|
موضوع للنقاش
السلام عليكم ورحمة الله وبركاته ..... جميعنا يعلم فرحة كل أم بوصول إبنها لسن الزواج وتشتتد الفرحة عندما يطلب الزواج وتتسع البهجة في قلبها وتقوم باحثة عن زوجه تقدر إبنها وتسعده ,, ولهذا يطمح كل شاب مهما كانت ظروفه ..... وكما يطمحن الفتيات للزواج فهذه سنة الحياة وفطرة فطرت عليها البشريه جمعا... أين الطامه وأين المصيبه أين المشكله ...... هي هذه التي أُريد أن أناقشكم بها ... هي كره الزوجة لأهل الزوج وعدم زيارتهم ومنع أطفالها من الزياره وتزيد المصيبه وتكبر الصدمه عندما يقف الزوج مع زوجتة ضد أهله ويزداد الألم عندما يقف الإبن ضد والدته ليرضي زوجته ... أين الرجوله ... أين الإحترام ... أين وأين وأين ................. همسه في إذنك عزيزتي الزوجه // كوني لزوجك مطيعه ولأهله مخلصه ومُحِبه مهما حدث خلاف كوني مرنة تقبلي النصح ولاتكثري الشكاوي على زوجك أمك قالت وأختك سوت....فوالله الذي لاإله إلا هو ستكبرين في عين زوجك وستفرضي على الكل إحترامك أخواني .. وأخواتي ... موضوعي هذا طرحته للنقاش أتمنى أن أكون وفقت في توصيل الفكره التي أُريد إشباعها في موضوعي هذا |
رد: موضوع للنقاش
لن تكرههم وتمنع أطفالها إلا إن رأت مايؤذيها عامل الناس كما تحب أن يعاملوك شكرًا لك...:106::106: ،، |
رد: موضوع للنقاش
و عليكم السلام ورحمة الله وبركاته .. علاقة الزوجة بأهل زوجها علاقة كهربائية جدا ..:biggrin: تحتاج الكثير من الذكاء والمرونة والحذر .. لأنها علاقة أبدية يعني مو يوم أو يومين .. وفي أحيان تحدد نجاح أو فشل علاقتها بزوجها .. لكن للأسف في حالات يكونون أهل الزوج هم السبب في الخلاف مثلا من النوع اللي يعلق وينتقد .. الأم طبيعي جدا راح تشوف ان مافي مرة تستاهل ولدها بس اذااجتمعت الام وبناتها ..:139: وفي حالات الزوجة تكون مشكلجية .وتنقل كلام . يعني مانقدر نعمم . . والضحية يكون الزوج .. محتار يرضي مين أو مين .. لكن في الوجه المقابل في قصص ايجابية جدا وتكون زوجة ولدهم مثل بناتهم واغلى بعد .. باختصار مهما كانت نقاط الخلاف بين الزوجة و أهل زوجها كثيرة يبقى هالشاب او الزوج هو النقطة المشتركة ... يعني لازم يكون في تنازل من الطرفين عشان يكسبونه ولا يخسرونه .. مثل ماقلت لك .. بشوية مرونة وذكاء واحترام .. تمشي الحياة بسلاسة . يعطيك العافية .. |
رد: موضوع للنقاش
المفروض من الزوج و الزوجه احترام لعائلته الثاني
ليه الكرهه؟ اكيد به سبب قوي مثل اذيه او مشاكل بس بالاول والاخير الزوج والزوجه بعقد النكاح ينكتب اسم الزوج واسم الزوجه مو الزوج وامه وابوه والزوجه امها وابوها يعني ارتباط بين اثنين اما الباقي فعلاقه رسميه بحدود الاحترام من بعيد لبعيد افضل عشان ما تتواجد فرصه للتدخل والمشاكل والميانه اللي تجيب البلاوي |
رد: موضوع للنقاش
.. موضوع جميل والغالب يعآني من هذة المشكلة ارئ ان من الواجب ان يكن كل منهم يعرف واجبة وحقة ع الاخر وان حصل خطآ من الاخر او احتكاك بينهم الزوج هو من يحل ويرضضي ب الحق ويقنع وان كبرت المشكلة الافضل لا يعيشون بنفي المكان ولا يحق لزوجة مهمآ حصل قطع الاطفال من اهلهم وان ارادت يقوم الزوج بآخذهم رغم عنهآ فهم اولادهآ مثل ماهم اولادهآ الزوج القوي الحق ّ يعرف كيف يضبط هذة الامور شكككرآ لك |
رد: موضوع للنقاش
هي كره الزوجة لأهل الزوج وعدم زيارتهم ومنع أطفالها من الزياره وولــيه الــكره والمنع .. :Looking_anim: من وجهة نظري .. عامل الناس كما تحب ان يعاملوك فيه ..:106: ووام زوجي _( مثل امي:004: ) احبها واحرص ع رضاهـ واذا صاار وفيه مشاكل .. نتناقش بيننا ونحاول نوصل لحل ان شالله يررضي الطرفين :106: وسواء كان فيه مشاكل او لا . الاطفال ماااالهم دخــل آبدآ < ولا كان فيه شي< مآعينهم ع قـطع صلة الــرحم :sm4: وتزيد المصيبه وتكبر الصدمه عندما يقف الزوج مع زوجتة ضد أهله ويزداد الألم عندما يقف الإبن ضد والدته ليرضي زوجته ... بــصرآآحــة :: الى مافيه خيرر لاهله مافيه خير بالنااس .. % يووقف معهـاآآ اذاكانت ع حـق .. ويوصلوجهة نظرهـ للهم بطريقتة ..ويتوصل لحل بينهم يرضيهم.:wink: اما اذا كان واقف معه ( بالحق والباطل ) يجي ويروح ع كلامهاا .. :(177): سلامات وين الرجولة << مدري وش اقول عنه :hhheeeart4: << بصرآآحــة سلمت يمناك ع الموضوع دمت بحفظه :106: |
رد: موضوع للنقاش
أسكت يا اخوي الله يرحم والديك ... جبتها على الجرح ... :icon9: :sm18:
موضوعك راائع ... :119: وبإذن الله الواحد الاحد لي عوده .. :Looking_anim: :S_45: |
رد: موضوع للنقاش
كيف وليه وشلون تبي الزوج وماتبي اهله وشلون ماتخلي اعياله يروحون لاهلهم تربي فيهم القطيعه
الزوجه اللي مثل كذا حرام علي لو عندها 10 اطفال مايرده الا بيت اهله اهله يوم يخطبون لولدهم يبون له السعاده في حياته وتعينه على كل شئ مو تقطع بينه وبين اهله هذا جزاهم مختارينك من بين كل الحريم واخر شئ تسوي فيهم كذا لا عز الله ماهي مره اخوي برق الحيا لكل امرء من اسمه نصيب فانت تطلع علينا مثل البرق موضوع اجتماعي والكل يعاني منه ولكن انا اسلط اللوم كل اللوم على الرجل كلمه وحده تبيني انا واهلي والا بيت اهلك مفتوح يعطيك العافيه اخوي :106: |
رد: موضوع للنقاش
اذا حبت زوجها حبت كل شيء له صله به ..
|
رد: موضوع للنقاش
موضوع حساس ومهم واتوقع لواخذ نصيبه من النقاش
سيكون ذو فائدة للجميع متزوجين وعزاب. كره الزوجه لأهل زوجها والعكس لكل شيء سبب ومن البداية اذا الزوجه اعتبرة اهل زوجها هم اهلها واذا اعتبر اهل الزوج زوجة بنتهم هي بنتهم لن يكون هناك مشاكل اما ان تدخل الزوجه الحياة الزوجيه وفي اعتقادئها انها سوف تدخل حلبة مصارعه وقد شحنة من قبل قريباتها بانواع النصائح الهجوميه فأكيد بيكون فيه مشاكل:139: واذا اهل الزوج وخصوصاً الام والاخوات عندما تأتي لهم زوجة ابنهم الجديدة يعتبرونها غريبه وخطفت منهم ابنهم غصب عنهم وتروح وتجي وتسوي اللي تبي علي كيفها بدون ماتشاورهم :139: اكيد بيكون فيه مشاكل. وجهة نظر اتمني تكون وصلت لكم بالمختصر. :10111: |
| All times are GMT +3. الوقت الآن حسب توقيت السعودية: 08:58 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه