ملتقى طلاب وطالبات جامعة الملك فيصل,جامعة الدمام - جميع التخصصات الرجاء من سعادة العميد يعطينا وجه ويحلنا الموضوع

السلام عليكم ورحمة الله ..

بدون مقدمات راح ادخل ع الموضوع ع طول ، طبعا اكيد كل بنت بكلية عندها ملاحظات وشكاوي ع المرمطه اللي قاعده تمارس ضدنا كطالبات وطبعا لي عوده مع الموضوع بس بدخل الحين ع اهم مشكلة تواجهني وتواجه كثير غيري خصوصا هالفتره ...
اولا .. بخصوص المقررات اللي مارضت تدخل معانا وجينا الكلية نعبي النموذج عشان تسجلونا انا دخلولي مادتين وباقي وحده للحين مادخلوها يعني تروح علي كذا ع الفاضي ..!!

ثانيا .. ابي احول من الغه العربية لتربية الخاصه ويقولون لي ع الموقع والمشكلة الموقع صارله اسبوع معلق ماقدرت احول ولما رحتلهم قالولي ارجعي وشوفي الموقع بنضبطه ورجعت ونفس المشكلة وبروحلهم بكره حسبي الله ونعم الوكيل على كل شخص ورا هلمرمطه لي سنه كامله ابي اغير تخصصي وماخلوني كل شوي يحطولي عذر و الترم الاول يقولون لازم يكون معدلك فوق الثلاثه والمصيبه انو التخصص رياض اطفال وتربية خاصه اللي يسمعهم يقول كيمياء ولا فيزيا المفروض الشروط هذي تنحط على اللي بيدخلون لقسم اللغه العربية .. نحو ، ادب ، نقد قواعد نحويه وبلاغه يبيلها وحده مخها مفتح عدل هو اللي يستحق معدل عالي عشان الوحده تدخله .. ليش التعقيد ابي افهم فوق 800 طالبة وحاطين 100 او اقل يدخلون التخصص واللي تبي تحول 40 طالبة طيب والباقي وش يسون ليش تجبرونا ندخل تخصص مو ميولنا وربي حاولت اتاقلم مع العربي واشد حيلي وامشي فيه بس ماقدرت امشي فيه ولا كلمناهم قالوا تخصص حلو وهذي لغة القران .. طيب والله ماقلنا شي بس كل شخص له ميول وقدرات ذهنيه في شي انت تتقبله وتتقلم معاه وتمشي فيه صح وغيرك يستعسر عليه والعكس ..يعني تبون نبقى بتخصص مامشينا فيه الى ما ناخذ انذار وبعدها تشوتنونا ..؟! ابي اعرف بس ليش تحطمونا وتهدمون طموحاتنا .. لوسمحت يا سعادة العميد الدكتور عبدالله الحربي .. وكل شخص مسؤل بالجامعه يملك القرار الى متى وهذا نظامكم .. ياخي اتقوا الله فينا وشوفولنا حل خافوا الله فينا لمتى ونظامكم العشوائي معقد ومعقدينا بكل شي :Cry111::Cry111: