|
إلى طلاب وطالبات شرق الرياض ..!
السلام عليكم ورحمة الله وبركاته مساء الخير للجميع حبيت بس اكون عوناً لكم بعد الله وتسهيل اموركم بحيث انه قمت بطباعة المقرارات للمستوى الثاني عندي في البيت واذا بغيتوا اصورها لكم واقوم بوضعها عند اي مكتبة بشرق الرياض وتكون قريبة لكم انا مستعد واذا ما اردتوا براحتكم بس ياليت تذكرون لي المكتبة التي تناسبكم وتعطوني عنوانها علما بأن انا بحي المنار عطوني اي مكتبة اروح لها ماعندي اي مشكلة طبعت ملخصات المقرارات الاتية : 1- الاقتصاد الكلي ــــــــــــــ ملخص خجل 2- تقنية المعلومات 1 ــــــــ ملخص دلــــو 3- نظم المعلومات الإدارية ــــــــــ ملخص تذكــار العنزي 4- مبادئ المحاسبة 2 ــــــــــــــــ ملخص فهد الشمري 5- السلوك التنظيمي 6 - الرياضيات 2 ملاحظه مهمة جداً والله وراء القصد لا أقصد بذلك المتاجرة واستغلال الطلاب والطالبات وانما سيكون لوجه الله سبحانه بحيث يتم دفع قيمة التصوير لصاحب المكتبة التي ترغبونها فقط وراح اعطيكم السعر بعد ما اروح له واصور نسخ تكون عنده وراح اخليه يصور بسعر معقول ورمزي لكم . ولا اريد منكم الا الدعاء لي ولوالدي والمسلمين بأنتظار تحديد المكتبة |
رد: إلى طلاب وطالبات شرق الرياض ..!
يعطيك ألف ألف عآآفيه وجعله ربي بموآآزيين حسنآآتك..
تسلم ومآ قصرت,,, <<مآني من الرياض ,, بس رح تسهل على اخوانك وخواتك ,, وانت حطهآ بمكتبه ,,وقولهم وش اسمهآ ,,ووين مكآنهآ,,:(204): عشان الي ما يكون مسجل بالمنتدى يعرف,, موووووووووفق,,:106: |
رد: إلى طلاب وطالبات شرق الرياض ..!
أخوي مشعل لاتخاف, الله عالم وحده من نيتك الطيبة والخالصة وشاكر ومقدر جهدك , والله ينولك مرادك
|
رد: إلى طلاب وطالبات شرق الرياض ..!
مشعل لاهنت : بالنسبة لملخص فهد الشمري لمادة المحاسبة (2) ياليت لو تكرمت تنزله بملف ورود .... شاكر لك
|
رد: إلى طلاب وطالبات شرق الرياض ..!
والله انا اشوف مكتبة الرواد في حي النسيم الشرقي
هي المناسبة وراح اعطيك الأسباب 1. تقع في منطقة الوسط في احياء شرق العاصمة 2.تقع في الوسط بالنسبة للأحياء الشرقيه ( النظيم ، الجنادرية ، القادسية ، النسيم الشرقي ، وكذلك حي ابن باز ، وحي الندوة اليرموك ., النهظة ) انا اشوف هي الأجدر من وجهة نظري موقع المكتبة على شارع ابو هريرة ( الحمزة سابقاً ) عند اول اشاره وانت داخل من طريق المية بعد اول اشاره ب 15 م على يدك اليمين |
رد: إلى طلاب وطالبات شرق الرياض ..!
الله يجزاك خير ويوفقك ما قصرت والله
انا بشرق الرياض بس انا اطبع بالبيت:smile: |
رد: إلى طلاب وطالبات شرق الرياض ..!
اخوي مشعل الله يجزاك كل خير وبنسبة لي ماعندك اي مشكله اي مكتبه تحطها فيها اعطنا اسمها وعنوانه وبيض الله وجهك ماقصرت يكفي ريحتنا من مشوار السويدي وهالزحمات ومره ثانيه الله يجزاك خير
|
رد: إلى طلاب وطالبات شرق الرياض ..!
:biggrin: مشعل لا هنت الله يغفر لك ولوالديك وللمسلمين مثل ما قال النقيب خالد الطويلعي :biggrin: لأن المكان اللى قال عليه قريب جداً من الاخياء اللى ذكرها وابرضوه قريب من الروضه والقدس والخليج والريان والسلام والمنار والربوه .. موفق يالغالي :53: |
رد: إلى طلاب وطالبات شرق الرياض ..!
اوك اللي انتم تشوفونه اذا تبون المكتبة اللي قالها اخوي خالد
|
رد: إلى طلاب وطالبات شرق الرياض ..!
هلا اخوي مشعل الله يعطيك العافيه ماقصرت وبيض الله وجهك ويجعلها في ميزان اعمالك انا اشوف مكتبة الرواد هي المناسبه والراي لكم جميعا ولك خالص تحياتي يا خالي... |
| All times are GMT +3. الوقت الآن حسب توقيت السعودية: 06:43 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام