ملتقى طلاب وطالبات جامعة الملك فيصل,جامعة الدمام

- منتدى كلية العلوم و الآداب بالنعيرية (https://vb.ckfu.org/forumdisplay.php?f=66)

- - أســئله ترفع الضغط؟؟؟؟ (https://vb.ckfu.org/showthread.php?t=29717)

أســئله ترفع الضغط؟؟؟؟

اسئله ترفع الضغط من كثر غباء هذي الاسئله ودك تكفخ اللي يقولها لك
مثلا :

انت الحين بغرفتك منسدح بفراشك ومطفي النور فجأه يدخل عليك
اخوك\اختك ويفتح الباب ويقولك بتنام ؟! ( لا برقص - اكيد بنام !!)

انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
ويصرخ عليك ويقول بصوت عالي :- (هااا بتطلع) !! (لا بجرب الباب زين ولا لا)الصراحه سؤال خطير !!

انت قاعد بغرفتك وماسك الكتاب قاعد تدرس .. يدخل عليك واحد من اهلك يقولك
(هاا قاعد تدرس !! (لا افرش اسناني !! يعني ماسك الكتاب شسوي اكيد ادرس

انت الحين بالكافيه صدفه شفت واحد من الاهل .. قالك هاا شتسوي هنا !! (ابيع بنك) !! لا تعليق

لا وتعالو شوفو قنواتنا العجيبه اهما واسئلتهم !!

مثلا بالعيد بيقابلون واحد من الناس شوفو الحوار :-

المذيع :- مرحبا عرفنا على أسمك ؟

المواطن :- فلان الفلاني . .. . . .

المذيع :- وش تقول لأهلك بالعيد ؟ ! ! !

المواطن :- أقولهم كل عام وأنتم بخير . .
(( لا منه المال ومنها العيال))

يعني السؤال تحفه والمذيع ومعد البرنامج اتحف على هالسؤال

والأسخف من هالبديهيات اللي تضيع وقتنا إذا قابلو الاطفال, , ,

يقول المذيع لطفل :- أنت تحب ماما وبابا ! ! !

(( لا احبك)) سؤال غبي الصراحه !!

برنامج مسابقات على الهوا :-

المتصل :- الوو السلام عليكم

المذيع :- وعليكم السلام هلا وغلا

المتصل:- ممكن اشارك

(يعني انت داق علشان تشارك ليش تستأذن !! من زوود الذرابه)