|
رأي الجميـــع هنــا : (
.. السلام عــليكم أبغى رأي الجميع هنا دون استثناء رجـاءً والله الموضوع مقرقع بمعدتي 3 سنوات تقريباً ندخل بالسالفة .. بكتب لكم الأسماء برموز ( ش ) و ( ح ) ش = شخص كبير فـ السن عمره فوق الـ 40 ح = شخص مراهق لتوه ما تجاوز الـ 20 أنا كنت أشتغل مع ح عند ش وصراحةً كلهم يعتبورن أصحابي وعلاقتي بهم طيبه وأنا أتحدث مع ح كان يتكلم لي عن ش ويتكلم عليه بظهره ويسبه ويغتابه ويقول لي تكفى لا تعلم ش وانا أقوله : ان شاء الله بس لا تتكلم مره ثانه عن الرجال ويزداد في الكلام والغيبه والكلام البذئ أنا الوضع عندي تأزم صرت محتار الحين ش مشغل ح عنده وذا يتكلم عليه من ورا ظهره .. ؟! صراحة انقهرت على ش وكان ح يخطط هو وأخوه على ش وأنا لما سمعت أخ ح يتكلم عن الحركه اللي مسوينها ضد ش رحت كلمت ش وقلت له انتبه من ح وأخوه .. تراهم ناوين عليك أنا أعتبر خنت صداقتي مع ح ..؟ أم أعتبر وافي مع ش ..؟ علماً بأن ح طرد من عمله .. والله فكرت أعتذر من ح بس ما أقدر ما عاد لي وجهه والله رحمته لانه كان يفضفض لي براحة وانا ما كنت ناوي أكلم ش الا بعد ما سمعت الكلام من أخوه + ش سحب مني الكلام سحب مو أنا اللي رحت له عاني .. ! ح كـان أبو وجهـين قدام ش بوجه وقدامي بوجه اي استفسار أكثر بالموضوع الرجاء طرحه هنـا قبل الإجابه :Looking_anim: |
رد: رأي الجميـــع هنــا : (
اخى الكريم // معاند
انت لم يكن لديك خيار ابدا ان سكت فانت خنت الاول وان بلغت فانت خنت الاخر عموما هى تتوقف عن هذا الكلام ونوعيته وهل فيه اذيه للشخص وضرر كبير عليه وبالتالى تكون الخيانه عظمى ياعزيزى , اما اذا كانت كلام في كلام فلا يهم ذالك كثيرا ولكنه في المقابل لا يجوز نهائيا بما ان الرجل ش موظف الشخص ح لديه ومؤتمنه على ماله وحلاله ايضا ولكن ارجع واقولك لك انها تتوقف عند ( نوعية هذا الكلام ) تحديدا قال تعالى (( ان الله لا يحب الخائنين )) وقال الشاعر // من نم فيك نم بك ولا فيه تشكيك بالكذب ياخذ حاجته كل ماجاك عندك حكى فينا وعندى حكى فيك واصبحت مبغضنا وحنا كرهناك ويبدو انى حيرتك قليلا ولم اعطيك الاجابه والتى تنتظرها من الجميع ,, ولكنى اعيد ايضا بانها تتوقف على نوعية هذا الكلام بدرجه كبيره ,, فانت ياعزيزى لم توضح لنا الامر وحتى نقول راينا بكل صراحه وحياديه وشفافيه فلا قيود بينا حتى نخفيها ياعزيزى , وانت ذكرت ايضا بانهم ( يخططون عليه ) اذا ماهو هذا التخطيط وكيف وضعيته يااخى الكريم اتمنى فك الرموز والشفرات وحتى نتمكن من الاجابه بشكل اكبر ,, ملاحظة اخيره / انا ذكرت القصيده وحتى يتبين لك ان من تكلم في الناس امامك سوف يتكلم فيك في يوم من الايام فلا تتحسف كثيرا على امثال هؤلاء ,, وشكرا لك ولو انك اوضحت بشكل كبير لكنت صريح معك للغايه ولكنى اقابل التعليق بالتعليق المماثل له ,, |
رد: رأي الجميـــع هنــا : (
يقول المتنبي ..
وأظلم أهل الظلم من بات حاسدا .. لمن بات في نعمائه يتقلب ... شف وانا اخوك .. اناكبير ومجرب الحياة .. انت الغلط راكبك من راسك الى رجلك .. هو مغتاب .. بس انت نمام طبعا مو انت اقصد اللي صديق للطرفين .. ليش كذا اعلمك بعد ما اشوف الردود من الاعضاء |
رد: رأي الجميـــع هنــا : (
عليكم السلـآم ورحمة آلله ..
معآدلة من الدرجة الثآنيه :sm5: الوجه الحقيقي : [ ح × معآند ] = ش حيث أن القنآع : [ ح ] = ش علمآ بأن [ ح + أخوه ] × ش :tongue: ×~ بالنسبه للموقف .. ردة فعلك طبيعيه وقرآرك سليم بنآء على [ فطرتك و نيتك السليمه في دفع الضرر ] لكن برأيي : مآ أحسنت التصرف ليش ؟ لأنهم الأثنين من ربعك ولا تبي تخسرهم وأي تهور بيفقدك أحدهم .. لو بمكآنك : 1\ رأح أنبّه [ ش ] وأقوله آنتبه لـ روحك الدنيآ ذا اليومين ميب طيبه :cheese: بمعنى بسآعده يكتشف الأمر من نفسه ! 2 \ بأعيد وأكرر لـ [ ح ] أنه معد يغتآبه قدآمي خصوصآ اذا [ ش ] أنسان طيب وما منه قصور , وأبيّن له أن ذآك صآحبي ولا أرضى عليه .. عشآن مآ يجي عليك ملآم بعدهآ ! 3 \ قد ما أقدر بأمنع هالمؤآمره .. ×~ ونصيحه : اذا الأمر قديم ومو مترتب عليه أضرار حآليه , لعد تتذكره :sm4: أقتنع بهالشي بينك وبين نفسك , ان كانه خطأ فهو درس وان كآنه صح فـ آنت كفو وفيك الخير ! وقفل عليه ولعد تسترجعه . . أخطـآء المآضي جحيم الحآضر :10111: موفق :rose: \ :004: |
رد: رأي الجميـــع هنــا : (
" الساكت عن الحق شيطان أخرس "
|
رد: رأي الجميـــع هنــا : (
انا اشوف ان الحاء جدا غلطان وغرضه مو فضفضه وخلصنا هو كان ناوي لعانه واضحه واضح انه يغار من ذاك يعني ماعنده سالفه يوم يأذي دام ذاك ماستلعن
يعني جزء الشين انه موظفه عنده ويمشي له راتب يسوي كذا وتصرفك اشوفه صح لان ذاك ماكان يفضفض اول شي وثاني شي هذاك مابدر منه اي اهانه او اساءه عشان نقول معه حق وانت تعتبر فزعه لصديقك لان هذاك لعين ودامه يتكلم بالشين اجل يتكلم عنك على قول المثل من حكا بغيرك حكا فيك هذا وجه نظري ... |
رد: رأي الجميـــع هنــا : (
:hahahahahah:
قلبتها رياضيات السكوت عن الحق مايصلح الاولى انك تنصح ح وتعلم ح ان ش محترم وطيب ولايستاهل هالكلام الصمت لاينفع بالعكس يضر ش اكثر شي وربما يفقد الثقه فيك لانك زميل للاخ ح ودامك علمت وبقيت السالفه كلها لاتندم على مافات ش طيب و ح يستاهل الطرد واخو ح مع دربه بعد بس سؤال : دام هو ش وخويك ح انت وش اسمك ع مثلا :mh35: احس ان سالفتك مستوحاه من مسلسل مصري :71: تقبل مرووري |
رد: رأي الجميـــع هنــا : (
يا جماعة الخير ..
من جدكم بالله .. هالحين المسكين ذاك انفصل من عمله واسبه نقال الحكي قطع رزقه .. انا عندي سؤال انا وانت كم نسمع من الحكي والغيبة في ظهور خلق الله لو كل غيبة سمعتها رحت اوديها من باب انه صديقي وخايف عليه كان قامت الحرب العالمية المليون .. |
رد: رأي الجميـــع هنــا : (
باك
انا فهمت السالفه على انه مو فضفضه وكلام وحكي السالفه كانت نية استلعان وفعل هو واخوه والرجال مانقل الا لما شاف انهم ناويين الضرر للشين هو سكت على كلامهم وفضفضتهم مده لحد ماوصلت اتفاقه مع اخوه لضرر ذاك يعني ليه تقولون انه انفصل على اساس كلامه والغيبه السالفه كان فيها نوايا لذاك الله اعلم بها يعني انت انقذت الشين قبل لا يتضرر وانقطع رزقه لانه مو ثقققه او كان قدر اللي موظفه عنده واقلها ناقشه الشين ماكان نواها بظهره |
رد: رأي الجميـــع هنــا : (
و عليكم السلام ورحمة الله .. اقتباس:
باين من كلامك انك ماكنت حازم مع (ح) يعني لو من البداية بينت ان هالكلام مايرضيك او انك ماتبي تسمعه ماكان تمادى .. اقتباس:
اقتباس:
قصدك كان يغتاب قدامك براحة .. اقتباس:
طيب انت وش دورك هنا ؟ هل نصحتهم او حاولت تمنعهم ؟ وبما انك سمحت له يغتاب قدامك براحته .. عرفت انهم يخططون وكذا .. لو من البداية قطعت طريق السوالف احسن و لا عرفت بخطه ولا هم يحزنون .. مرات كثيرة ان لا تدري يكون افضل .. لان ياكثر الموظفين اللي يحشون في مسؤلينهم .. لو كلن سوا كذا محد بقى في وظيفته .. عموما بما أن الموضوع قديم خلاص .. اللي راح راح .. انت ان شاء الله ان نيتك كانت سليمة .. لكن باقي ضميرك يؤنبك .. ادعو حق (ح) بالصلاح وان الله برزقه بوظيفة احسن .. السؤال : هل انقطعت علاقتك ب (ح) الان او لا ؟ |
| All times are GMT +3. الوقت الآن حسب توقيت السعودية: 08:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه