ملتقى طلاب وطالبات جامعة الملك فيصل,جامعة الدمام

[C
السلام عليكم ..

انا الى الحين ماطلعت حره الاختبارات ..

وحالتي يرثى لها .. جراء ماحدث ايام الامتحانات ..

ها انا اطل عليكم << وربي انها ملطوشه كلمه اطل عليكم

الصراحه انا من الناس اللي مجنون في شي اسمه كت كات ..

لدرجه ان خلفيه الجوال صورة كت كات ..

وخلفيه سطح المكتب كت كات ..

وبعد ازيدكم من البيت شعر .. او مدري من الشعر بيت ..

ان اختي الصغنونه ريوووومه حبيبة ئلبي ..

ورثت حبي للكت كات .. لدرجه اننا نفطر انا وهي الصباح على كت كات ..

ونغمس كت كات وشاهي هههههههههههههه

جنوني بالكت كات .. قابله جنون بالببسي ..

بس الببسي طاح من عنيني .. من يوم طلع ببسي بالليمون ..

الحمد لله على النعمه ..

يعني يالببسي ياحبيبي .. صحيح اعزك واقدرك بس تجي ببسي بالليمون ..

ما ابي اقلب تسبودكم على هالصبح ..

تخيل تجيب ببسي عادي ... وتعصر عليه نص ليمونه ..

وش رايكم بالطعم ؟.؟.

يعني اليوم ليمون .. بكرا يطلع ببسي بالكوسه .؟؟

وبعده ببسي بالباذنجان ..

المهم ..

نرجع للكت كات واللي حطم كل شي بالسوق .. وخلى المؤشر احمر ..

لدرجه امي ترسلني اجيب صلصه ( معجون طماط ) تلاقي شاري علبه معجون ..

وكرتون كت كات ..

حتى امي انحولت من كثر الكت كات ..

دخلت عليه مره بالمطبخ الا وهي تصلح الغدا ..

واشوف له .. الا فاكه كت كات وجالسه تحط في القدر ..

وانا انقذ الموقف .. واجي سمكه على القدر .. واشوت القدر بووووووووووز

وتصفقني امي .. وش فيك خربت الغدا .. وانا من اليوم اصلح فيه ؟؟

قلت ياميمتي تحطين كت كات بالغدا ..؟؟

قال اي كت كات ..

قلت اللي بيدك ..

قالت هذا معجون طماط ياطاطمه انت ..

وانا اعرك عيوني .. الا والله انا اللي انحولت وصرت اشوف كل شي كت كات ..

خلووونا من هذي ..

السالفه اللي صارت اني طالع برا السعوديه ..

وجلست يومين ما اكلت كت كات ..

وصرت طايح بالشقه مثل اللي يطلعون في المسلسلات حقين المخدارت ..

وبس اتحكحك .. وراسي يوجعني .. كأني شايب ما شرب قهوة ..

ومرات كأني صغير يبي رضاعته ..

والعالم يطلعون يتمشون وانا بس طايح بالشقه ..

ويسألوني وش فيك يا ولد تعال خل نطلع ونستانس ..

وانا بس نووووم وطايح على السرير ..

والشباب مايدرون وش السالفه ..

وهو يجي واحد معي اسمه سعد .. طير شلوى على قولتهم ..

قال ابي ادق على اهل محمد .. يمكن هو يأكل علاج ونآسيه في السعوديه ..

طبعا قبل لا اقول لكم تفاصيل المكالمه ..

سعد هذا صقيقي الصقوووق .. ودايم يجيني في البيت ..

واختي المذكوره اعلاه .. ريوووومه .. تستانس عليه لانه بس يجيب له كت كات ..

المهم تفاصيل المكالمه ..

سعد دق على البيت وردت عليه ريوومه ..

قال هذي ماهو وقته ..

قالت انت من ؟؟ <<< ألعن ام الاسلوب ..

قال انا سعد صديق محمد .. من عندك ؟؟

قالت وين محمد خله يجي للبيت نبيه

قال خلاص يبي يجيكم بس من عندك ؟؟

قالت خله يجيب لي هديه ..

قال وش تبين هديه بس فكينا

قالت ابي كت كات ..

طووط طوووط طوووط

سعد سكر التلفووون ورجع للعيال قال لقيت الحل ..

قالو وشو .. قل بسرعه ..

قال كت كات ..

وانا اول ماسمعت سالفة الكت كات ..

صحيت ولبست وقال سعد نبي نروح نشتري كت كات ..

المشكله مانتهت ..

اصبروو ..

نكمل بعد الفاصل ..

::

::

روتانا سينما مش حتقدر تغمض عينيك..

::

::

عــــــــــــــدنـــــــــــــآ ..

وين وصلنا ؟؟

اي اي صح ..

دخلنا السوبر ماركت ..

ونسأل العامل .. وين الكت كات ..

قال تحصلونه الرف الرابع ..

يالله .. ياربي رباااه ..

كلها ثواني اطيح في الكت كات لييييييين اقول بس !!

خطوة .. ورى خطوة .. قربت من الكت كات ..

اووووووووووووووحححححححححححححححححححححححححححح ..

وقفت !!!

صدمه ..

تدرون وش صار ..

اعتزلت الكت كات والسبب شوفوا الصور ..

::

::

::

::

::

::

::

::

::

كت كات بالشمام ..

ياربي لك الحمد على النعمه !!

بس هالكت كات الاخضر !! لووووووووووووووووووووووووووول

هذا يشجع المنتخب .. هع هع هع ..

وهذا نوع للبنوتات ..

بالفراوله ..

يعني هولستن فراوله .. معسل فراوله << داشر الولد يعرف انواع المعسل

بس كت كات بالفراوله ..

الحين البنات او بمعنى اصح السحالي ..

يقولون وااااو روووعة .. يالله يجنن ..

اقول طيروووو بس اي كت كات بالفراوله ..

هالنوع .. يصلح للي يشجعون ميلآن .. كركركركركر

لووووول بالتفاح ..

والا بالمووووز ..

وهذا النوع بالكابتشينو .. اختصر الوقت .. يعني بدل ماتشتري كابتشينو وكت كات ..

ياعيني .. بالبرتقال ..

والله هالانواع .. دوختني .. ياربي رباااهـ .. وش نبي بالكت كات ..

خلونا .. نآكل كت كاتنا العادي .. ونريح ونستريح ..

حتى بطلعات البر والكشتات .. معانا الكت كات ..

ياقلبي على الكت كات ..

[
وختاما ..

استروا ماواجاهتووووو ..

والانسان معرض للخطأ .. وهالموضوع مايخلو من الاخطاء ..

واختم هالموضوع .. بـ بيت شعر ..

مــنٍ يــقــوٍلٍ الــزيــنٍ مــآ يــكــمــلٍ حــلآهـ .. كــلٍ شــيٍ فــيٍ حـبـيـبـيٍ آكـتـمـلٍ

ENTER]

[/CENTER]