورد من القرآن ولو آيه أهم شي ما تقطيعين وردك. [2] صلي آخر الليل وانتي مستمتعه. [3] اذا كنتي تحبين القراءة , اقرئي واقرئي واقرئي فَ بالقرائه تسافرين لاآآآبعد نقطه على الارض وأنتي مكانك. [4] عاااشري السُعداء حتى لو كانو من عالم النت. [5] اشكي لنفسك فعدما تشكين لها فَ أنتي تشكين لشخص يفهمك. وآخيرا .. رددي دائما "اللهم اني أسالك الأنس بقربك" وخاصة في سجودك دعواتي لكِ بالسعادة فِ الدارين ووفقك الله لم يحب ويرضى :rose::004::rose: |
رد: عندي كل شي واملك كل شي الا شي وااااااحد
اختي الكريمه ..
تذكري ان السعاده لاتكمن في الخروج من المنزل ولا بالذهاب الى الاسواق ولا الحدائق والمتنزهات ولا بكثر الاصدقاء ولا بقلتهم ..السعاده تكون بالرضى بالواقع والتعايش معه والتقرب الى الله بفعل الطاعات وتذكري قوله تعالى في سوره طه ((ومن اعرض عن ذكري فان له معيشه ضنكاً ..))الايه نعم اختي التقرب الى الله بقرأه القرأن والاستغفار هو من يجلب السعاده ويبعد الهموم . وتذكري ان الفراغ يجب ان يستغل حتى لو كنتي بالبيت مثل عمل الرياضه بالاجهزه الكهربائيه والرسم والطبخ وغيره . وفقك الله والجميع لما يحب ويرضى . |
رد: عندي كل شي واملك كل شي الا شي وااااااحد
بسم الله نفس هذا الموضوع ونفس الكلام شفته قبل اشهر .. :Looking_anim::Looking_anim: اختي قلتيها : اقتباس:
يمكن خيرة لك قولي الحمد الله اهم شيء العافيه والصحه , واذا تبين تفضفضين اكتبي كل اللي بخاطرك في ورقة واحريقها وربي راحه نفسيه :019: عندي خوات واخوان وصديقات ومع ذالك مااقول اي شيء بخاطري يعني مب شرط اذا عندك خوات او صديقات راح تفضفضين كل شيء لآ لا تعلقين سعادتك بشيء , انتي اخلقي بنفسك السعادة , و ياالله حسن الخاتمة .. |
رد: عندي كل شي واملك كل شي الا شي وااااااحد
مساء سعاده : ) و إن لم توجد . . آختلقوها ♥ ! فلا شيء أجمل من أن . . نسعِد ذواتنا آهلن بك عزيزتي bissan :rose: مين كذّب عليك وقآلك إنو ضروري يكون عندنـآ آنسان نفهمه ونشكي له ! :sm4: والمصيبه الأعظم نآدر مانلاقي أحد [ كفو ] .. بهالزمن :/ إنتي خليك صديقه نفسك .. حآولي نشغلي نفسك ب آي شيء [ مفيد ] لك ول أهلك ول المجتممع مثلا خشي موآقع [ طبخ - خلطآت - مكيآج - برآمج مثلاً .. :10111: ترى مشكلتك ب[ وقت فرآغك ] فقط ! ولا الحمد لله زي ماقلتي مو نآقصك شيء .. آحسن من إللي ماعندها جوآل آصلن " بهالوقت مالك إلا درآستك لـآن مابقى شيء ع الإختبآرآت تقريبا 40 يوم أشغغغلي نفسك فيهااا .. أبذلي جهدك .. ولا تهمليهـآ :biggrin: من نآحيه الزوآج لاححححققققه خير , وإللي تزوجو يقولو ليتنـآ ماتزوجنـآ :139: والحمد لله ملييييييييييون مره إننـآ ب نعمه ونحسد عليها :004: حنـآ صديقآتك وإللي تبين :004::wink: فقط لا تتشآئمي من هـ الحيآه الحلوهـ .. وكل تأخيرهـ فيها خيرهـ السَعاده أنَ تبْتَسمْ دُونَ مناسبه ومابداخلگ يهْمَس . . ﭑلحَمْدُ الله , آللهم لك الحمَد حَتى ترضِى ولك ﭑلحمد إذا رضيت ولك ﭑلحمد بَعد ﭑلرضا |
رد: عندي كل شي واملك كل شي الا شي وااااااحد
الاخوان قالو وكفو ووفو بارك الله فيهم
|
رد: عندي كل شي واملك كل شي الا شي وااااااحد
+
عزيزتي / الاخوه ماقصروآ بتقديم النصايح وانتي لديك م يمتعك ّ ولكن / لن تتغير حالتك النفسيه واحباطك هذا الا بتغغير الفكره في عقلك الباطن انتي مقتنعه ومتوهمه ان السعاده لابد من صديق يسمع واشكي له لذا سيطوول عليك العمر للبحث وان وجدتي ّ ستتعلقي به جدا واي تصرف سيرهقك لمآ لمآ الاعتماد ع الناس !! كوني انتي وذاتك اصدقاء وغيري معتقداتك الباطنيه وبعدة تتغير حالتك النفسيه +تصرفاتك الواعيه + الله يسعدك قدّ ماتتمني يارب :rose: |
رد: عندي كل شي واملك كل شي الا شي وااااااحد
مشكور على كلامكم الرائع وماقصرتوا خليتوني اتفائل بالحياة :119:
|
| All times are GMT +3. الوقت الآن حسب توقيت السعودية: 12:42 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه