ملتقى طلاب وطالبات جامعة الملك فيصل,جامعة الدمام - تجمع مستوى ثالث للمذاكرة الأسبوعية اللي يبغى التفوق يدخل هنا

- اجتماع 3 (https://vb.ckfu.org/forumdisplay.php?f=426)

تجمع مستوى ثالث للمذاكرة الأسبوعية اللي يبغى التفوق يدخل هنا

السلام عليكم:

عدت إليكم من جديد:::106::106::106:

تمر الأيام يوماً بعد يوم ولانحس فيها الا بعدما نفقدها ونتندم على لحظة لم نراجع فيها

لكل شخص طريقة خاصة في مذاكرته البعض ابتدأ والبعض الأخر لم يفتح بعد

صحيح هالسمستر مليئ بالكم الهائل من المعلومات وترابطهم مع بعض واغلب المواد تحتاج الى مذاكرة فعلية والتفرقة بينها وبين شبيهاتها في المعلومات

الأغلب وده يذاكر اول بإول بس مافي شي يحمسه للمذاكرة ونا من ضمنكم يمر يوم واقول راح ابتدي انشاء الله من بكرة ويجي اليوم الثاني والثالث ونا على نفس الحالة يعني اتساهل واقول باقي ايام لكن الأيام تمر بسرعة ونحن على مشارف قرب الأختبارات باقي لها شهرين البعض ارح يقول اوف مابقى وقت والبعض الأخر راح يقول لا باقي وقت يمديني على اخر شهر في الأختبار وراح ابتدي البعض راح يقول هالشي على حسب عدد مقرراته الدراسية البعض قد يكون مضغوط بسبب تسجيله كل المواد ونا منهم والبعض الأخر اكتفى بـ 5 او 6 مقررات حتى لايكون عليه ضغط كل هذا راجع على قدرات الطلاب في القدرة على المذاكرة

ونا حبيت في طرح الموضوع حتى نتشارك معاً ونتعاون ونحمس بعضنا البعض ونحفز دوافعنا من اجل ان نبتدي مذاكرة فعلية ونطرح اية استفسار هنا ونتحاور ونتجاوب معه ونحدد يوم او اسبوع لكل مادة ونبتدي في المذاكرة يعني نحدد يوم الخميس والجمعة يكون يوم لتنزيل المحاضرات وحل القضايا وحل الواجبات وبيقة الأيام نراجع فيها كل واحد منا يكتب اللي يريده في المادة

راح ننزل جدول هنا للمذاكرة الأسبوعية لكل مقرر واللي عنده جدوال وماشي عليه وحاس نفسه ماشي في المذاكرة يطرحه هنا حتى نستفيد منه
والموضوع راح يكون موضوع متكامل لكل الأستفسارات وتنبيهات الدكاترة لبعض المقررات ونا راح اذكر لكم ابرز ماقيل في المحاضرات المباشرة بعد سماعها البعض يمكن ماحضرها لآن الدكاترة ينبهون على اشياء لم تذكر في المحاضرة المسجلة

من هنا من تجمع مستوى ثالث ادعوا كل طلاب وطالبات هالمستوى بالتعاون معاً والحماس ونبتدي معاً في المذاكرة .:mh12::mh12: