سوال عن إرفاق الأوراق
 

السلام عليكم

أنا بسجل ماستر في جامعة فيصل

بس حابة اسئل أنا أعرف أسوي سكنر للأوراق و كل شئ بس في شئ محيرني :000: بالنسبة

للسجل

الأكاديمي كيف ارفقه بحيث يصير في ملف واحد pdf لأنه أكثر من ورقة لأني سويت تجربة سكنر لورقة

تصير في ملف واحد يعني كل ورقة في ملف pdf و أنا مابي كذا أنا ابي اوراق السجل كلها في ملف

واحد pdf اتمنى فهمتوا علي :10111:

علموني شنهو اسوي عشان اخليهم في ملف واحد :064:

رد: سوال عن إرفاق الأوراق
 

طبعا ماينفع . انتي اطبعيها بالسكنر كل وحده لوحدها ، بعدين افتحي ملف ورد وانسخي كل صورة
في الملف ، واحفظيه ،، بعدها قومي بتحويله الى صيغة pdf
موفق يارب

رد: سوال عن إرفاق الأوراق
 

يعطيك العافية

الحمد لله عرفت كيف أخليهم في ملف واحد :53:

الحين سجلت و أرفقت كل الوثائق بس في شئ زاعجني إذا جيت عند استعراض طلب القبول يطلع لي كل المعلومات اوك بس تاريخ التخرج يطلع لي غلط غير اللي أنا حطيته في التسجيل اليوم و السنة نفس ماأنا حطيتهم بس الشهر يطلع لي شهر 2 و أنا متخرجة شهر 3 و متأكدة حاطة شهر ربيع اول و الغيت الطلب و سجلت من جديد يطلع لي نفس الشئ :000: و إذا دخلت على تعديل الطلب يرجعني نفس الصفحة ايش اسوي الحين :g2:

رد: سوال عن إرفاق الأوراق
 

عادي أختي حتى أنا مثلك

و بعد تدقيق أكتشفت إنهم بادين ترتيب الأشهر بصفر مو محرم ، وعلى كذا أي شهر تحطينه ، يطلع لك تاريخ الشهر اللي قبله . بس أنا شكلي أبخليه مثل ما هو .

بسألك أختي أنا عبيت كل البيانات بس كيف أرفق أوراقي ؟ أقصد من وين ؟
لأن آخر شيء طلع لي إقرار إنك ترفق الاوراق من موقع الجامعة الاساسي و حطيت نعم .

و لا عرفت وش التالي ؟

رد: سوال عن إرفاق الأوراق
 

أهاااا عشان كذا كنت متوقعة إن يطلع الشهر اللي قبله طيب شنسوي نخليه يعني كذا نتمنى حد يرد علينا

إذا كملت بياناتك تروح لبوابة القبول بعدين تختار ارفاق الوثائق و لازم قبلها تكون مجهز كل الأوراق و مسوي لهم سكنر لازم الشهادة في ملف Pdf بلحالها و بطاقة العائلة بملف و السجل الأكاديمي بملف و التوصيات نفس الشئ بملف طبعا أنا طابعتي اتش بي و معاها سكنر فأول شئ أنا أفتح صفحة طابعتي في الكمبيوتر طبعا فيها خيارات اختار سكنر مستند Pdf بعدين حطيت أول صفحة بالسجل و توهقت ماعرفت اخلي كل الأوراق في ملف بعدين جربت عدت من جديد بس ماضغطت اوكي عشان ماتصير في ملف بلحالها في خيار اللي هو ادد بيج اللي هو إضافة صفحة ضغطت عليه و أكون قبلها حاطة الصفحة الثانية للسجل و هكذا بعدين اوك و حفظ و الحمد لله صاروا جميع صفحات السجل في ملف واحد و نفس الشئ للتوصيات و يوم جهزوا دخلت على موقع الجامعة و بوابة القبول و على إرفاق الوثائق تحط السجل الأكاديمي اللي سجلت فيه مع الرقم السري بعدين تطلع لك صفحة الإرفاق تبتدي تضغط على بحث اللي هو المربع اللي في الوسط و تبحث عن ملفاتك في جهازك و ترفقهم نصيحة الأفضل إنك تسمي ملفاتك بالعربي يعني السجل تكتب اسم الملف السجل الأكاديمي عشان لا جيت ترفقه تعرف إن هذا هو مو ترفق ملف مكان ملف اتمنى فهمت علي و بعدين تنتظر بيطلع لك تم إرفاق الملفات و طلبك مكتمل

بالتوفيق

رد: سوال عن إرفاق الأوراق
 

في مثل هالحالة ،، اذا الاختلاف في الشهر ، ،ورفض خليه ولا تغيريه خلاص ..
اهم شيء سنة التخرج ... موفقه يارب ..