ملتقى طلاب وطالبات جامعة الملك فيصل,جامعة الدمام - طريقه لمن آراد معرفه نقل المحاضراه من البوربوينت الى وورد :-

طريقه لمن آراد معرفه نقل المحاضراه من البوربوينت الى وورد :-

السلام عليكم ورحمه الله وبركاته
http://im28.gulfup.com/2012-03-31/1333143199668.gif

الطريقه بطبقها بمحاضره من عندي

اولا :

نآشر على الكلام او الكلمه مثلا انا ضغط ضغطه واحده على العمليات الثقافيه راح يطلع لي الاطار الخاص فيها مهما كانت الكلمه مقلوبه ولا معكوسه ولا فوق تحت اشر فقط على الكلمه المراد نسخها ثم نسحبها وبعدها ننسخها اما نسخ او (ctrl+c) و هذه الطريقه اسرع للخفيفين في السرعه الموهم زي ما هو موضح بالصوره

(طريقه سحب الكلمه موضحه بالصوره الثانيه اكثر من الاولى)

مركز تحميل الملفات http://im15.gulfup.com/2012-03-31/1333141666451.jpg

ثانيا :

سحب الكلمه زي ما قلنا نسحبها الى الحد الي نبغاه مو شرط كل الكلام الي في السلايد الواحد ننسخه , اتفقنا !

مركز تحميل الملفات http://im15.gulfup.com/2012-03-31/1333141666372.jpg

ثالثآ :

ايظا هنا سحب للكلام وسحب نص الكلام بس عشان تشوفون الكلام الي بينسحب يكون مضلل والا بالامكان سحب السلايد كامل بس الموضوع يختلف عن الشرح يعني فهمتوا قصدي ..!

مركز تحميل الملفات http://im15.gulfup.com/2012-03-31/1333141670803.jpg

رابعآ :

بعد ما آآشر على الكلام الي ابغى انسخه اسوي نسخ او (ctrl+c)كلاهم نفس الشيء بالنسبه للنسخ ننسخه بالورد او اي مكان مستند ملف ثاني اي شيء او حتى موضوع بمنتدى اي مكان يسمح فيه بالصق ..

وعلىى فكره الي يلصق بدل ما نسوي لصق نفس حركه نسخ بس + v مثل (ctrl+v) جربوها وان شاءلله تنفعكم ..

مركز تحميل الملفات http://im15.gulfup.com/2012-03-31/133314167574.jpg

خامسا :

الاطارات هذه بعضكم يقول ما اقدر لازم تطلع على شكل صوره والالوان فيها كثيره بامكانكم ترا ما تنسخونها صوره انتوا تتحكموا فيها عن طريق الوورد فيه كل شيء شوفوا .

اقصد هذا الاطار ..

مركز تحميل الملفات http://im15.gulfup.com/2012-03-31/1333141678705.jpg

سادسا :

طريقه تسونها من دون ما تطلع على شكل صوره , طبعا انا اشرح على وورد 2010 الي 2003 يدورون الكلمه فقط والشرح نفس الشيء ..

نروح وورد -> ادراج -> اشكال . لا تختارون سمارت ارت smartart لانها بتطلع نفس الشيء كانه صوره هذه smartart لعمل القوالب و عروض الالعاب واشياء ثانيه ..

بعدين تختارون مربع او مستطيل او اي شيء تبغون وترتبونه بالطريقه الي تبغونها حتى اشكالها جميله ..

ترسمون الشكل بنفسكم وتقدرون تنسخونه بدون ما ترجعون ترسمونه ثاني مره الغرض من هالحركه تطله المربعات بنفس المقاس والنسخ زي ما علمتكم او الطريقه الاصليه مافي مشكله ..

مركز تحميل الملفات http://im15.gulfup.com/2012-03-31/1333141687986.jpg

وهكذا مع باقي الشرايح الى ان تنتهي المحاضره ..

الخلاصه من هالحركه :

1- اولا توفير للالوان يعني قبل كان يقعد اللون اسبوع او اقل وتخلص ونعبي ثاني مره لكن بالورد يقعد شهرين >> جميل صصح ^^

2- بدل ما تكتب باليد حرف حرف وكلمه كلمه كذا اسهل وتنقلين ولما تطلع على شكل وورد هي اصلا بتصير كان كتابه بيد بس اللهم الخط بيكون مرتب وبخط واحد مو نص فوق ونص تحت :biggrin:

3- لا تنسون تدبسون الاوراق لما تخلصون طباعتها عشان كل محاضره تصير مدبسه ما تتلخبط بالاوراق .

وبسس :004:

لا تنسون هذه الحركتين جميله جدا وسهله وبسرعه :

(ctrl+v) لصق
(ctrl+c) نسخ

ايظا هذه الحركه اضيفها :

(ctrl+s) حفظ

دعواكم وبالتوفيق

..

رد: طريقه لمن آراد معرفه نقل المحاضراه من البوربوينت الى وورد :-

وش الفااااااااااااااااااااااايده يعني :g2:

رد: طريقه لمن آراد معرفه نقل المحاضراه من البوربوينت الى وورد :-

هذا للي يطلبون تحويل من الباوربوينت الى وورد في بعضهم يطلبون لاعضاء يسون لهم ومنعا لاحراج الاعضاء ممكن الواحد يدخل يشوف الطريقه ويسويها بنفسه .

وعشان في كثير م يعرفون يحولون من بوروبينت الى ورد ..

بخصوصك يا امل 2 اذا تعرفين خلاص بس انا كتبت للي ما يعرف ولو تلاحظين العنوان مكتوب فيه طريقه لمن اراد معرفه ...الخ

شكرآ للسؤالك . عشآن وضحت فكره مهمه .

رد: طريقه لمن آراد معرفه نقل المحاضراه من البوربوينت الى وورد :-

يعطيك العافية ياآنسه سلو على الشرح

رد: طريقه لمن آراد معرفه نقل المحاضراه من البوربوينت الى وورد :-

مشكورة انسة سلو ما قصرتي ربي يعطيك العافية
فكرة اضافية للي تبي الخط يكون موحد:ـ
1/ نحدد الموضوع كامل ( ctrl + a ).
2/ نختار حجم الخط ( يفضل ان يكون 18 علشان يصير واضح ).
3/ نختار الخط الي نحبه من خيارات الخطوط.
4/ ونحفظ اللي سويناه.

وبالتوفيق للجميع يا رب

رد: طريقه لمن آراد معرفه نقل المحاضراه من البوربوينت الى وورد :-

شكرا على الموضوع

رد: طريقه لمن آراد معرفه نقل المحاضراه من البوربوينت الى وورد :-

يعطيكم العافية انسه سلو ومنو11
الله يوفقكم جميعا:d5:

رد: طريقه لمن آراد معرفه نقل المحاضراه من البوربوينت الى وورد :-

اقتباس:

المشاركة الأصلية كتبت بواسطة إحساس الشرقية (المشاركة 6075828)

يعطيك العافية ياآنسه سلو على الشرح

بعافيك الرحمن ..

اقتباس:

المشاركة الأصلية كتبت بواسطة منو11 (المشاركة 6076319)

تسلمين على الاضافات ..

يوفقك ربي

رد: طريقه لمن آراد معرفه نقل المحاضراه من البوربوينت الى وورد :-

اقتباس:

المشاركة الأصلية كتبت بواسطة علمتني دنياي (المشاركة 6076349)

شكرا على الموضوع

العفو ..

اقتباس:

المشاركة الأصلية كتبت بواسطة ريمي505 (المشاركة 6076361)

يعطيكم العافية انسه سلو ومنو11
الله يوفقكم جميعا:d5:

ويوفقك ريمي ..

رد: طريقه لمن آراد معرفه نقل المحاضراه من البوربوينت الى وورد :-

مشكوورة آنسسه سلوو ع الموضووع المفييد :004::004: